The Phnom Penh Post Search

Search form

កម្ពុជា​ មាន​បំណុល​សាធារណៈ​ជិត ​៦​ ពាន់​លាន​ដុល្លារ

Content image - Phnom Penh Post

កម្ពុជា​ មាន​បំណុល​សាធារណៈ​ជិត ​៦​ ពាន់​លាន​ដុល្លារ

ភ្នំពេញៈ គិត​ត្រឹម​ចុង​ឆ្នាំ​ ២០១៦ កម្ពុជា​មាន​បំណុល​សាធារណៈ​ ៥,៨ ​ពាន់​លាន​ដុល្លារ ដែល​សរុប​ជិត​ ១​ ភាគ​ ៣ ​នៃ​ផលិតផល​ក្នុង​ស្រុក​សរុប​។ នេះ​បើ​តាម​ព្រឹត្តិបត្រ​ព័ត៌មាន​បំណុល​ចុង​ក្រោយ​របស់​ ក្រសួង​សេដ្ឋកិច្ច និង​ហិរញ្ញវត្ថុ​ចេញ​ផ្សាយ​កាល​ពី​ដើម​ខែ​នេះ​។

របាយ​ការណ៍​បាន​បង្ហាញ​ថា រដ្ឋាភិបាល​កម្ពុជា​បាន​ចុះ​ហត្ថលេខា​លើ​កិច្ច​ព្រម​ព្រៀង​ក្នុង​ការ​ទទួល​កម្ចី​សម្បទាន ៨០៣​ លាន​ដុល្លារ​កាលពី​ឆ្នាំ​មុន ដែល​ធ្វើ​ឲ្យ​កម្ចី​សម្បទាន​សរុប​ចាប់​ តាំង​ពី​ឆ្នាំ​ ១៩៩៣ ឡើង​ដល់​ជាង​ ៨,៣ ​ពាន់​លាន​ដុល្លារ​។ ប្រហែល​ជា​ ៦០​ ភាគរយ​នៃ​កម្ចី​ដែល​បាន​ផ្ដល់​កាល​ពី​ឆ្នាំ​មុន​ត្រូវ​បាន​ផ្ដល់​ដោយ​រដ្ឋាភិបាល​បរទេស ខណៈ​កម្ចី​នៅ​សល់​ ៤០​ ភាគរយ​ ទៀត​ត្រូវ​បាន​ផ្ដល់​ដោយ​គ្រឹះស្ថាន​ផ្ដល់​កម្ចី​អន្តរជាតិ​។ ប្រហែល​ជា ៧៣ ​ភាគរយ​ នៃ​ការ​ផ្ដល់​កម្ចី​នេះ​ត្រូវ​បាន​ទៅ​លើ​គម្រោង​ហេដ្ឋា​រចនា​សម្ព័ន្ធ ខណៈ​កម្ចី​នៅ​សល់​ត្រូវ​បាន​ទៅ «​វិស័យ​អាទិភាព​ផ្សេង​ទៀត​»​។ នេះ​បើ​យោង​តាម​របាយការណ៍​។

ប្រទេស​ចិន​គឺជា​ម្ចាស់​បំណុល​ឈាន​មុខ​គេ​តែ​មួយ​គត់​របស់​កម្ពុជា​កាលពី​ឆ្នាំ​មុន​ដែល​មាន ២៦៦​ លាន​ដុល្លារ ខណៈ​សមាជិក Paris Club ដែល​រួម​មាន​ប្រទេស​បារាំង និង​ជប៉ុន​ដែល​មាន​កម្ចី​រួម​គ្នា​សរុប​ ១៨១ ​លាន​ដុល្លារ​។

ទីភ្នាក់ងារ​អភិវឌ្ឍន៍​អន្តរជាតិ ដែល​រួម​មាន​ធនាគារ​ពិភពលោក និង ADB មាន​ខ្ចី​សរុប ៣១៥​ លាន​ដុល្លារ​កាលពី​ឆ្នាំ​ ២០១៦​។

លោក ចាន់ សុផល នាយក​មជ្ឈមណ្ឌល​សិក្សា​គោល​នយោបាយ បាន​ឲ្យ​ដឹង​ថា កម្រិត​បំណុល​បច្ចុប្បន្ន​របស់​កម្ពុជា​នៅ​អាច​គ្រប់គ្រង​បាន ។

