ភ្នំពេញៈ ការ​នាំ​ចេញ​អង្ករ​ពី​កម្ពុជា​ទៅ​ប្រទេស​ថៃ​នឹង​បន្ត​កើន​ឡើង​បន្ថែម​ទៀត ខណៈ​ដែល​រដ្ឋាភិបាល​ថៃ​សម្រេច​បន្ត​គោល​នយោបាយ​ធានា​ទិញ​ស្រូវ​ពី​កសិករ​របស់​ខ្លួន​ក្នុង​តម្លៃ​អប្បរមា។​ អង្ករ​ភាគ​ច្រើន​ដែល​កម្ពុជា​នាំ​ចេញ​ទៅ​ប្រទេស​ថៃ​ជា​ប្រភេទ​អង្ករ​ពាក់​កណ្តាល​សម្រេច​ហើយ​និន្នាការ​នេះ​ត្រូវ​ពាណិជ្ជករ​ក្នុង​វិស័យ​អង្ករ​រំពឹង​ថា​នឹង​នៅ​តែ​បន្ត​កើន​ឡើង​បន្ទាប់​ពី​រដ្ឋាភិបាល​ថៃ​បន្ត​គោល​នយោបាយ​នេះ។