The Phnom Penh Post Search

Search form




Logo of Phnom Penh Post newspaper Phnom Penh Post - ការនាំចេញ​ជលផល​នេសាទ​ ធ្លាក់ចុះ​ ដោយសារ​តម្រូវការ​ក្នុងស្រុក​កើន

ការនាំចេញ​ជលផល​នេសាទ​ ធ្លាក់ចុះ​ ដោយសារ​តម្រូវការ​ក្នុងស្រុក​កើន

Content image - Phnom Penh Post
យោងតាម​ទិន្នន័យ​ពី​ក្រសួង កសិកម្ម រុក្ខាប្រមាញ់ និង​នេសាទ​បង្ហាញថា ក្នុង​រយៈពេល​នេះ​កម្ពុជា​នាំចេញ​ផល​នេសាទ​ស្រស់​បាន​ចំនួន ១ ៤៩៨ តោន ធ្លាក់ចុះ​ជាង ៧៨ ​ភាគរយ បើ​ធៀប​នឹង​រយៈពេល​ដូចគ្នា​កាលពី​ឆ្នាំមុន​មាន ៧០០០ ​តោន ខណៈ​ការនាំចេញ​ផល​នេសាទ​កែច្នៃ​មាន​បរិមាណ ២៣២ ​តោន ធ្លាក់​ចុះ​ជាង ៩៤ ​ភាគរយ​។ ហុង មិនា

ការនាំចេញ​ជលផល​នេសាទ​ ធ្លាក់ចុះ​ ដោយសារ​តម្រូវការ​ក្នុងស្រុក​កើន

ភ្នំពេញ: កម្ពុជា​បាន​នាំចេញ​ផល​នេសាទ​សរុប ១ ៧៣០ ​តោន​ក្នុង​រយៈពេល ៩ ​ខែ ឆ្នាំ​ ២០២០ ធ្លាក់ចុះ​ជាង ៨៤ ភាគរយ បើ​ធៀប​នឹង​រយៈពេល​ដូចគ្នា​ឆ្នាំមុន​មាន​ចំនួន ១០ ៩៨០ តោន ដោយសារ​តែ​ការកើនឡើង​នៃ​តម្រូវការ​ក្នុងស្រុក​អំឡុងពេល​នៃ​ការរីករាលដាល​នៃ​ជំងឺ​កូវីដ​១៩​។

យោងតាម​ទិន្នន័យ​ពី​ក្រសួង កសិកម្ម រុក្ខាប្រមាញ់ និង​នេសាទ​បង្ហាញថា ក្នុង​រយៈពេល​នេះ​កម្ពុជា​នាំចេញ​ផល​នេសាទ​ស្រស់​បាន​ចំនួន ១ ៤៩៨ តោន ធ្លាក់ចុះ​ជាង ៧៨ ​ភាគរយ បើ​ធៀប​នឹង​រយៈពេល​ដូចគ្នា​កាលពី​ឆ្នាំមុន​មាន ៧០០០ ​តោន ខណៈ​ការនាំចេញ​ផល​នេសាទ​កែច្នៃ​មាន​បរិមាណ ២៣២ ​តោន ធ្លាក់​ចុះ​ជាង ៩៤ ​ភាគរយ​។

ទិន្នន័យ​នេះ​បានឱ្យ​ដឹងថា ការប្រមូលផល​នេសាទ​ទឹកសាប​សរុប​ក្នុង​រយៈពេល ៩ ខែ​នេះ​មាន​ចំនួន ២៥២ ៦៤៦ ​តោន ធ្លាក់ចុះ ៩៦៥ ​តោន បើ​ធៀប​នឹង​រយៈពេល​ដូចគ្នា​កាលពី​ឆ្នាំ​ ២០១៩ ខណៈ​ផលនេសាទ​សមុទ្រ​ប្រមូលបាន ៨៨ ៣៣០ តោន ធ្លាក់ចុះ ៣ ៦៨៤ ​តោន​។

