.jpg)
លោកស្រី Marie-Claude Bibeau រដ្ឋមន្ត្រីក្រសួងកសិកម្ម និង កសិ-ម្ហូបអាហារ។ រូបថត AFP
ទីក្រុងម៉ុងរ៉េអាល់៖ រដ្ឋាភិបាលកាណាដាកាលពីថ្ងៃសៅរ៍បានប្រកាសផ្តល់ជំនួយឥតសំណងសរុប ៦៩១ លានកាណាដា (៥៣១ លានដុល្លារអាមេរិក) ដល់អ្នកចិញ្ចឹមសត្វ និងចិញ្ចឹមសត្វយកស៊ុត ដែលខាតបង់បណ្តាលមកពីកិច្ចព្រមព្រៀងពាណិជ្ជកម្មសេរីជាមួយអឺរ៉ុប និងប្រទេសមួយចំនួននៅអាស៊ីប៉ាស៊ីហ្វិក។
ប្រទេសកាណាដា គ្រប់គ្រងផលិតកម្មសត្វ និងតម្លៃស៊ុត និងផលិតផលទឹកដោះគោតាមរយៈការចេញកូតាប្រចាំឆ្នាំ និងពន្ធនាំចូល ដែលជាប្រព័ន្ធត្រូវបានចាត់ទុកជាអ្នកការពារនិយមដោយដៃគូបរទេស។
ប៉ុន្តែជាមួយការចូលជាធរមានក្នុងឆ្នាំថ្មីៗនេះ នៃកិច្ចព្រមព្រៀងពាណិជ្ជកម្មសេរីជាមួយសហភាពអឺរ៉ុប (CETA) និងកិច្ចព្រមព្រៀងពាណិជ្ជកម្មសេរីផ្សេងទៀតជាមួយប្រទេសនៅតំបន់អាស៊ីប៉ាស៊ីហ្វិកមួយចំនួន (TPP) ទីក្រុង Ottawa បានយល់ព្រមបើកចំហទីផ្សាររបស់ខ្លួនបន្ថែមទៅដល់អ្នកផលិតបរទេស ដែលធ្វើឱ្យកសិករកាណាដាមានការខឹងសម្បា។ តាមរយៈការប្រកាសអំពីការរំលោភបំពានលើប្រព័ន្ធគ្រប់គ្រងការផ្គត់ផ្គង់ដែលបានបង្កើតឡើងតាំងពីទសវត្សរ៍ឆ្នាំ ១៩៧០ រដ្ឋាភិបាលរបស់នាយករដ្ឋមន្រ្តី Justin Trudeau បានសន្យាថា ខ្លួននឹងផ្តល់សំណងដល់អ្នកបង្កាត់ពូជ។
រដ្ឋមន្ត្រីកសិកម្ម និងកសិម្ហូបអាហារកាណាដា លោកស្រី Marie-Claude Bibeau បាននិយាយថា ជំនួយរបស់រដ្ឋសហព័ន្ធដល់អ្នកចិញ្ចឹមសត្វយកស៊ុត និងចិញ្ចឹមសត្វយកសាច់ប្រមាណ ៤ ៨០០ នឹងពង្រីករយៈពេលរហូតដល់ ១០ ឆ្នាំ។
លោកស្រី Bibeau ក៏បានប្រកាសពីការពន្លឿននៃការទម្លាក់ថវិកា ១,៧៥ ពាន់លានកាណាដា ដែលបានសន្យាក្នុងឆ្នាំ ២០១៩ ដើម្បីផ្តល់សំណងដល់កសិករផលិតទឹកដោះគោជាង ៨ ឆ្នាំ។
កសិករជាង ១០ ០០០ គ្រួសារ ទទួលបានជំនួយដំបូងចំនួន ៣៤៥ លានដុល្លារកាណាដាកាលពីឆ្នាំមុន។
ទឹកប្រាក់ ១,៤ ពាន់លានកាណាដា ដែលនៅសល់នឹងត្រូវបានចំណាយដល់ពួកគេនៅរយៈពេល ៣ ឆ្នាំខាងមុខ។
លោកស្រី Bibeau បានលើកឡើងនូវឧទាហរណ៍ចំពោះការចំណាយដោយនិយាយថា ម្ចាស់កសិដ្ឋានចិញ្ចឹមគោយកទឹកដោះដែលមានគោ ៨០ ក្បាល នឹងទទួលបានប្រាក់សំណងប្រហែល ៣៨ ០០០ ដុល្លារកាណាដា ក្នុង ១ ឆ្នាំ។
លោកស្រី Bibeau ក៏បានបញ្ជាក់ជាថ្មីថា គោលបំណងរបស់រដ្ឋាភិបាល ដើម្បីផ្តល់នូវសំណងដល់អ្នកចិញ្ចឹមដែលរងផលប៉ះពាល់ដោយការបើកចំហទីផ្សារកាន់តែធំនេះ ក្រោមកិច្ចព្រមព្រៀងពាណិជ្ជកម្មសេរីថ្មីរវាងកាណាដា អាមេរិក និងម៉ិចស៊ិក ដែលចូលជាធរមានចាប់ពីដើមឆ្នាំនេះ៕ AFP/RR
