.jpg)
ការវិនិយោគផ្ទាល់ក្រៅប្រទេស (ODI) មិនមែនផ្នែកហិរញ្ញវត្ថុរបស់ប្រទេស ចិន បានបង្ហាញកំណើនប្រកបដោយស្ថិរភាពក្នុងរយៈពេល ៣ ត្រីមាសដំបូងក្នុងឆ្នាំនេះ។ AFP
ក្រុងប៉េកាំងៈ ការវិនិយោគផ្ទាល់ក្រៅប្រទេស (ODI) មិនមែនផ្នែកហិរញ្ញវត្ថុរបស់ប្រទេស ចិន បានបង្ហាញកំណើនប្រកបដោយស្ថិរភាពក្នុងរយៈពេល ៣ ត្រីមាសដំបូងក្នុងឆ្នាំនេះ។ នេះបើយោងតាមទិន្នន័យកាលពីថ្ងៃពុធ។
ODI មិនមែនផ្នែកហិរញ្ញវត្ថុក្នុងប្រទេស និងតំបន់ចំនួន ១៦៤ មានចំនួន ៥៥១,១១ ពាន់លានយន់ (ប្រហែល ៧៨,៥ ពាន់លានដុល្លារ) ក្នុងអំឡុងពេលនេះដែលកើនឡើង ៣,៨ ភាគរយ ធៀបនឹងរយៈពេលដូចគ្នាកាលពីឆ្នាំមុន។ នេះបើយោងតាមក្រសួងពាណិជ្ជកម្ម។
អត្រានេះបានកើនឡើងពី ២,៧ ភាគរយ ដែលបានចុះបញ្ជីក្នុងរយៈពេល ៨ ខែដំបូងក្នុងឆ្នាំនេះ។ គ្រាន់តែក្នុងខែកញ្ញា ODI របស់ប្រទេស ចិន បានកើនឡើង ១៤,២ ភាគរយ ធៀបនឹងរយៈពេលដូចគ្នាកាលពីឆ្នាំមុនដល់ប្រហែល ៦២ ពាន់លានយន់។
ក្រុមហ៊ុនចិនបានពង្រឹងកិច្ចសហប្រតិបត្តិការជាមួយប្រទេសនានាដែលបានចូលរួមក្នុងគំនិតផ្តួចផ្តើមខ្សែក្រវាត់ និងផ្លូវក្នុងអំឡុង ៩ ខែដំបូងក្នុងឆ្នាំនេះ ដោយបន្ថែមការវិនិយោគថ្មីសរុបចំនួន ១០,០៤ ពាន់លានដុល្លារ ក្នុងប្រទេសដែលស្ថិតក្នុងគម្រោងខ្សែក្រវាត់ និងផ្លូវចំនួន ៥៦ ដែលស្មើនឹង ១២,៤ ភាគរយ នៃទឹកប្រាក់សរុប។
រចនាសម្ព័ន្ធរបស់ ODI បានបន្តប្រសើរឡើងដោយការវិនិយោគជាចម្បងបានធ្វើឡើងចំពោះវិស័យនានា រួមទាំងសេវាជួប និងសេវាអាជីវកម្ម ផលិតកម្ម លក់ដុំ និងលក់រាយ។
ក្រសួងពាណិជ្ជកម្មចិនបានឲ្យដឹងថា មិនមានគម្រោង ODI ថ្មីត្រូវបានរាយការណ៍នៅក្នុងវិស័យអចលនទ្រព្យ កីឡារ កម្សាន្តនោះទេ។
ក្នុងរយៈពេល ៣ ត្រីមាសដំបូងក្នុងឆ្នាំ ២០១៩ នេះក្រុមហ៊ុនរបស់ប្រទេសចិន បានបញ្ចប់គម្រោងច្របាច់បញ្ចូលគ្នា និងទិញលក់ភាគហ៊ុន (M&A) ឆ្លងព្រំដែនចំនួន ២៤៧ គម្រោង នៅក្នុងប្រទេស និងតំបន់ចំនួន ៥០ ដូចជាប្រទេសហ្វាំងឡង់ និងអាល្លឺម៉ង់ជាដើមដោយតម្លៃប្រតិបត្តិការសរុបបានកើនឡើងដល់ចំនួន ២៨,១១ ពាន់លានដុល្លារ។
ក្រសួងពាណិជ្ជកម្មចិនបានឲ្យដឹងទៀតថា គម្រោងនៅបរទេសធំៗបាននាំមកនូវអត្ថប្រយោជន៍ទៅវិញទៅមក។ នៅត្រឹមចុងខែមុន ក្រុមហ៊ុនចិនបានផ្តល់ការងារចំនួន ៨១៥ ០០០ កន្លែង ដល់ប្រជាជនក្នុងមូលដ្ឋាន៕ People''s Daily/KC