លោក វេង សាខុន រដ្ឋមន្ត្រី​ក្រសួង​កសិកម្ម រុក្ខាប្រមាញ់ និង​នេសាទ ប្រាប់​ភ្នំពេញ​ប៉ុស្ដិ៍​ពីថ្ងៃ​ចន្ទ​ថា ការនាំចេញ​ផល​នេសាទ​ក្នុង​អំឡុង​ពេលនេះ​ដោយសារ​តម្រូវការ​ក្នុង​ស្រុក​កើនឡើង​ស្របពេល​ទិន្នផល​នេសាទ​ថយចុះ​។ ផល​នេសាទ​កម្ពុជា​ភាគច្រើន​ត្រូវបាន​នាំចេញ​ទៅកាន់​ប្រទេស​វៀតណាម និង​ថៃ​។

លោក សាខុន បន្ថែមថា ក្រសួង​កំពុង​ជំរុញ​ការចិញ្ចឹម​ត្រី​តាមបែប​វារីវប្បកម្ម​ក្នុង​គោលបំណង​ដើម្បី​លើកកម្ពស់​សេដ្ឋកិច្ច​គ្រួសារ និង​សន្តិសុខ​ស្បៀង​តាម​ជំនួយ​ហិរញ្ញវត្ថុ​ពី​សហភាព​អឺរ៉ុប​ចំនួន​សរុប ១១២ ​លាន​អឺរ៉ូ​សម្រាប់​រយៈពេល​ ៦ ​ឆ្នាំ​នៃ​កម្មវិធី​គម្រោង CaPFish-Capture និង CaPFish Aquaculture​។

លោក សំណាង សុធា ម្ចាស់​សិប្បកម្ម​កែច្នៃ​ផលិតផល​ជលផល​នៅ​ក្រុង​សៀមរាប ខេត្ត​សៀមរាប​បានឱ្យ​ដឹងថា សិប្បកម្ម​របស់​លោក​ផលិត​ត្រីងៀត ផ្អក​ត្រីប្រា ប្រហុក ម៉ាំត្រីរ៉ស់ និង​ត្រីផាត់ សរុប​ជា​មធ្យម ១០០ ​តោន​ក្នុង ១ ឆ្នាំ បាន​ទិញ​ពី​កសិករ​ចិញ្ចឹម​ត្រី និង​ប្រជា​នេសាទ​មូលដ្ឋាន​។

លោក​និយាយថា​៖ «​សព្វថ្ងៃ សិប្បកម្ម​លោក​បាន​ផ្គត់ផ្គង់​ផលិតផល​ជលផល​ទាំងនេះ​ចំនួន ៥០ ​ភាគរយ​ក្នុង​ផ្សារ​ខេត្តសៀមរាប និង​ទីក្រុង​ភ្នំពេញ​ និង​ខេត្ត​ឧត្តរមានជ័យ​ចំនួន ៥០ ភាគរយ​ទៀត​ដែល​អាច​រក​ចំណូល​បានជា​មធ្យម ៥០ ០០០ ដុល្លារ​ក្នុង ១ ​ឆ្នាំ​»​។

របាយការណ៍​ក្រសួងកសិកម្ម​បាន​ឱ្យ​ដឹងថា គិត​ត្រឹម​ខែកញ្ញា ឆ្នាំ​ ២០២០ ការចិញ្ចឹម​ត្រី និង​បង្គា​អនុវត្ត​បាន​ជាង ២៩,៦៥ ម៉ឺន​តោន កើនឡើង ៥១ ០០០ តោន​បើ​ធៀប​នឹង​រយៈពេល​ដូចគ្នា​កាលពី​ឆ្នាំមុន​៕

អត្ថបទគួរចាប់អារម្មណ៍

  • ភ្នំពេញៈ ប្រទេស​ កាតា បាន​ចុះ​អនុស្សរណៈ​ជាមួយ​ក្រសួង​អប់រំ យុវជន និង​កីឡា​លើ​គម្រោង​អភិវឌ្ឍន៍​ដើម្បី​កុមារ​ដំណាក់កាល​ទី​២ ដោយ​ផ្ដល់​មូលនិធិ​ជា​ថវិកា​ជាង​ ១៣ ​លាន​ដុល្លារ​អាមេរិក ដើម្បី​រួមចំណែក​ពង្រឹង​វិស័យ​អប់រំ​កម្ពុជា​ដោយ​ផ្ដោតលើ​កុមារ​ងាយ​រងគ្រោះ​ក្នុង​ការសិក្សា​នៅ​កម្រិត​បឋមសិក្សា ស្របតាម​គោលដៅ​អភិវឌ្ឍន៍​ប្រកប​ដោយ​ចីរភាព​ឆ្នាំ​ ២០៣០​។

