The Phnom Penh Post Search

Search form




Logo of Phnom Penh Post newspaper Phnom Penh Post - ការ​នាំចេញ​របស់​ចិន​ធ្លាក់​ចុះ​​ មុន​ពិភាក្សា​ជាមួយ​អាមេរិក

ការ​នាំចេញ​របស់​ចិន​ធ្លាក់​ចុះ​​ មុន​ពិភាក្សា​ជាមួយ​អាមេរិក

Content image - Phnom Penh Post
កុងតឺន័រនៅកំពង់ផែ Lianyungang ក្នុងខេត្ត Jiangsu ភាគខាងកើតប្រទេស ចិន។ AFP

ការ​នាំចេញ​របស់​ចិន​ធ្លាក់​ចុះ​​ មុន​ពិភាក្សា​ជាមួយ​អាមេរិក

ក្រុង​ប៉េកាំងៈ ការ​នាំចេញ​របស់​ប្រទេស ​ចិន ​បាន​ធ្លាក់ចុះ​​ខ្លាំង​​ជាង​ការ​រំពឹង​ទុក​កាល​ពី​ខែ​មេសា ខណៈ​ដែល​​ការ​នាំចូល​បាន​​កើន​ឡើង​មុន​ពេល​មាន​ការ​​ពិភាក្សា​គ្នា​ថ្នាក់​ខ្ពស់​រវាង​មន្ត្រី​​​អាមេរិក​ និង​ចិន ​ដើម្បី​ដោះស្រាយ​បញ្ហា​សង្គ្រាម​ពាណិជ្ជកម្ម​​ក្នុង​ទីក្រុង​វ៉ាស៊ីនតោន។

ប្រទេស​ដែល​មាន​សេដ្ឋកិច្ច​ធំ​ទាំង ​២ របស់​ពិភព​លោក​នេះ​​​ប្រឈម​នឹង​ស្ថានភាព​ស្រួច​ស្រាល់​​មួយ នៅ​ពេល​ក្រុម​អ្នក​ចរចា​កំពូល​របស់​ប្រទេស​ទាំង ​២ ជួប​ប្រជុំ​នៅ​ទីក្រុង​វ៉ាស៊ីនតោន​​​នៅ​សប្តាហ៍​​នេះ​ បន្ទាប់​ពី​បាន​ពិភាក្សា​គ្នា​អស់​រយៈពេល​ជា​ច្រើន​ខែ​មក។

លោក​ប្រធានាធិបតី​អាមេរិក​ ដូណាល់ ត្រាំ បាន​គំរាម​ដំឡើង​ពន្ធ​ជាង​ទ្វេ​ដង​​លើ​ទំនិញ​​របស់​ចិន​​នៅ​ថ្ងៃ​សុក្រ​សប្តាហ៍​នេះ ​ដែល​ជា​ថ្ងៃ​​ចុង​ក្រោយ​​នៃ​ការ​ពិភាក្សា​រវាង​​ប្រទេស​ទាំង ​២។ អាមេរិក​​​បាន​ដក​ហូត​ពន្ធ​រួច​ហើយ​​​លើ​ទំនិញ​ចិន​​​តម្លៃ ២០០ ពាន់​លាន​ដុល្លារ ​ក្នុង​អត្រា ១០ ​ភាគរយ។

សង្គ្រាម​ពាណិជ្ជកម្ម​បាន​ធ្វើ​ឲ្យ​​ប៉ះពាល់​ដល់​ការ​នាំចេញ​របស់​​ប្រទេស​ទាំង ​២។

ការ​នាំចេញ​របស់​ចិន​នៅ​ខែ​មេសា​នៅ​ទូទាំង​តំបន់​ប៉ាស៊ីហ្វិក​​​បាន​ធ្លាក់ចុះ ១៣,២ ភាគរយ​ ​ធៀប​នឹង​ខែ​មេសា ឆ្នាំ ​២០១៨ ខណៈ​ដែល​ការ​នាំចូល​ពី​សហរដ្ឋ​អាមេរិក​បាន​ធ្លាក់ចុះ ២៥,៧ ភាគរយ។ នេះ​បើ​យោង​តាម​ទិន្នន័យ​ដែល​ទទួល​បាន​ពី​រដ្ឋបាល​គយ​ចិន។

អតិរេក​ពាណិជ្ជកម្ម​ដែល​មាន​ភាព​រសើប​ផ្នែក​នយោបាយ​​​ជាមួយ​អាមេរិក នៅ​តែ​មាន​ទំហំ​ធំ ដោយ​កើន​ឡើង​ដល់ ២១ ពាន់​លាន​ដុល្លារ ​នៅ​ខែ​មុន​ពី​ចំនួន ២០,៥ ពាន់​លាន​​ដុល្លារ ​នៅ​ខែ​មីនា។ កាល​ពី​​ឆ្នាំ​មុន អតិរេក​ពាណិជ្ជកម្ម​នេះ​ឡើង​ដល់ ៣២៣,៣ ពាន់​លាន​ដុល្លារ៕ AFP/KC

