The Phnom Penh Post Search

Search form




Logo of Phnom Penh Post newspaper Phnom Penh Post - ការ​ទាម​ទារ​សំណង​​​ធ្លាក់​ចុះ ប៉ុន្តែ​ប្រាក់​ចំណូល​​​កើន​

ការ​ទាម​ទារ​សំណង​​​ធ្លាក់​ចុះ ប៉ុន្តែ​ប្រាក់​ចំណូល​​​កើន​

ការ​ទាម​ទារ​សំណង​​​ធ្លាក់​ចុះ ប៉ុន្តែ​ប្រាក់​ចំណូល​​​កើន​

ភ្នំពេញៈ ទិន្នន័យ​ផ្លូវ​ការ​ពី​សមាគម​ធានា​រ៉ាប់​រង​ទូទៅ​កម្ពុជា (GIAC)​បាន​បង្ហាញ​ថា​ប្រាក់​សំណង​ពី​ក្រុមហ៊ុន​ធានា​រ៉ាប់​រង​ចំនួន​៦​នៅ​កម្ពុជា​បាន​ធ្លាក់​ចុះ​យ៉ាង​ខ្លាំង​កាល​ពី​ឆ្នាំ​២០១២ ខណៈ​ចំណូល​ធានា​ភ័យ​សរុប​កើន​ឡើង​ជាង​២០​ភាគ​រយ​។

ទិន្នន័យ​បង្ហាញ​ថា​ប្រាក់​ទាមទារ​មាន​៤,៨​លាន​ដុល្លារ​បើ​ប្រៀប​ធៀប​នឹង​ឆ្នាំ​២០១១​ដែល​មាន​រហូត​ដល់​៣៣,៥​លាន​ដុល្លារ​។ ប្រាក់​ចំណូល​ធានា​ភ័យ​សរុប​ទទួល​បាន​៣៦ លាន​ដុល្លារ​ក្នុង​ឆ្នាំ​២០១២​កើន​ឡើង​ត្រឹម​២១​ភាគ​រយ​។ ប៉ុន្តែ​ឧស្សាហកម្ម​នេះ​បាន​ចំណាយ​១៥,៨ លាន​ដុល្លារ​ពី​ឆ្នាំ​ទៅ​សម្រាប់​សំណង​ពី​ឆ្នាំ​មុនៗ​។

លោក ឆាយ រតនៈ អគ្គ​នាយក​សមាគម​ធានា​រ៉ាប់​រង​ទូទៅ​កម្ពុជា​និយាយ​ថា​ការ​ធ្លាក់​ចុះ​នូវ​ប្រាក់​សំណង​ក្នុង​រយៈ​ពេល​នេះ​កាល​ពី​ឆ្នាំ​មុន​ដោយ​សារ​តែ​មិន​មាន​ទឹក​ជំនន់​ឯ​ប្រាក់​សំណង​ភាគ​ច្រើន​មាន​ចំនួន​តិច​ហើយ​ក៏​ដោយ​សារ​តែ​កំណើន​សេដ្ឋកិច្ច​ដែល​បាន​ធ្វើ​ឲ្យ​ចំណូល​ធានា​ភ័យ​កើន​ឡើង​ដែរ​។

លោក​បន្ត​ថា​៖ «​យើង​មិន​ឃើញ​ប្រាក់​សំណង​ដ៏​ធំ​កាល​ពី​ឆ្នាំ​មុន​ទេ​។ ចំនួន​នេះ​នៅ​ទាប​បើ​ប្រៀប​ធៀប​កាល​ពី​៥​ឆ្នាំ​មុន​ដែល​យើង​មិន​ដែល​ជួប​ដោយ​សារ​តែ​នៅ​ឆ្នាំ​មុនៗ​មាន​ការ​ឆេះ​រោងចក្រ​ធំៗ​មួយ​ចំនួន​ប៉ុន្តែ​កាល​ពី​ឆ្នាំ​មុន​យើង​មិន​មាន​ទេ​គ្រាន់​តែ​មួយ​ចំនួន​តូច​ក្នុង​វិស័យ​ដទៃ​ទៀត​។ យើង​បាន​ចំណាយ ១៥,៨​ដុល្លារ​សម្រាប់​សំណង​ដែល​បាន​កើត​ឡើង​ជា​ច្រើន​ឆ្នាំ​មុន​នេះ​»។ លោក​បន្ត​ថា​ឧស្សាហកម្ម​នេះ​កំពុង​មាន​ការ​កើន​ឡើង​ដោយ​សារ​តែ​កំណើន​សេដ្ឋកិច្ច និង​ការ​យល់​ដឹង​របស់​ប្រជា​ពលរដ្ឋ​នៅ​ក្នុង​វិស័យ​នេះ​។

យោង​តាម​ទិន្នន័យ​ប្រាក់​ចំណូល​បាន​មក​ពី​វិស័យ​សំខាន់ៗ​ជា​ច្រើន​ដូច​ជា​ការ​ធានា​លើ​អគ្គិភ័យ​មាន​២៨​ភាគ​រយ​លើ​ម៉ូតូ​១៩​ភាគ​រយ​និង​ផ្សេងៗ​មាន​១៨​ភាគរយ ខណៈ​ការ​ធានា​រ៉ាប់​រង​លើ​សុខភាព​មាន​១៤​ភាគ​រយ​វិស្វកម្ម​១៣​ភាគ​រយ​។

