The Phnom Penh Post Search

Search form




Logo of Phnom Penh Post newspaper Phnom Penh Post - ការ​ប្រឈម​មុខ​ដាក់​គ្នា​ផ្នែក​នយោបាយ​ប៉ះពាល់​ដល់​កំណើន​ការ​ចុះ​បញ្ជី​ថ្មី

ការ​ប្រឈម​មុខ​ដាក់​គ្នា​ផ្នែក​នយោបាយ​ប៉ះពាល់​ដល់​កំណើន​ការ​ចុះ​បញ្ជី​ថ្មី

ការ​ប្រឈម​មុខ​ដាក់​គ្នា​ផ្នែក​នយោបាយ​ប៉ះពាល់​ដល់​កំណើន​ការ​ចុះ​បញ្ជី​ថ្មី

140122_12
អាជីវកម្មទាំងឡាយតាមផ្លូវវ៉េងស្រេងត្រូវបានបិទស្ទើរតែទាំងស្រុងបន្ទាប់ពីផ្ទុះអំពើហិង្សា ហុង មិនា

ភ្នំពេញ: ភាព​វឹកវរ​ផ្នែក​នយោបាយ បាតុកម្ម​បាន​ធ្វើ​ឲ្យ​ចំនួន​នៃ​ការ​ចុះ​បញ្ជី​អាជីវកម្ម​ថ្មី​នៅ​ក្រសួង ពាណិជ្ជកម្ម​បាន​ធ្លាក់​ចុះ​ជាង ១០ ភាគរយ​កាល​ពី​ឆ្នាំ​មុន​ធៀប​នឹង​រយៈ​ពេល​ដូច​គ្នា​កាល​ពី​ឆ្នាំ ២០១២។

ទិន្នន័យ​បាន​ពី​ក្រសួង ពាណិជ្ជកម្ម បាន​បង្ហាញ​ថា កម្ពុជា​ទទួល​បាន​ការ​ចុះ​បញ្ជី​អាជីវកម្ម​ថ្មី​ចំនួន ២៩៨៦ ដែល​បាន​ធ្លាក់​ចុះ​ពី ៣ ៣៨៦ ដែល​ធ្លាក់​ចុះ ១១,៨ ភាគរយ។ ក្នុង​ចំណោម​នេះ ការ​ចុះ​បញ្ជី​ពាណិជ្ជកម្ម​បរទេស​បាន​ធ្លាក់​ចុះ ៨,៩ ភាគរយ​ធ្លាក់​ចុះ​ពី ១ ៥៩០ មក​នៅ​ត្រឹម ១ ៤៤៨ ខណៈ​ការ​ចុះ​បញ្ជី​អាជីវកម្ម​ក្នុង​ស្រុក​ក៏​បាន​ធ្លាក់​ចុះ ១៤,២៥ ភាគរយ​ធ្លាក់​ចុះ​ពី ១ ៧៩៦ មក​នៅ​ត្រឹម ១ ៥៤០ ផង​ដែរ។

លោក កែន រដ្ឋា អ្នក​នាំ​ពាក្យ​នៅ​ក្រសួង ពាណិជ្ជកម្ម បាន​និយាយ​ថា ការ​បោះឆ្នោត​កាល​ពី​ឆ្នាំ​មុន ការ​ធ្វើ​បាតុកម្ម​ស្ថិត​ក្នុង​ចំណោម​មូលហេតុ​មួយ​ដែល​នៅ​ពី​ក្រោយ​ការ​ធ្លាក់​ចុះ​នេះ។ «ពិត​ហើយ ការ​បោះឆ្នោត​បាន​ធ្វើ​ឲ្យ​មាន​ការ​ធ្លាក់​ចុះ ដោយ​សារ​តែ​ពាណិជ្ជករ​ឬ​វិនិយោគិន ជា​ពិសេស​វិនិយោគិន​បរទេស​កំពុង​ឃ្លាំ​មើល​ពី​ស្ថានការណ៍ ដោយ​សារ​តែ​ពួក​គេ​ជា​ធម្មតា​មាន​ការ​បារម្ភ​អំពី​ស្ថិរភាព​នយោបាយ»។

លោក​បន្ត​ថា៖ «ប៉ុន្តែ​វា​មិន​មែន​ជា​ករណី​ពិត​ប្រាកដ​នោះ​ទេ ដោយ​សារ​តែ​យើង​ក៏​ទទួល​បាន​ការ​ចុះ​បញ្ជី​ពាណិជ្ជកម្ម​បរទេស​ថ្មីៗ​ជាច្រើន​ផង​ដែរ​កាល​ពី​ឆ្នាំ​មុន»។

