The Phnom Penh Post Search

Search form




Logo of Phnom Penh Post newspaper Phnom Penh Post - កម្ពុជា​រំពឹងថា ​ការនាំ​ចេញ​ទៅ​ចិន​នឹង​បន្ត​កើនឡើង




កម្ពុជា​រំពឹងថា ​ការនាំ​ចេញ​ទៅ​ចិន​នឹង​បន្ត​កើនឡើង

Content image - Phnom Penh Post
លោក អ៊ំ សុថា អ្នកនាំពាក្យ​ក្រសួង​ឧស្សាហកម្ម និង​សិប្បកម្ម​ ថ្លែងនាពេលកន្លងមក។ សហការី

កម្ពុជា​រំពឹងថា ​ការនាំ​ចេញ​ទៅ​ចិន​នឹង​បន្ត​កើនឡើង

ភ្នំពេញៈ កម្ពុជា​រំពឹងថា នឹង​ជំរុញ​នៃ​ការនាំចេញ​ទំនិញ​ទៅ​ចិន​កាន់តែ​ច្រើន​បន្ទាប់ពី​ចុះ​អនុស្សរណៈ​នៃ​ការយោគយល់​ស្តីពី​កិច្ចសហប្រតិបត្តិការ និង​ការពង្រឹង​កិច្ចសហការ​អភិវឌ្ឍន៍​លើ​វិស័យ​ស្តង់ដា​រូបនីយកម្ម និង​មាត្រា​សាស្ត្រ​។

MOU នេះ​ត្រូវបាន​ចុះ​ហត្ថលេខា​រវាង​ស្ថាប័នរដ្ឋ​សម្រាប់​ប្បញ្ញត្តិ​ទីផ្សារ​នៃ​ប្រទេស​ចិន និង​ក្រសួង​ឧស្សាហកម្ម និង​សិប្បកម្ម​កម្ពុជា​ពី​សប្តាហ៍​មុន​។

លោក អ៊ំ សុថា អ្នកនាំពាក្យ​ក្រសួង​ឧស្សាហកម្ម និង​សិប្បកម្ម​បាន​ឲ្យ​ដឹងថា MoU នេះ​នឹង​ជួយ​ពង្រឹង​កិច្ចសហការ​រវាង​ប្រទេស​កម្ពុជា និង​ចិន​ឲ្យ​កាន់តែ​រឹងមាំ​លើ​វិស័យ​ស្តង់ដា​រូបនីយកម្ម និង​មាត្រា​សាស្ត្រ​។ លោក​បន្តថា នៅពេល​មាន​ស្តង់ដា​រូបនីយកម្ម និង​មាត្រាសាស្ត្រ​ច្បាស់លាស់ វា​នឹង​ធ្វើឲ្យ​ការនាំចេញ​ទំនិញ​កម្ពុជា​ទៅកាន់​ទីផ្សារ​អន្តរជាតិ ពិសេស​ប្រទេស​ចិន​មាន​កំណើន​ខ្ពស់​បន្ថែមទៀត​។

លោក​ថ្លែងថា​៖ «​នៅពេល​ដែល​គ្រប់​សហគ្រាស​អាចអនុវត្ត​បាន​តាម​ស្តង់ដា​កំណត់ វា​នឹង​ជួយ​ធ្វើឲ្យ​ការនាំចេញ​ទំនិញ​ទៅ​ក្រៅ​ប្រទេស​មាន​ភាពងាយស្រួល និង​មិនមាន​របាំង​ជា​ឧបសគ្គ​ទៀត​ទេ​»​។

ស្តង់ដា​រូបនីយកម្ម​ជា​ការធានា​បាន​នូវ​គុណភាព​ទំនិញ​ដែល​គ្រប់​សហគ្រាស​ផលិត​ទាំងអស់​ត្រូវធ្វើឲ្យ​ផលិតផល​របស់ខ្លួន​អនុឡោម​តាម​ស្តង់ដា​ដែល​បានកំណត់​។ ចំណែក​មាត្រា​សាស្ត្រ គឺជា​រង្វាស់​ដែល​មាន​ការធានា​បាន​នូវ​សុចរិតភាព​ក្នុង​ការធ្វើ​ពាណិជ្ជកម្ម​។

លោក​បន្តថា បើ​ទំនិញ​កម្ពុជា​អនុលោម​តាម​ស្តង់ដា​របស់​ចិន ការនាំ​ទៅ​ចិន​នឹង​មាន​ភាពងាយស្រួល​។ លោក​បន្តថា​៖« នេះ​ជា​ការបើក​ច្រក​ផលិតផល ឬ​ការធ្វើ​ពិពិធកម្ម​ផលិតផល​កម្ពុជា​ទៅកាន់​ទីផ្សារ​បរទេស​»​។
MoU នេះ​មាន​សុពលភាព​រយៈពេល ៥ ​ឆ្នាំ ចាប់ពី​ពេល​ចុះហត្ថលេខា​៕LA

អត្ថបទគួរចាប់អារម្មណ៍