The Phnom Penh Post Search

Search form

Logo of Phnom Penh Post newspaper Phnom Penh Post - ការ​លក់​វ៉េស្ប៉ា​នៅ​ទីផ្សារ​កម្ពុជា​កំពុង​កើន​ឡើង

ការ​លក់​វ៉េស្ប៉ា​នៅ​ទីផ្សារ​កម្ពុជា​កំពុង​កើន​ឡើង

ការ​លក់​វ៉េស្ប៉ា​នៅ​ទីផ្សារ​កម្ពុជា​កំពុង​កើន​ឡើង

130711_13
ម៉ូតូ វេស្ប៉ាដែលគេចតនៅរង្វង់មូលវិមានឯករាជ្យ ឃុត សុភចរិយា

ភ្នំពេញៈ រយៈ​ពេល​៩​ខែ​បន្ទាប់​ពី​ម៉ូតូ វ៉េស្ប៉ា ផលិត​នៅ​ប្រទេស​អ៊ីតាលី​បាន​ត្រឡប់​មក​ទីផ្សារ​កម្ពុជា​វិញ តួ​លេខ​លក់​បង្ហាញ​ថា​ប្រជាប្រិយ​ភាព​ក្នុង​ស្រុក​របស់​ស្លាក​យីហោ​មួយ​នេះ​កើន​ឡើង​លើស​ពី​ការ​រំពឹង​ទុក។

លោក តេស ដារី មន្រ្តី​គ្រប់​គ្រង​សន្និធិ​ក្រុមហ៊ុន ណារីតាគ្រុប ជា​ក្រុមហ៊ុន​ទទួល​បាន​សិទ្ធិ​ចែក​ចាយ​ពី​ក្រុមហ៊ុន​ផលិត​ម៉ូតូ​វ៉េស្បា Piaggio Group បាន​និយាយ​កាល​ពី​ថ្ងៃ​ចន្ទ​ថា ចាប់​ពី​ខែ​មករា​ដល់​ខែ​មិថុនា​ឆ្នាំ​នេះ​ការ​លក់​ម៉ូតូ​ស្កូតឺ​វ៉េស្បា​បាន​កើន​ឡើង​៧០​ភាគរយ​នៃ​គោល​ដៅ​កំណត់​សម្រាប់​ឆ្នាំ​២០១៣​ដោយ​មាន​ភាគ​ច្រើន​ជា​ម៉ូតូ​ប្រភេទ​វ៉េស៉្បា។ បន្ទប់​តាំង​បង្ហាញ​ក៏​មាន​លក់​ម៉ូតូ​ប្រភេទ​ស្កូតឺ Piaggio & Co's Fly និង​ស្កូតឺ Liberty​ផង​ដែរ។

លោក Frederic Bachelet អតីត​អ្នក​គ្រប់​គ្រង​អភិវឌ្ឍន៍​ពាណិជ្ជកម្ម​នៅ​ក្រុមហ៊ុន​ណារីតា​បាន និយាយ​ថា ក្នុង​អំឡុង​នៃ​ការ​ចាប់​ផ្ដើម​ដំណើរ​ការ​បន្ទប់​តាំង​បង្ហាញ​នៅ​ខែ​កញ្ញា ស្ថិត​នៅ​តាម​មហា​វិថី​ព្រះមុនីវង្ស ដែល​កាល​នោះ​ក្រុមហ៊ុន​មាន​ផែនការ​លក់​ឲ្យ​បាន​៦០​គ្រឿង​ក្នុង​មួយ ខែ​រហូត​ដល់​ចុង​ឆ្នាំ​២០១២​ហើយ​បាន​បង្កើន​ចំនួន​លក់​ឲ្យ​បាន​ដល់​៨០​គ្រឿង​ក្នុង​មួយ​ខែ​នៅ​ឆ្នាំ ២០១៣ ឬ​ជិត ១ ០០០ គ្រឿង។

លោក Kevin Stainburn ប្រធាន​ក្រុមហ៊ុន​វ៉េស៉្បា​នៅ​ភ្នំពេញ​បាន​ថ្លែង​ថា​៖ «ម៉ូតូ​វ៉េស៉្បា ទទួល​បាន​ប្រជា​ប្រិយភាព​នៅ​កម្ពុជា​ក្នុង​អំឡុង​ទសវត្សរ៍​ឆ្នាំ​៦០»។