លោក​ពន្យល់​ពី​កត្តា​ផ្សេង​ទៀត​នៅ​ពី​ក្រោយ​ការ​ធ្លាក់​ចុះ​នេះ​ដែល​បង្ក​ឡើង​ដោយ​ការ​រឹត​បន្តឹង​នីតិវិធី នៃ​ការ​ចុះ​បញ្ជី ការ​ពង្រឹង​លើ​ការ​អនុវត្ត​ច្បាប់។ល។

លោក Grant Knuckey អគ្គ​នាយក​ធនាគារ ANZ Royal ដែល​ជា​ធនាគារ​មួយ​ក្នុង​ចំណោម​ធនាគារ​ពាណិជ្ជ​ឈាន​មុខ​គេ​នៅ​កម្ពុជា​បាន​ថ្លែង​ថា ភាព​មិន​ច្បាស់​លាស់​នៃ​ការ​វិនិយោគ និង​បរិយាកាស​ពាណិជ្ជកម្ម​ធ្វើ​ឲ្យ​មាន​ការ​ធ្លាក់​ចុះ។

លោក​បន្ត​ថា៖ «ខ្ញុំ​គិត​ថា ភាព​មិន​ច្បាស់​លាស់​ក្នុង​រយៈ​ពេល​ក្រោយ​ការ​បោះឆ្នោត​អាច​ជា​មូលហេតុ ដ៏​សំខាន់​នៃ​ការ​ធ្លាក់​ចុះ​នេះ។ ស្ថិត​ក្នុង​បរិយាកាស​មិន​ច្បាស់​លាស់​តិច​តួច នៅ​ក្នុង​ទស្សនៈ​ខ្លះ​ថា​ការ​ធ្វើ​ពាណិជ្ជកម្ម​នឹង​មិន​ទៅ​មុខ​នោះ​ទេ»។

លោក​បន្ត​ថា៖ «បញ្ហា​មួយ​អាច​សន្មត​ថា មក​ពី​បរិយាកាស​អនុវត្ត​ច្បាប់​កាន់​តែ​តឹងតែង​ជុំវិញ​ពន្ធដារ​និង ការ​បង់​ពន្ធ​គយ​ទំនង​ជា​បាន​ដើរ​តួនាទី​ដ៏​សំខាន់​ក្នុង​ការ​ជំរុញ​ឲ្យ​មាន​ការ​ចុះ​បញ្ជី​មាន​ការ​ធ្លាក់​ចុះ ប៉ុន្តែ​វា​អាច​មាន​ការ​ពិបាក​ក្នុង​ការ​បង្ហាញ​ពី​ការ​ជាប់​ទាក់ទង​គ្នា​នេះ»។

លោក រដ្ឋា បាន​និយាយ​ថា ភាគ​ច្រើន​ចំនួន​ចុះ​បញ្ជី​បរទេស​គឺ​មក​ពី​ប្រទេស ចិន ជប៉ុន កូរ៉េ ម៉ាឡេស៊ី សិង្ហបុរី វៀតណាម ហើយ​ពួកគេ​ភាគ​ច្រើន​ផ្តោត​លើ​វិស័យ​កសិកម្ម​តែ​ប៉ុណ្ណោះ ជា​ពិសេស​នៅ​ក្នុង​ការ​កែច្នៃ ទេសចរណ៍ សណ្ឋាគារ និង​ផ្សារ​ទំនើប។

លោក Knuckey នៅ​តែ​មើល​ឃើញ​ថា ប្រទេស​នេះ​មាន​សក្ដានុពល​ធំ​សម្រាប់​ការ​ធ្វើ​ពាណិជ្ជកម្ម និង​ការ​វិនិយោគ «កម្ពុជា​គឺ​នៅ​តែ​ជា​កន្លែង​បើក​ចំហ និង​ទាក់​ទាញ​ក្នុង​ការ​ធ្វើ​ពាណិជ្ជកម្ម​រួម​ដែល​មិន​បាន​ផ្លាស់​ប្តូរ​នោះ​ទេ»។

លោក រដ្ឋា បាន​លើក​ឡើង​ថា៖ «ជាមួយ​នឹង​ការ​ធ្វើ​កំណែ​ទម្រង់​របស់​យើង​ដែល​ទើប​នឹង​ចាប់​ផ្តើម ខ្ញុំ​ពិត​ជា​សង្ឃឹម​ថា យើង​ពិត​ជា​អាច​ទាក់ទាញ​វិនិយោគ​បរទេស​និង​ក្នុង​ស្រុក​នឹង​មក​ធ្វើ​ពាណិជ្ជកម្ម​កាន់​តែ​ច្រើន​នៅ​ទី​នេះ ខណៈ​ការ​ចុះ​បញ្ជី​កំពុង​តែ​កើន​ឡើង​ខ្លាំង​នៅ​ដើម​ឆ្នាំ​នេះ»៕ B.P

អត្ថបទគួរចាប់អារម្មណ៍