The Phnom Penh Post Search

Search form

កម្ពុជា​ នឹង​បាន​ប្រយោជន៍​ពី​កិច្ច​ព្រម​ព្រៀង ​ពាណិជ្ជកម្ម​សេរី​អាស៊ាន ហុងកុង ចិន​

Content image - Phnom Penh Post
ទិដ្ឋភាព​នៃ​កំពង់ផែ​ខេត្ត​ព្រះសីហនុ របស់​ប្រទេស​កម្ពុជា។ ហេង ជីវ័ន

កម្ពុជា​ នឹង​បាន​ប្រយោជន៍​ពី​កិច្ច​ព្រម​ព្រៀង ​ពាណិជ្ជកម្ម​សេរី​អាស៊ាន ហុងកុង ចិន​

ភ្នំពេញៈ កម្ពុជា​នឹង​ទទួល​បាន​អត្ថ​ប្រយោជន៍​បន្ថែម​ពី​កិច្ច​ព្រម​ព្រៀង​ពាណិជ្ជកម្ម​សេរី​ថ្មី​មួយ​ដែល​ប្រទេស​ជា​សមាជិក​អាស៊ាន​ទាំង​ ១០ ទើប​សម្រេច​បាន​ជាមួយ​ហុងកុង​កាលពី​ថ្ងៃ​អាទិត្យ ជា​អ្វី​ដែល​អ្នក​ជំនាញ​ផ្នែក​សេដ្ឋកិច្ច​រំពឹង​ថា​នឹង​ជួយ​បង្កើន​ទីផ្សារ​នាំ​ចេញ​របស់​កម្ពុជា និង​ធ្វើ​ឲ្យ​ផលិតផល​នាំ​ចេញ​កាន់​តែ​ចម្រុះ​ឡើង​។

លោក Hiroshi Suzuki អគ្គនាយក​វិទ្យាស្ថាន​ស្រាវជ្រាវ​កម្ពុជា​( BRIC) បាន​ថ្លែង​កាល​ពី​ម្សិលមិញ​ថា កិច្ច​ព្រម​ព្រៀង​ពាណិជ្ជកម្ម​សេរី​រវាង​ទីក្រុង ​ហុងកុង និង​ អាស៊ាន​ នឹង​រួម​ចំណែក​ដល់​ការ​ធ្វើ​ពិពិធ​កម្ម​ទិសដៅ​នាំចេញ​របស់​ប្រទេស​កម្ពុជា​។

លោក​បាន​ថ្លែង​ថា​៖ «​សម្រាប់​បណ្ដា​ប្រទេស​កំពុង​អភិវឌ្ឍន៍​ជាច្រើន​ដែល​រួម​ទាំង​ប្រទេស​កម្ពុជា​ដែល​កំពុង​ពឹង​ផ្អែក​លើ​ការ​នាំ​ចេញ ពាណិជ្ជកម្ម​សេរី​គឺជា​មូលដ្ឋាន​គ្រឹះ​មួយ​ក្នុង​ចំណោម​មូលដ្ឋាន​គ្រឹះ​ដ៏​សំខាន់​បំផុត​ជាច្រើន​សម្រាប់​អភិវឌ្ឍ​សេដ្ឋកិច្ច​»​។

កិច្ច​ព្រម​ព្រៀង​ពាណិជ្ជកម្ម​សេរី​អាស៊ាន ហុងកុង ចិន​ (AHKCFTA) ត្រូវ​បាន​ចុះ​ហត្ថលេខា​កាលពី​ថ្ងៃ​សៅរ៍​នៅ​ក្រៅ​ជំនួប​កំពូល​ថ្នាក់​តំបន់​នៅ​ក្នុង​ទីក្រុង​ម៉ានីល​ប្រទេស​ហ្វីលីពីន​។

កិច្ច​ព្រម​ព្រៀង ត្រូវ​បាន​រំពឹង​ថា នឹង​ចូល​ជា​ធរមាន​ឆាប់​បំផុត​នៅ​ថ្ងៃទី​ ១ ខែ​មករា ឆ្នាំ​ ២០១៩​។

លោក ប៉ាន សូរស័ក្តិ រដ្ឋ​មន្ត្រី​ក្រសួង​ពាណិជ្ជកម្ម​កម្ពុជា បាន​តំណាង​កម្ពុជា និង​ជា​អ្នក​ចុះ​ហត្ថលេខា​លើ​កិច្ច​ព្រម​ព្រៀង​នេះ​។

យោង​តាម​សេចក្តី​ជូន​ដំណឹង​របស់​ក្រសួង​ ពាណិជ្ជកម្ម កាលពី​ម្សិលមិញ កិច្ច​ព្រម​ព្រៀង​ទាំង​ ២​ នេះ​នឹង​រួម​ចំណែក​កាត់​បន្ថយ​របាំង​នានា ចំពោះ​លំហូរ​ពាណិជ្ជកម្ម​ទំនិញ សេវា និង​វិនិយោគ ដើម្បី​កាត់​បន្ថយ​ការ​ចំណាយ​របស់​ធុរជន និង​ធ្វើ​ពិពិធ​កម្ម និង​ជំរុញ​ពាណិជ្ជកម្ម និង​វិនិយោគ​នឹង​ទំនាក់​ទំនង​សេដ្ឋកិច្ច​។