លោក David W. Carter ប្រធាន​ប្រតិបត្តិ​នៅ​ក្រុមហ៊ុន​ធានា​រ៉ាប់​រង Infinity បាន​សរសេរ​ថា​ក្រុមហ៊ុន​លោក​បាន​កើន​ឡើង​ប្រាក់​សំណង​ពី​វិស័យ​សុខភាព​និង​ម៉ូតូ​ខណៈ​ប្រាក់​ចំណូល​បាន​កើន​ឡើង​ប្រហែល​៥​ភាគ​រយ​កាល​ពី​ឆ្នាំ​មុន​។

លោក​បាន​បន្ត​ថា​៖ «​ប្រាក់​សំណង​បាន​កើន​ឡើង​ជា​សំខាន់​ក្នុង​វិស័យ​សុខភាព​និង​ម៉ូតូ​ដែល​បង្ហាញ​ពី​ការ​កើន​ឡើង​នូវ​តម្លៃ​សុខភាព​និង​រថយន្ត​នៅ​តាម​ដង​ផ្លូវ​ជា​ច្រើន»។ លោក​បន្ថែម​ថា​៖ «​ចំណូល​របស់​យើង​សម្រាប់​២០១២​មាន​៧,១​លាន​ដុល្លារ​។​នេះ​ស្ថិត​ក្នុង​ការ​បន្ត​ការ​រំពឹង​ទុក​របស់​យើង»​។

លោក យក់ ចំរើន​រិទ្ធិ​អគ្គ​នាយក​ក្រុមហ៊ុន​ធានា​រ៉ាប​រង Forte បាន​រាយការណ៍​ពី​ការ​ធ្លាក់​ចុះ​ប្រាក់​សំណង​និង​ការ​កើន​ឡើង​ប្រាក់​ចំណូល​កាល​ពី​ឆ្នាំ​មុន។​លោក​បន្ត​ថា៖ «​សំណង​បាន​ធ្លាក់​ចុះ​៣,៦​ភាគ​រយ​ដោយ​សារ​កាល​ពី​ឆ្នាំ​ទៅ​ខ្ញុំ​ទទួល​បាន​ប្រាក់​ចំណូល​ជាង​២៦​លាន​ដុល្លារ។ កាល​ពី​ឆ្នាំ​មុន​ខ្ញុំ​មិន​បាន​ឃើញ​នូវ​ការ​ខាត​បង់​ដ៏​ធំ​ដូច​ជា​ភ្លើង​ឆេះ​ឬ​ក៏​ទឹក​ជំនន់​ដ៏​អាក្រក់​បំផុត​ទេ ដូច្នេះ​វា​រួម​ចំណែក​ដ៏​ធំ​ដល់​ការ​ធ្លាក់​ចុះ​ការ​ទារ​សំណង​ប៉ុន្តែ​កើន​ឡើង​នូវ​ប្រាក់​ចំណូល​»​។

លោក ឆាយ រតនៈ​បាន​ប៉ាន់​ស្មាន​ថា​ឧស្សាហកម្ម​ទាំង​មូល​នឹង​រក្សា​បាន​នូវ​ការ​កើន​ឡើង​និង​ការ​ចាប់​ផ្ដើម​របស់​ក្រុមហ៊ុន​ធានា​រ៉ាប់​រង​អាយុ​ជីវិត​ដែល​ជា​កម្លាំង​ចលករ​មួយ​ផ្សេង​ទៀត​ក្នុង​ការ​ផ្ដល់​ផលិត​ផល​បន្ថែម​ទៀត​ក្នុង​ឧស្សាហកម្មនេះ​។ លោក​ថ្លែង​ថា៖ «​ខ្ញុំ​នៅ​តែ​មាន​ការ​ជឿ​ជាក់​ថា​វិស័យ​នេះ​នៅ​រក្សា​កំណើន​២០​ភាគរយ​នៅ​ឆ្នាំ​នេះ​»​។

យោង​តាម​លោក យក់ ចំរើន​រិទ្ធិ ចំណែក​ឧស្សាហកម្ម​ធានា​រ៉ាប់​រង​កម្ពុជា​សរុប​ធៀប​នឹង​GDP គឺ​នៅ​តែ​មាន​ចំនួន​តិច​បើ​ប្រៀប​ធៀប​ជាមួយ​ប្រទេស​នៅ​ក្នុង​តំបន់​។

លោក​បន្ត​ថា៖​«​យើង​នឹង​សម្រេច​បាន​នូវ​ការ​ព្យាករ​ដោយ​សារ​តែ​មូលដ្ឋាន​របស់​យើង​ធៀប​ទៅ​នឹងGDP នៅ​មាន​ចំនួន​តូច​គឺ​ត្រឹម​តែ​០,២​ភាគ​រយ​ប៉ុណ្ណោះ​ដូច្នេះ​យើង​នៅ​មាន​លទ្ធភាព​នៃ​ការ​រីក​លូត​លាស់​បន្ត​ទៀត​៕ PB

អត្ថបទគួរចាប់អារម្មណ៍