The Phnom Penh Post Search

Search form




Logo of Phnom Penh Post newspaper Phnom Penh Post - កម្ពុជា-ថៃ នឹង​សង់​ស្ពាន​ដែក​តភ្ជាប់​ផ្លូវ​ដែក

កម្ពុជា-ថៃ នឹង​សង់​ស្ពាន​ដែក​តភ្ជាប់​ផ្លូវ​ដែក

កម្ពុជា-ថៃ នឹង​សង់​ស្ពាន​ដែក​តភ្ជាប់​ផ្លូវ​ដែក

ប៉ោយប៉ែតៈ មន្ដ្រី​រដ្ឋាភិបាល​មួយ​រូប​អះអាង​កាល​ពី​ម្សិលមិញ​ថា កម្ពុជា និង ថៃ នឹង​បើក​ការដ្ឋាន​សាង​សង់​ស្ពាន​ដែក​ដែល​តភ្ជាប់​ផ្លូវ​ដែក​ពី​សិរីសោភ័ណ ទៅ ប៉ោយប៉ែត នៅ​ថ្ងៃ ទី២៥ កក្កដា ក្រោម​ហិរញ្ញប្បទាន​ពី​រដ្ឋាភិបាល​ថៃ។

លោក គោ ស៊ុំសារឿត អភិបាល ខេត្ត​បន្ទាយ​មាន​ជ័យ បាន​ប្រាប់ ភ្នំពេញ ប៉ុស្ដិ៍ កាល​ពី​ថ្ងៃ​ចន្ទ​ថា ស្ពាន​មាន​ប្រវែង ៨០ ម៉ែត្រ​ជាប់​ព្រំ​ប្រទល់ ក្រុង​ប៉ោយប៉ែត នឹង​ត​ភ្ជាប់​ផ្លូវ​ដែក​ភាគ​ខាង​ជើង​របស់ កម្ពុជា ជាមួយ ខេត្ត​ស្រះកែវ របស់ ថៃ។

លោក​បន្ត​ថា៖ «ស្ពាន​នេះ​មិន​ប្រើ​ពេល​វេលា​ច្រើន​ទេ​ដោយ​សារ​ភាគី​ខាង​ថៃ​រៀបចំ​អ្វីៗ​គ្រប់​យ៉ាង​រួច​ហើយ ដូច្នេះ​ពួក​គេ​គ្រាន់​តែ​មក​ដាក់​ជំនួស​ដែក​ចាស់ៗ​ប៉ុណ្ណោះ»។ លោក​បន្ត​ថា ស្ពាន​នេះ​នឹង​បញ្ចប់​នៅ ខែ​តុលា។

ផ្លូវ​ដែក​ភាគ​ខាង​ត្បូង​មាន​ប្រវែង ២៥៦ គីឡូម៉ែត្រ​ដែល​តភ្ជាប់ ទីក្រុង​ភ្នំពេញ ជាមួយ​កំពង់ផែ ក្រុង​ព្រះសីហនុ ចាប់​ផ្ដើម​ប្រតិបត្តិការ​ជាមួយ​នឹង​រថភ្លើង​តូចៗ មួយ​ចំនួន​កាល​ពី ខែ​ធ្នូ ឆ្នាំ​មុន។ ប៉ុន្តែ​ផ្លូវ​ដែក​ភាគ​ខាង​ជើង​ប្រវែង ៣៣៧ គីឡូម៉ែត្រ​ត​ភ្ជាប់ ទីក្រុង​ភ្នំពេញ ជាមួយ ក្រុង​ប៉ោយប៉ែត គឺ​មិន​ទាន់​ចប់​សព្វ​គ្រប់​នៅ​ឡើយ​ទេ។

លោក សារឿត បន្ថែម​ថា ក្នុង​ប្រវែង​ផ្លូវ​ដែក ៤៨ គីឡូម៉ែត្រ​ដែល​ត្រូវ​តភ្ជាប់​រវាង ក្រុង​ប៉ោយប៉ែត និង សិរីសោភ័ណ មាន​ប្រវែង​តែ ៦ គីឡូម៉ែត្រ​ប៉ុណ្ណោះ​ឆ្ពោះ​ទៅ​ស្ពាន​នេះ​ដែល​តម្រូវ​ឲ្យ​មាន​ការ​ជួល​ជុល​ឡើង​វិញ ប៉ុន្តែ​កង្វះ​មូលនិធិ​បាន​ពន្យារ​ពេល​ការ​ជួស​ជុល​ហើយ​ហិរញ្ញ​ប្បទាន​ដើម្បី​បញ្ចប់​ផ្នែក​នេះ​នៅ​តែ​មិន​ទាន់​បាន​ទទួល​នៅ​ឡើយ។

គម្រោង​ផ្លូវ​ដែក​កម្ពុជា​មាន​ទឹក​ប្រាក់ ១៤៣ ដុល្លារ​បាន​ជួប​បញ្ហា​លើ​ការ​ចំណាយ​លើ​ដំណើរការ​នេះ​ជាមួយ​នឹង​ការ​ផ្លាស់​ប្តូរ​ទីលំនៅ​ថ្មី​របស់​គ្រួសារ​ដែល​រស់​នៅ​តាម​បណ្ដោយ​ផ្លូវ​ដែក​នេះ។

របាយ​ការណ៍​ចេញ​ផ្សាយ​កាល​ពី ខែ​មករា ពី​គម្រោង​ផ្ទៃ​ក្នុង​របស់ ADB បង្ហាញ​ពី​ការ​បរាជ័យ​ដ៏​ធំ​ក្នុង​ធ្វើ​ឲ្យ​ប្រាកដ​អំពី​ការ​ផ្លាស់​ប្តូរ​ទីលំនៅ​ឲ្យ​បាន​ត្រឹម​ត្រូវ​របស់​គ្រួសារ​រាប់​ពាន់​នាក់ ដែល​ប៉ះពាល់​ពី​គម្រោង​នេះ៕

អត្ថបទគួរចាប់អារម្មណ៍