The Phnom Penh Post Search

Search form




Logo of Phnom Penh Post newspaper Phnom Penh Post - ការ​​ប្តេជ្ញា​ចិត្ត​របស់​ Silk Air នៅ​ទីផ្សារ​កម្ពុជា

ការ​​ប្តេជ្ញា​ចិត្ត​របស់​ Silk Air នៅ​ទីផ្សារ​កម្ពុជា

ការ​​ប្តេជ្ញា​ចិត្ត​របស់​ Silk Air នៅ​ទីផ្សារ​កម្ពុជា

20140314_13
លោក Tan Han Soo អ្នកគ្រប់គ្រងនៅក្រុមហ៊ុន SilkAir នៅកម្ពុជា ហេង ជីវ័ន

ភ្នំពេញៈ ​ឆ្នាំ​មុន​​កម្ពុជា​បាន​ទទួល​ ភ្ញៀ​វទេសចរ​​បរទេស ​៤,២ ​លាន​នាក់​ គឺ​​កើន​​ជាង ​១៧​ ភាគ​រយ​ធៀប​នឹង​​រយៈ​ពេល​ដូច​​​គ្នា ​កាល​ពីឆ្នាំ​ ២០​១២ ​​ដែល​រក​​​ប្រាក់​បាន​ ​២,៥ ​ពាន់​លាន​ដុល្លា​រ​​សម្រាប់​សេដ្ឋ​កិច្ច​​។ ​ក្នុងចំ​នួន​នោះ​ ភ្ញៀវទេសចរ​ជាង​​២​លាន​នាក់​​ធ្វើ​ដំណើរ​តាម​​ផ្លូវ​អាកាស​កើនឡើង​​ ៤៧ ​ភាគ​រយ​​នៅ​ព្រលាន​យន្ត​ហោះ​អន្តរ​ជា​តិ​សំខាន់​ពីរ​ គឺ​​ព្រលាន​​យន្ត​ហោះ​អន្តរ​ជាតិ​​ភ្នំពេញ ​និង​ព្រលាន​យន្ត​ហោះ​អន្តរ​ជាតិ​សៀម​រាប​​ដែល​មាន​ក្រុម​ហ៊ុន​អា​កា​ស​ចរ​ណ៍​បរទេស​ចំនួន​២៤​។

​មាន​ក្រុម​​ហ៊ុន​​អាកាសចរ​ណ៍​គ្រប់​គ្រង​ដោយ​វិនិយោគិន​បរទេស​ទាំង ​២៤ ​កំពុង​ប្រតិ​បត្តិ​ការ​នៅ​កម្ពុជា​។ ​ក្រុម​ហ៊ុន​​អា​កា​សចរ​ណ៍​​ SilkAir ជា​​ក្រុម​ហ៊ុន​មួយ​​ក្នុង​ចំណោម​​ក្រុម​ហ៊ុន​អា​កាស​ចរ​ណ៍​ធំ​ៗ​ប​ម្រើ​សេវា​​ផ្លូវ​ហោះ​ហើរ​រវាង​​ភ្នំពេញ​សិង្ហ​បុរី​ និង​សិង្ហ​បុរី​​សៀមរាប ​ដែល​បាន​ប្រតិ​បត្តិ​ការ​ជាង​​១០​ឆ្នាំ​នៅ​ក្នុង​ឧស្សា​ហ​កម្ម​អា​កាស​ចរ​ណ៍​​របស់​​កម្ពុជា​។ ​​

លោក ​Tan ​Han ​Soo ​អ្នក​គ្រប់​គ្រង​​នៅ​ក្រុម​ហ៊ុន​​ SilkAir បាន​ផ្តល់​បទ​សម្ភាស​ដល់​លោក ម៉ៃ​ គុណ​មករា​ ប្រធាន​ការី​​និពន្ធ​ព័ត៌​មាន​សេដ្ឋ​កិច្ច​​របស់​កាសែត​ភ្នំពេញ​​ប៉ុស្ដិ៍​អំពី​ពាណិជ្ជ​កម្ម​ និង​ឧស្សា​​ហ​កម្ម​ទាំង​មូល​។​

