The Phnom Penh Post Search

Search form




Logo of Phnom Penh Post newspaper Phnom Penh Post - កម្ពុជា​គួរ​ងាក​ទៅ​រក​ប្រាក់​យន់​ជាង​ដុល្លារ​អាមេរិក​សម្រាប់​ពាណិជ្ជកម្ម

កម្ពុជា​គួរ​ងាក​ទៅ​រក​ប្រាក់​យន់​ជាង​ដុល្លារ​អាមេរិក​សម្រាប់​ពាណិជ្ជកម្ម

កម្ពុជា​គួរ​ងាក​ទៅ​រក​ប្រាក់​យន់​ជាង​ដុល្លារ​អាមេរិក​សម្រាប់​ពាណិជ្ជកម្ម

130222_12
បុគ្គលិកធនាគារមួយនៅហុងកុងកំពុងរាប់លុយយន់ចិន

ភ្នំពេញៈ លោក Mike Smith នាយក​ប្រតិបត្តិ​ធនាគារ ANZ បាន​និយាយ​ថា​កម្ពុជា​គួរ​ផ្ដាច់​ទំនោរ​ប្រាក់​រៀល​ទៅ​នឹង​ប្រាក់​ដុល្លារ​អាមេរិក​ដើម្បី​ឈរ​ដោយ​ឯករាជ្យ​ខ្លួន​ឯង និង​ត្រូវ​ងាក​មើល​ការ​ផ្លាស់​ប្តូរ​ពាណិជ្ជកម្ម​សកល​ដែល​កំពុង​ធ្វើ​ការ​ដោះ​ដូរ​ជា​ប្រាក់​យន់​ចិន​។

លោក Smith និយាយ​នៅ​ក្នុង​សន្និសីទ​ចក្ខុវិស័យ​កម្ពុជា​លើក​ទី​៧​កាល​ពី​ថ្ងៃ​ពុធ​ថា​៖ «​ខ្ញុំ​ពិត​ជា​ជឿ​ជាក់​ថា អ្នក​ត្រូ​វតែ​គិត​ឲ្យ​បាន​ហ្មត់​ចត់​បំផុត​អំពី​ការ​ទំនាក់​ទំនង​រូបិយប័ណ្ណ​របស់​អ្នក​ជាមួយ​រូបិយប័ណ្ណ​របស់​ប្រទេស​ផ្សេង​ពីព្រោះ​អ្នក​មិន​អាច​គ្រប់​គ្រង​លើ​ម៉ាស៊ីន​បោះពុម្ព​ហើយ​នឹង​បង្ក​បញ្ហា​ដល់​អ្នក​គ្រប់​ពេល​។ ខ្ញុំ​គិត​ថា បញ្ហា​នេះ​កម្ពុជា​នឹង​ធ្វើ​ការ​តាម​អ្វី​ដែល​ចាំ​បាច់​សម្រាប់​រយៈ​ពេល​មធ្យម និង​រយៈ​ពេល​វែង​ប៉ុន្តែ​ត្រូវ​ដឹង​ថា​លំហូរ​ពាណិជ្ជកម្ម និង​វិនិយោគ​កំពុង​មាន​លម្អៀង​ទៅ​លើ​ចិន​និង​អាស៊ី ហើយ​ទំនង​ជា​ប្រើ​ប្រាក់​យន់​ច្រើន​ជាង​ដុល្លារ​»​។

លោក Hiroshi Suzuki នាយក​ប្រតិបត្តិ​នៅ​វិទ្យាស្ថាន​ស្រាវ​ជ្រាវ​ពាណិជ្ជកម្ម​កម្ពុជា​បាន​និយាយ​ថា​ទោះ​បី​ជា​ក្រុមហ៊ុន​ចិន​ជា​ច្រើន​បាន​នាំ​ចេញ​ប្រាក់​យន់​ដោយ​បាន​ផ្ដល់​ការ​លើក​ទឹក​ចិត្ត​ដល់​ក្រុមហ៊ុន​ចិន​ត​ពី​រដ្ឋាភិបាល​ប្រទេស​ចិន​ក៏​ដោយ​ក៏​លោក​សង្ឃឹម​ថា​ដុល្លារ​អាមេរិក​នៅ​តែ​ខ្លាំង​ជាង​ក្នុង​រយៈ​ពេល​ខ្លី។​លោក​ថ្លែង​ថា៖​«កា​រប្រើ​ប្រាស់​ប្រាក់​ដុល្លារ​មាន​សារៈ​សំខាន់​ក្នុង​ផ្នែក​ពាណិជ្ជកម្ម​រវាង​កម្ពុជា​និង​បណ្ដា​ប្រទេស​ដទៃ​ទៀត​។​វា​ល្អ​សម្រាប់​បណ្ដា​ក្រុមហ៊ុន​កម្ពុជា​ព្រោះ​តែ​កម្ពុជា​ជា​សេដ្ឋកិច្ច​ប្រាក់​ដុល្លារ​។​កិច្ចការ​ជំនួញ​ជា​ប្រាក់​យន់​មិន​មាន​ផល​ប្រយោជន៍សម្រាប់​បណ្ដា​ក្រុមហ៊ុន​កម្ពុជា​ព្រោះ​តែ​ពួក​គេ​នឹង​ប្រឈម​ជាមួយ​ការ​ឡើង​ចុះ​នៃ​អត្រា​ប្តូរ​ប្រាក់​»។​លោក Suzuki បន្ត​ថា​ក្រៅ​ពី​ដុល្លារ​អាមេរិក​ប្រាក់​រៀល​មិន​គួរ​ភ្ជាប់​ជាមួយ​នឹង​រូបិយប័ណ្ណ​ណា​មួយ​ឡើយ​។

លោក Suzuki បាន​បន្ត​ទៀត​ថា​៖ «​ប្រសិន​កម្ពុជា​ទទួល​ជោគជ័យ​ក្នុង​ការ​ធ្វើ​បដិ​ដុល្លារ​នីយកម្ម​បាន​កម្រិត​ណា​នោះ​ប្រាក់​រៀល​គួរ​ភ្ជាប់​ជាមួយ​រូបិយវត្ថុ​សំខាន់ៗ​ផ្សេង​ទៀត​ដូច​ជា SDR ឬ​ACU​»។

លោក​បន្ត​ថា​ក្នុង​អំឡុង​ពេល​ប្រាក់​ដុល្លារ​ឡើង​ខ្ពស់​ក្នុង​ប្រទេស​កម្ពុជា​ស្ថិរភាព​អត្រា​ការ​ប្តូរ​ប្រាក់​រវាង​រៀល​និង​ដុល្លារ​គឺ​មាន​សារៈ​សំខាន់​សម្រាប់​គ្រប់​គ្រង​ម៉ាក្រូ​សេដ្ឋកិច្ច​កម្ពុជា​៕

អត្ថបទគួរចាប់អារម្មណ៍