ទីក្រុងសេអ៊ូល៖ កម្មវិធីទូរស័ព្ទដៃចែកចាយម្ហូបអាហារកូរ៉េផ្តល់សេវាដឹកជញ្ជូន កំពុងមានសន្ទុះកាន់តែលឿនជាងមុនដោយឱ្យដឹកជញ្ជូនដឹកទៅត្រឹមតែមួយការបញ្ជាទិញក្នុងពេលតែមួយជាជាងការបញ្ជាទិញច្រើនមុខ ដើម្បីធានានូវភាពស្រស់នៃអាហារ ដែលការផ្លាស់ប្តូរបែបនេះ កើតចេញពីការប្រកួតប្រជែងនៅក្នុងឧស្សាហកម្មនេះ។
កម្មវិធីលើទូរស័ព្ទដៃទំនើប WeMakePrice O ជាកម្មវិធីចែកចាយអាហារដែលដំណើរការដោយផ្លេតហ្វមពាណិជ្ជកម្មតាមប្រព័ន្ធអេឡិចត្រូនិកឈ្មោះថា WeMakePrice បានក្លាយជាប្រព័ន្ធចុងក្រោយក្នុងការទទួលយក «ការបញ្ជាទិញម្តងក្នុងមួយដង» នៅសប្តាហ៍នេះ ព្រោះវាបានប្រកាសអនុស្សរណៈនៃការយោគយល់ជាមួយ with LK ICT ដែលជាក្រុមហ៊ុនមានជំនាញខាងសេវាកម្មទីតាំង។
មន្ត្រីមួយរូបនៅ WeMakePrice O បាននិយាយនៅក្នុងសេចក្តីថ្លែងការណ៍មួយថា៖ «យើងកំពុងពន្លឿនដំណើរការ ដើម្បីណែនាំសេវាកម្ម «ការបញ្ជាទិញម្តងក្នុងមួយការដឹកជញ្ជូន» ដើម្បីភាពងាយស្រួល និងការពេញចិត្តរបស់អតិថិជន និងម្ចាស់ភោជនីយដ្ឋាន»។
ប្រព័ន្ធដែលដំណើរការក្នុងពេលមុនដែលអនុញ្ញាតឱ្យបុគ្គលិកដឹកជញ្ជូនបញ្ចូលគ្នានូវការបញ្ជាទិញជាច្រើនសម្រាប់ការធ្វើដំណើរមួយលើក គឺជាប្រភពជាក់សែ្តងនៃការត្អូញត្អែររបស់អ្នកបញ្ជាទិញ ដោយសារការផ្តល់ទំនិញត្រូវពន្យារពេល។
ការផ្លាស់ប្តូរនេះ បានកើតឡើងនៅពេលដែលកម្មវិធីទូរស័ព្ទឈ្មោះ Coupang Eats ដែលជាសេវាកម្មដឹកជញ្ជូនម្ហូបអាហារបើកដំណើរការដោយក្រុមហ៊ុនពាណិជ្ជកម្មតាមអេឡិចត្រូនិក Coupang ក្នុងឆ្នាំ ២០១៩ បានទទួលនូវការពេញនិយមយ៉ាងខ្លាំងនៅក្នុងប៉ុន្មានខែថ្មីៗនេះ៕ Korean Herald-ANN/RR