តាម​គេហទំព័រ​របស់​ខ្លួន​ក្រុមហ៊ុន Piaggio ដែល​បាន​បង្កើត​ឡើង​តាំង​ពី​ឆ្នាំ​១៨៨៤ គឺជា​ក្រុមហ៊ុន​ផលិត​ម៉ូតូ​នៅ​អឺរ៉ុប​ឈាន​មុខ​គេ​របស់​អ៊ីតាលី។ ក្រុមហ៊ុន​នេះ​បើក​រោងចក្រ​ផលិត​នៅ​តាម​បណ្ដា​ប្រទេស​នៅ​អាស៊ី មួយ​ចំនួន​រួម​មាន​ចិន និង​វៀតណាម។

លោក តេស ដារី បាន​លើក​ឡើង​ថា នៅ​ក្នុង​បន្ទប់​តាំង​បង្ហាញ​តាម​មហាវិថី​ព្រះមុនីវង្ស ជា​មធ្យម​មាន​ភ្ញៀវ​ចន្លោះ​ពី​២០​ទៅ​៣០​នាក់​ជា​រៀង​រាល់​ថ្ងៃ។

ប៉ុន្តែ ស្លាក​តម្លៃ​នៅ​លើ​ម៉ូតូ​វ៉េស៉្បា​គឺ​មិន​ទាប​នោះ​ទេ​ហើយ​ការ​លក់​ម៉ូតូ​នេះ​មាន​តម្លៃ​ខ្ពស់​ជាង ក្រុមហ៊ុន​ហុងដា និង​ក្រុមហ៊ុន យ៉ាម៉ាហា។ តម្លៃ​ចាប់​ពី​២ ៩៩០​ដុល្លារ​សម្រាប់​វ៉េស៉្បា S 125 ie ដល់ ៣ ២៨០​ដុល្លារ​សម្រាប់ វ៉េស៉្បា S 150 ie ឬ LX 150 ie។

តាម​លោក Kevin Stainburn ចំនួន​សមាជិក​របស់​ក្លិប​វ៉េស៉្បា​ក្រុង​ភ្នំពេញ​កំពុង​កើន​ឡើង។

ចាប់​ពី​បាន​បង្កើត​លើក​ដំបូង​នៅ​ឆ្នាំ​២០០៦ លោក​បញ្ជាក់​ថា៖ «​ខ្ញុំ​គិត​ថា ពួក​គេ​មាន​ចំនួន​ប្រហែល ៣០​នាក់»។

លោក​បន្ត​ថា៖ «តាម​ការ​យល់​របស់​ខ្ញុំ​គឺ​ថា​ភាគ​ច្រើន​នៃ​ចំនួន​នេះ​គឺជា​ជន​បរទេស»។ ក្លិប​នេះ​ត្រូវ​បាន​បើក​ឡើង​វិញ​នៅ​ចុង​ឆ្នាំ​២០១០។ លោក​បាន​បន្ត​ថា៖ «សព្វ​ថ្ងៃ​នេះ​យើង​មាន​សមាជិក​៣៥​នាក់​ហើយ​ជនជាតិ​ខ្មែរ​ច្រើន​ជាង​ជន​បរទេស»។ លោក​លើក​ឡើង​ថា៖ «មាន​ការ​លាយ​ចូល​គ្នា​ម៉ូតូ​វ៉េស៉្បា​ចាស់​និង​ថ្មី ហើយ​យើង​រៀប​តាម​លំដាប់​ពី​ក្មេង​ជំទង់​រហូត​ដល់​សមាជិក​ដែល​នៅ​ក្នុង​វ័យ​ចំណាស់ៗ»។

ទិន្នន័យ​បាន​ពី​ក្រសួង​សេដ្ឋកិច្ច​និង​ហិរញ្ញវត្ថុ​បង្ហាញ​ថា ការ​នាំ​ចូល​ម៉ូតូ​បាន​កើន​ឡើង​២៦៤ ០៨៥ គ្រឿង ដោយ​មាន​តម្លៃ​សរុប​ចំនួន ១៣៩​លាន​ដុល្លារ​នៅ​ក្នុង​រយៈ​ពេល​១១ខែ​ដំបូង​ឆ្នាំ​២០១២ កើន​ឡើង​៥៥​ភាគរយ​ពី​ចំនួន​១៧០ ៣៨០ គ្រឿង​មាន​តម្លៃ ៨៦,៥​លាន​ដុល្លារ​ក្នុង​រយៈ​ពេល​ដូច​គ្នា​ពី​ឆ្នាំ​មុន៕ PB

អត្ថបទគួរចាប់អារម្មណ៍