លោក​ថ្លែង​ថា​៖ «​កម្រិត​បំណុល​បច្ចុប្បន្ន​ មិន​បារម្ភ​នោះ​ទេ​បើ​ធៀប​នឹង​បណ្ដា​ប្រទេស​ផ្សេង​ទៀត​ក្នុង​ដំណាក់​កាល​ស្រដៀង​គ្នា​នៃ​ការ​អភិវឌ្ឍ​នោះ​»៕ LA

អត្ថបទគួរចាប់អារម្មណ៍

  • Qatar Airways នៅ​តែ​បន្ត​ពង្រីក​អាជីវកម្ម

    ក្រុងដូហាៈ ក្រុមហ៊ុន Qatar Airways នឹង​បន្ត​ពង្រីក​អាជីវកម្ម បើ​ទោះ​ជា​ក្រុមហ៊ុន​នេះ​ត្រៀម​ខ្លួន​ប្រកាស​ពី​ការខាតបង់​ប្រចាំ​ឆ្នាំ «​ដ៏ច្រើន​» ដោយសារ​ការហាមឃាត់​មិន​ឲ្យ​ប្រើប្រាស់​ដែនអាកាស​របស់​ប្រទេស​ជិត​ខាង​ក្តី​។ នេះ​បើ​យោង​តាម​នាយក​ប្រតិបត្តិ​របស់​ក្រុមហ៊ុន​អាកាសចរណ៍​មួយ​នេះ​កាលពី​ថ្ងៃ​ចន្ទ​។

  • អ្នកភូមិ​ចង់​បណ្តេញ​ជនបរទេស​ ១ ​គ្រួសារ​ដែល​កំពុង​រស់នៅ​ការពារ​ព្រៃ​អភិរក្ស

    ព្រះវិហារៈ គ្រួសារ​បរទេស​មួយ​ដែល​បាន​បង្កើត​គម្រោង​អភិរក្ស និង​តំបន់​អេកូ​ទេសចរណ៍​នៅ​ដែនជម្រក​សត្វព្រៃ​ភ្នំ​ត្នោត​កំពុង​តែ​ត្រូវ​អ្នកភូមិ​នាំ​គ្នា​ផ្តិត​មេដៃ បង្ខំ​ឲ្យ​ចាកចេញ​ដោយសារ​តែ​ទំនាស់​រឿង​ព្រៃឈើ និង​សត្វព្រៃ​នៅ​ក្នុង​តំបន់​អភិរក្ស​ដែល​កំពុង​ប្រឈម​នឹង​ការកាប់​ទន្ទ្រាន​យក​ដី​។

  • ចំណូល​អាជីវកម្ម​តន្ត្រី​ឌីជីថល​កើន​ខ្ពស់

    ក្រុងញូវយ៉កៈ អាជីវកម្ម​ផ្នែក​ឧស្សាហកម្ម​តន្រី្ដ​របស់​ពិភពលោក​បាន​កើនឡើង​ខ្ពស់​បំផុត​រហូត​ដល់​ ៨,១ ​ភាគរយ​កាលពី​ឆ្នាំ​ ២០១៧ ខណៈ​ការលក់​តាម​ឌីជីថល​លើក​ដំបូង​រក​បាន​ប្រាក់ចំណេញ​ភាគច្រើន​ដោយសារ​តែ​កំណើន​ការចាក់​ផ្សាយ​ចម្រៀង​។

  • ក្រុម G7 រក្សា​គោលជំហរ​រឹងមាំ​លើ​បញ្ហា​រុស្ស៊ី​និង​រក្សា​តុល្យភាព​ចំពោះ​កិច្ច​ព្រម​ព្រៀង​អ៊ីរ៉ង់

    ក្រុងតូរ៉ុនតូ: ក្រុម​រដ្ឋមន្ត្រី​ការបរទេស​មកពី​ក្រុម​ប្រទេស​មហាអំណាច​ឧស្សាហកម្ម​ទាំង ៧ ហៅ​កាត់ (G7) បាន​ប្តេជ្ញា​ការពារ «លទ្ធិ​ប្រជាធិប​តេយ្យ» របស់​ពួកគេ​ប្រឆាំង​ការ​វាយ​ប្រហារ​ពី​រុស្ស៊ី​របស់​លោក​វ្ល៉ាឌីមៀរ ពូទីន កាល​ពី​ថ្ងៃ​