.jpg)
គណបក្សហ៊្វុនស៊ិនប៉ិចក្នុងថ្ងៃយុទ្ធនាការឃោសនាបោះឆ្នោត។ រូប សហការី
ក្រុងប៉េកាំងៈ ការវិនិយោគផ្ទាល់ក្រៅប្រទេស (ODI) នៃវិស័យមិនមែនហិរញ្ញវត្ថុរបស់ប្រទេស ចិន ក្នុងក្រុមហ៊ុនចំនួន ១ ៤១៦ ក្រុមហ៊ុននៅក្នុងប្រទេសនិងតំបន់ចំនួន ១៣៨ មានទឹកប្រាក់ចំនួន ១៥,៦៦ ពាន់លានដុល្លារក្នុងរយៈពេល ២ ខែដំបូងក្នុងឆ្នាំនេះ។ នេះបើយោងតាមក្រសួងពាណិជ្ជកម្មកាលពីចុងសប្តាហ៍មុន។
ក្នុងរយៈពេលពីខែដំបូងក្នុងឆ្នាំនេះ តម្លៃកិច្ចសន្យាថ្មីដែលត្រូវបានចុះហត្ថលេខាសម្រាប់គម្រោងបរទេស បានកើនឡើងដល់ ២២,៩៨ ពាន់លានដុល្លារ ហើយទំហំអាជីវកម្មបានកើនឡើងដល់ ១៧,៦៣ ពាន់លានដុល្លារ។ នេះបើយោងតាមលោក Gao Feng អ្នកនាំពាក្យក្រសួងពាណិជ្ជកម្មចិនដែលបានថ្លែងក្នុងសន្និសីទមួយរបស់ក្រសួង។
យោងតាមលោក Gao ប្រទេស ចិន បានបញ្ជូនបុគ្គលិកចំនួន ៦៨ ០០០ នាក់ឲ្យទៅធ្វើការផ្សេងៗនៅបរទេស ដោយធ្វើឲ្យចំនួនបុគ្គលិក និងពលករនៅក្រៅប្រទេសសរុបកើនឡើងដល់ ៩៦៦ ០០០ នាក់គិតត្រឹមដំណាច់ខែកុម្ភៈ។
ការវិនិយោគនៅក្រៅប្រទេស (ODI) របស់ចិន បានបន្តអភិវឌ្ឍប្រកបដោយដំណើរការល្អក្នុងរយៈពេល ២ខែដំបូងក្នុងឆ្នាំនេះ។
កិច្ចប្រឹងប្រែងប្រកបដោយវិជ្ជមានត្រូវបានធ្វើឡើងដើម្បីបង្កើនកិច្ចសហប្រតិបត្តិការវិនិយោគជាមួយប្រទេសដែលចូលរួមក្នុងគម្រោងខ្សែក្រវាត់ និងផ្លូវ។ ការវិនិយោគថ្មីរបស់ក្រុមហ៊ុនចិនក្នុងប្រទេសចំនួន ៤៨ ប្រទេស ដែលចូលរួមក្នុងគំនិតផ្តួចផ្តើមខ្សែក្រវាត់ និងផ្លូវ បានកើនឡើង ៧ ភាគរយធៀបនឹងរយៈពេលដូចគ្នាកាលពីឆ្នាំមុន ដល់ ២,៣ ពាន់លានដុល្លារក្នុងពេល ២ ខែនេះ។
តម្លៃកិច្ចសន្យាថ្មីដែលត្រូវបានចុះហត្ថលេខាជាមួយប្រទេសទាំងនេះ បានកើនឡើងដល់ ១២,២៣ ពាន់លានដុល្លារ៕ People''s Daily/KC