តើ​ក្រុម​ហ៊ុន​អាកាសចរ​ណ៍​Silk Air ​​ចាប់​ផ្ដើម​​ដំណើរការ​ហោះ​​ហើរនៅ​ភ្នំពេញ​នៅពេល​ណា​? ​តើ​និន្នា​ការ​របស់​អ្នក​ធ្វើ​ដំណើរ​ដូច​ម្ដេច​ដែរ​?​​

សម្រាប់​កម្ពុជា​ យើង​បាន​ចាប់​ផ្ដើម​ឆ្ពោះ​​​មក​​ភ្នំពេញ​នៅ​ថ្ងៃ​ទី ​៣ ​ខែ​តុ​លា​​ឆ្នាំ​​១៩៩២ ​ដូច្នេះ​ហើយ​បាន​ជា​យើង​ធ្វើ​ខួប​​ ១០ ​ឆ្នាំ​របស់​យើង​នៅ​​ឆ្នាំ២០​១២ នៅ​ភ្នំពេញ​។​ ​យើង​​បានចាប់​ផ្ដើម​​ជើង​ហោះ​​ហើរ​របស់​យើង​ឆ្ពោះ​ទៅ​កាន់​សៀម​​រាប​នៅ​ថ្ងៃ​ទី​​២ ​ខែ​វិច្ឆិកា​ ឆ្នាំ​២០០០​។ យើង​ដំណើរ​ការ​ជើង​ហោះ​ហើរ​​សិង្ហ​បុរីភ្នំពេញ​ពីរ​ជើង​​ក្នុង​មួយ​ថ្ងៃ​​ ​និង​​ជើង​ហោះ​ហើរ​១១ជើង​ប្រ​ចាំ​សប្ដាហ៍​​រវាង​សិង្ហ​បុរី​សៀម​រាប​។​

សម្រាប់​ពួក​យើង​​ យើង​​កំពុង​មើល​ឃើញ​​កំណើន​ចំនួន​អ្នក​ធ្វើ​ដំណើរ​ និង​ទទួល​បាន​ជោគ​ជ័យ​ជា​បន្ត​បន្ទាប់​នៅ​ការិ​យា​ល័យ​​ក្រុម​ហ៊ុន​ SilkAir ​កម្ពុជា​​ ហើយ​យើង​នៅ​ទី​នេះ​សម្រាប់​ពាណិជ្ជ​កម្ម​រយៈ​ពេល​យូរ​។

តាម​ដែល​ខ្ញុំ​ចាំ​ថា ​​ក្រុម​ហ៊ុន​អា​កាសចរ​ណ៍​ Tiger Air ដែល​​បម្រើ​ផ្លូវ​ហោះ​ហើរ​ដូច​គ្នា​នេះ​​​ចាប់​ផ្ដើម​ដំណើរ​ការ​​កាល​​ពីខែ​តុ​លា​ ឆ្នាំ​២០១​២​​។ ​តើលោក​មាន​ការ​បារម្ភ​ទេ​?​

ពិត​ហើយ​នៅ​ខែតុលា​ ឆ្នាំ​២០១២ ​យើង​ធ្វើ​​ខួប​លើក​ទី​ ១០ ​ឆ្នាំ​របស់​យើង​នៃ​វត្ត​មាន​របស់​យើង​នៅ​ទីនេះ​​ ហើយ​ពួក​គេ​បាន​សម្ពោធ​ជើង​​ហោះ​ហើរ​របស់​​ពួក​គេ​ផង​ដែរ​។ ​យើង​តែង​តែ​​ស្វាគម​ន​៍​ដល់​ការ​​ប្រ​កួត​ប្រជែង​។ ការ​ប្រកួត​ប្រជែង​គ្នា​នឹង​ជួយ​ផ្ដល់​ឲ្យ​​យើង​ឈាន​​​ដល់​ចំណុច​កំពូល​ ហើយ​វាគឺជា​ការ​ល្អ​ប្រសើរ​សម្រាប់​ឧស្សា​ហ​កម្ម​​អាកាស​ចរ​ណ៍​សម្រាប់​ប្រទេស​​ និង​​សេដ្ឋ​កិច្ច​ ព្រោះ​​​បណ្ដា​ប្រទេស​អាស៊ាន​ យើង​កំពុង​ពង្រីក​សេវា​​ផ្លូវ​អា​កាស​ដោយ​សេរី​ដែល​កំពុង​បើក​ចំហ​ទី​​ផ្សារ​នេះ ​ដូច្នេះ​ខ្ញុំ​គិត​ថា​​ វាគឺជា​ការ​ល្អ​សម្រាប់​អ្នក​រាល់​គ្នា​។​