សេចក្តី​ជូន​ដំណឹង​របស់​ក្រសួង​ពាណិជ្ជកម្ម​លើក​ឡើង​ថា​៖ «​កម្ពុជា​នឹង​ទទួល​បាន​ប្រយោជន៍​ច្រើន​ពី​កិច្ច​ព្រម​ព្រៀង​នេះ ដោយ​សារ​ហុងកុង ជា​ទីផ្សារ​មូលធន​ដ៏​ធំ​»៕ LA

អត្ថបទគួរចាប់អារម្មណ៍

  • វីសិនហ្វាន់ លក់​ហ៊ុន ១០០ ភាគរយ​ទៅឲ្យ​ធនាគារ​កូរ៉េ​ខាង​ត្បូង

    ភ្នំពេញៈ គ្រឹះ​ស្ថាន​មីក្រូ​ហិរញ្ញវត្ថុ​វិសិន​ហ្វាន់​ (ខេមបូឌា) ត្រូវ​​បានក្រុម​ហ៊ុន​មេ​របស់​ខ្លួន​​សម្រេច​លក់​ភាគ​ហ៊ុន​​​ទាំង​ស្រុង​ទៅ​ឲ្យ​ធ​នា​គារ​ អ៊ូ​រី​ ដែល​មាន​មូល​ដ្ឋាន​នៅ​​ប្រទេស​កូរ៉េខាង​ត្បូង​​​ ក្នុងតម្លៃ​​មួយ​ដែល​មិនត្រូវ​បាន​បង្ហាញ​​ជា​សាធារណៈ។

  • រដ្ឋាភិបាល​ថា ​នឹង​ខាតបង់​ចំណូល​ពន្ធ $៣០ ​លាន

    ភ្នំពេញៈ រដ្ឋាភិបាល​កម្ពុជា​បាន​ប្រកាស​ដាក់​វិធានការ​ដើម្បី​ជួយ​ទប់ស្កាត់​ការកើនឡើង​តម្លៃ​ប្រេងសាំង ខណៈ​វិធានការ​នេះ​ត្រូវ​បាន​លោក​នាយក​រដ្ឋមន្ត្រី​អះអាង​ថា​នឹង​ធ្វើឲ្យ​រដ្ឋ​ខាតបង់​ចំណូល​ពន្ធ​ប្រមាណ​ ៣០ ​លាន​ដុល្លារ​ក្នុង​ ១ ​ឆ្នាំ​។

  • អង្គការ​នៅ​កូរ៉េ​ខាង​ត្បូង ​ផ្តល់​ពានរង្វាន់​សិទ្ធិមនុស្ស​ដល់​លោក កឹម សុខា

    ភ្នំពេញៈ លោក កឹម សុខា អតីត​ប្រធាន​គណបក្ស​សង្គ្រោះជាតិ​ដែល​កំពុង​ជាប់​ពន្ធនាគារ​ត្រពាំងផ្លុង ក្រោម​ការ​ចោទប្រកាន់​ដ៏ចម្រូងចម្រាស​ពី​បទ​ «​ក្បត់ជាតិ​» ត្រូវ​បាន​អង្គការ​សង្គម​ស៊ីវិល​គាំទ្រ​ផ្នែក​សិទ្ធិមនុស្ស

  • អគ្គិភ័យ​ឆេះ​ផ្ទះ​អស់​ ២០ ​ខ្នង​រីឯ ម្ចាស់​ផ្ទះ​បង្ក​ត្រូវ​​បាន​ហៅ​មក​សួរ

    ភ្នំពេញៈ ផ្ទះ​ឈើ​ប្រក់​ស័ង្កសី​ចំនួន​ ២០ ​ខ្នង​ដែល​មាន​មនុស្ស​រស់នៅ​ប្រមាណ​​ ៣៥ ​គ្រួសារ​ត្រូវ​បាន​អគ្គិភ័យ​ឆេះ​ខ្ទេច​កាលពី​ម៉ោង ៥ ព្រឹក​ម្សិលមិញ​នៅ​សង្កាត់​បឹងទំពុន​ ២ ខណ្ឌ​មានជ័យ រាជធានី​ភ្នំពេញ​តែ​គ្មាន​មនុស្ស​គ្រោះថ្នាក់​ទេ​ឯ​មូលហេតុ​សមត្ថកិច្ច​កំពុង​ស្រាវជ្រាវ​ដោយ​ហៅ​ម្ចាស់​ផ្ទះ​បង្ក​មក​សួរ ខណៈ​អ្នក​ជិត​ខាង​មិន​សុខ​ចិត្ត​នឹង​ម្ចាស់​ផ្ទះ​ដើមហេតុ​។