  • ភ្នំពេញៈ ក្រុមហ៊ុន Asiatic Group (Holdings) Ltd ដែលមាន​មូលដ្ឋាន​នៅ​ប្រទេស​សិង្ហបុរី​កំពុង​ស្វែងរក​ការទាមទារ​ទឹកប្រាក់​ចំនួន​ ១៤,៤ ​លាន​ដុល្លារ​ ពី​ក្រុមហ៊ុនតំបន់​សេដ្ឋកិច្ច​ពិសេស​ភ្នំពេញ (PPSP) ​ដែល​ចុះបញ្ជី​នៅ​ក្រុមហ៊ុន​ផ្សារមូលបត្រ​កម្ពុជា (CSX) ចំពោះ​ការចោទប្រកាន់​ដែល​ថា​បាន​រំលោភ​លើ​កិច្ចព្រមព្រៀង​វិនិយោគ​រួម (JV) នៃ​រោងចក្រ​ថាមពល​មួយ​។

  • ភ្នំពេញៈ មន្ត្រី​នៃ​ក្រសួង​ការងារ និង​បណ្តុះបណ្តាល​វិជ្ជាជីវៈ​បាន​អះអាង​ថា កម្ពុជា និង​សិង្ហបុរី​បាន​ប្តេជ្ញា​បន្ត​កិច្ចសហការ​គ្នា​ឱ្យ​កាន់តែ​រឹងមាំ​ថែមទៀត ក្នុង​ការពង្រីក​លើ​វិស័យ​ការងារ និង​បណ្តុះបណ្តាល​ធនធាន​មនុស្ស​របស់​កម្ពុជា​ជាពិសេស​នៅក្នុង​បរិបទ​នៃ​ជំងឺ​​កូវីដ ​១៩​។

  • ភ្នំពេញ៖ ត្រឹមតែ​រយៈពេល ​១០ ​ខែ​ ភោជនីយដ្ឋាន ​Uncle Fu បាន​ធ្វើ​ឱ្យ​ភ្ញៀវ​​ចម្រុះ​ជាតិ​សាសន៍​ជាប់​ចិត្ត​នឹង​រសជាតិ​​ម្ហូប​ម៉ាឡេស៊ី​ និង​សិង្ហបុរី​។

  • កំពតៈ រោងចក្រ​ផលិត​ឥដ្ឋ​ដ៏ធំ​មួយ​ក្នុង​ខេត្តកំពត ដែល​មាន​ទុនវិនិយោគ ៩ ​លាន​ដុល្លារ​ជា​ការវិនិយោគ​រួមគ្នា​រវាង​វិនិយោគិន​ក្នុងស្រុក និង​វិនិយោគិន​មកពី​ប្រទេស​ចិន​បាន​សម្ពោធ​បើក​ដំណើរការ​ជា​ផ្លូវការ​ហើយ​កាលពី​ថ្ងៃអាទិត្យ ដោយ​អាចមាន​សមត្ថភាព​ផលិត​ឥដ្ឋ​បាន​ប្រមាណ ៨០ ​ម៉ឺន​ដុំ​ក្នុង​ ១ ​ថ្ងៃ​។

  • ភ្នំពេញៈ អគ្គស្នងការរង​នគរបាល​ជាតិ លោក ស ថេត ជំរុញ​ឱ្យ កងកម្លាំង​ប្រដាប់អាវុធ និង​មន្ត្រីរាជការ​ត្រូវ​ធ្វើជា​គំរូ​ដ៏ល្អ​សម្រាប់​ប្រជាពលរដ្ឋ​ទូទៅ​ក្នុង​ការគោរព​ច្បាប់​ចរាចរណ៍​នៅលើ​ដងផ្លូវ ដោយ​លោក​ប្រាប់​ឱ្យ​មន្ត្រី​នគរបាល​ចរាចរណ៍​កុំ​ភ័យខ្លាច​ក្នុង​ការអនុវត្ត​ច្បាប់​លើ​មន្ត្រី​ជាន់ខ្ពស់​ណា​ដែល​ប្រព្រឹត្ត​ខុស ខណៈ​ការបើកបរ​ល្មើសច្បាប់​នៅតែ​ជា​បញ្ហា​សម្រាប់​កម្ពុជា​។