.jpg)
ទូកុងតឺន័រដែលស្តុកនៅចំណតផែថ្មីរបស់កំពង់ផែភ្នំពេញ នៅក្នុងស្រុកកៀនស្វាយ ខេត្តកណ្តាល។ ហេង ជីវ័ន
ភ្នំពេញៈ ទំហំទឹកប្រាក់នៃការនាំចេញរបស់កម្ពុជាទៅ ជប៉ុន កាលពីឆ្នាំ ២០១៧ កើនឡើង ៤,៥ ភាគរយបើធៀបនឹងឆ្នាំ ២០១៦។ នេះបើយោងតាមទិន្នន័យពីអង្គការពាណិជ្ជកម្មក្រៅប្រទេសជប៉ុន (JETRO)។
ទិន្នន័យបង្ហាញថា ការនាំចេញរបស់កម្ពុជាទៅជប៉ុន មានជាង ១,២៦ ពាន់លានដុល្លារ ខណៈការនាំចូលរបស់កម្ពុជាពីជប៉ុនមានតម្លៃជាទឹកប្រាក់ ៣៥៧ លានដុល្លារ។ តាមរយៈការនាំចេញ-នាំចូល ផលិតផលនៃប្រទេសទាំងពីរ ពាណិជ្ជកម្មទ្វេភាគី កម្ពុជា-ជប៉ុន កាលពីឆ្នាំ ២០១៧ សម្រេចបាន ១,៦២ ពាន់លានដុល្លារ កើនឡើង ១,៥ ពាន់លានដុល្លារពី កាលពីឆ្នាំ ២០១៦។
ការនាំចេញរបស់កម្ពុជាទៅជប៉ុន ភាគច្រើនជាគ្រឿងបន្លាស់រថយន្ត និងអេឡិចត្រូចនិច ដែលផលិតផលទាំងនេះត្រូវបានផលិតនៅកម្ពុជារួចនាំចេញទៅជប៉ុនវិញ។ ក្រុមហ៊ុនជប៉ុន បានមកបោះទីតាំងរោងចក្រភាគច្រើននៅតំបន់សេដ្ឋកិច្ចពិសេសភ្នំពេញ៕