អត្ថបទគួរចាប់អារម្មណ៍

  • ជនជាតិ​ភាគតិច និង​សង្គម​ស៊ីវិល​ប្ដឹង​ជំទប់​ឃុំ និង​អភិបាលរង​ខេត្ត ​រឿង​ចេញ​បណ្ណ​សម្គាល់​ដី​ជាន់​លើ​ដី​ព្រៃ

    មណ្ឌលគិរី: ពលរដ្ឋ​សហគមន៍​ជនជាតិ​ដើម​ភាគតិច និង​សង្គម​ស៊ីវិល​ចំនួន ៦ ​នាក់​ បាន​ដាក់​ពាក្យបណ្ដឹង​ចំនួន ២ ​ដាច់​ ដោយឡែក​ពី​គ្នា​ប្ដឹង​មនុស្ស ៤ ​នាក់ ​ទៅ​តុលាការខេត្ត​ក្នុង​នោះ​មាន​ជំទប់​ទី​ ១ ​ឃុំ​ប៊ូស្រា​ម្នាក់ និង​អភិបាលរង​ខេត្តមណ្ឌលគិរី​ម្នាក់​ដោយ​ចោទ​ពាក់ព័ន្ធ​ការចេញ​បណ្ណ​សម្គាល់​ម្ចាស់​ដីធ្លី​ជាន់​លើដី​គម្រប​ព្រៃឈើ និង​បទ​ចោទ​ពាក់ព័ន្ធ​លួច​គាស់​យក​ថ្ម​ធម្មជាតិ​

  • កាណាដា​ពិន័យ VW ១៥០ ​លាន​ដុល្លារ

    ក្រុងតូរ៉ុនតូៈ តុលាការ​ក្នុង​ទីក្រុង​តូរ៉ុនតូ​កាលពី​ថ្ងៃ​ពុធ​បាន​បញ្ជា​ឲ្យ​ក្រុមហ៊ុន Volkswagen (VW) បង់ប្រាក់​ពិន័យ ១៩៦,៥ លាន​ដុល្លារ​កាណាដា (១៥០ ​លាន​ដុល្លារ​អាមេរិក​) បន្ទាប់ពី​ក្រុមហ៊ុន​ផលិត​រថយន្ត​មួយ​នេះ​បាន​សារភាព​កំហុស​ចំពោះ​ការរំលោភច្បាប់​បរិស្ថាន​ក្នុង​រឿងអាស្រូវ​បោក​បន្លំ​ការបញ្ចេញ​កាបូន​។

  • សហជីព​បារាំង​​ព្យាយាម​បន្ត​ការ​តវ៉ា​ប្រឆាំង​ការ​កែ​ទម្រង់​ប្រាក់​សោធននិវត្តន៍​​ ដើម្បី​ដាក់​សម្ពាធ​លើ​រដ្ឋាភិបាល​​

    ក្រុង​ប៉ារីស៖ ក្រុម​សហជីព​បារាំង​កាល​ពី​ថ្ងៃ​ពុធ​ បាន​បន្ត​ធ្វើ​​កូដកម្ម​ជា​ច្រើន​ ដោយ​​មាន​​បំណង​បង្កើន​សម្ពាធ​​​​ទៅ​លើ​រដ្ឋាភិបាល​មុន​នឹង​រដ្ឋាភិបាល​នេះ​ ធ្វើ​ការ​បង្ហាញ​ការ​កែ​ទម្រង់​ប្រាក់​សោធននិវត្តន៍​ចុង​ក្រោយ ​ដែល​បាន​​​ជំរុញ​ឲ្យ​មាន​ការ​តវ៉ា​ពី​បញ្ហា​ការងារ​ធំ​បំផុត​នៅ​បារាំង​ជា​ច្រើន​ទសវត្សរ៍​នោះ​​។ ​

  • លាភ ​រដ្ឋា ​និង ​ផាន់ ​គ្រាន់ ​ប៉ះ​ថៃ​ចំណូល​ថ្មី​

    ភ្នំពេញ៖ ​អ្នក​លេង​កណ្តាប់​ដៃ​របស់​កម្ពុជា​ចំនួន ​២ ​នាក់ គឺ ​លាភ ​រដ្ឋា និង​ ផាន់ ​គ្រាន់​ ​នឹង​​ត្រូវ​បង្ហាញ​ខ្លួន​រួមគ្នា នៅ​​លើ​សង្វៀន​ SEATV នា​រសៀល​ថ្ងៃ​សៅរ៍​ស្អែក​នេះ ​ដោយ​ពួក​គេ​ត្រូវ​ជួប​ជាមួយ​​កីឡាករ​ថៃ​​ចំណូល​ថ្មី​ មិន​ធ្លាប់​មក​ប្រកួត​ក្នុង​សង្វៀន​នៅ​​ប្រទេស ​កម្ពុជា ​នោះ​ទេ​​។