ខ្ញុំ​មិន​ចង់​និយាយ​ច្រើន​ពេក​ទេ​អំពី​​ក្រុម​ហ៊ុន​អាកាសចរ​ណ៍​ផ្សេង​ ​យើង​កំពុង​និយាយ​អំពី​​ក្រុម​ហ៊ុន​របស់​យើង​​តែ​ប៉ុណ្ណោះ​។​ អ្វី​ដែល​ខ្ញុំ​អាច​​និយាយ​គឺថា​​ តាំងពី​ក្រុម​ហ៊ុន​អាកាសចរ​ណ៍​ Tiger កំពុង​បម្រើសេវា​សព្វ​ថ្ងៃ​នេះ​ ចំនួន​អ្នក​ដំណើរ​របស់​យើង​មិន​បា​នរង​​​ផល​ប៉ះពាល់​នោះទេ​យើង​មានអ្វី​ៗ​ដូច​ជា​ ចំនួន​អ្នក​ដំណើរ​នៅ​តែ​មាន​ការ​កើន​ឡើង​ដោយ​សារយើង​មាន​ចំណែក​ទី​ផ្សារ​ខុស​គ្នា​ ហើយ​យើង​​ផ្ដល់​សេវា​មាន​គុណ​ភាព​ល្អ​។​

ក្នុង​តំបន់​អាស៊ាន​ ពួកគេ​​កំពុង​ព្យា​យាម​​​​ជំរុញ​​ជើង​ហោះ​ហើរ​មាន​តម្លៃ​ទាប​។ ​តើ​ប៉ះពាល់​ដល់​ពា​ណិជ្ជ​កម្ម​របស់​លោក​ដូច​ម្ដេច​ដែរ​?​

ពិត​ហើយ​​​យើង​មាន​ទី​ផ្សារ​ខុស​គ្នា​។​​ ខ្ញុំ​គិតថា​​ អ្វី​ដែល​សំខាន់​ដើម្បី​សម្លឹង​មើល​គឺថា​​ យើង​មានចំណែក​ទី​ផ្សារ​​ផ្ទាល់​ខ្លួន​របស់​យើង​។ ​យើង​គឺ​ក្រុម​ហ៊ុន​អាកាសចរ​ណ៍​ SilkAir ​មិន​មែន​ជា​​ក្រុម​ហ៊ុ​នអាកាសចរ​ណ៍​​មាន​តម្លៃ​ទាប​ដែល​ជា​ចំណុច​សំខាន់​បំ​ផុត​ទេ។ ​យើង​គឺជា​​ក្រុម​ហ៊ុន​អាកាសចរ​ណ៍​​ផ្ដល់​សេវា​តម្លៃ​ថ្លៃ​ពេញលេញ​។​​

​ មន្ដ្រី​អាកាសចរ​ណ៍​ស៊ី​វិល​បាន​ឲ្យ​ដឹង​ថា​​នឹង​មាន​​ក្រុម​ហ៊ុន​អាកាសចរ​ណ៍​ជាង​១០​ ចាប់​ផ្ដើម​ជើង​ហោះ​ហើរ​មក​កាន់​​កម្ពុជា​នៅ​ឆ្នាំ​នេះ​ ហើយ​ឆ្នាំ​ក្រោយ​​ៗ​ទៀត​។ ​តើ​លោក​យល់​យ៉ាង​ណា​អំពី​បញ្ហា​នោះ​?​​

ខ្ញុំ​គិតថា​​អ្នក​មើល​ឃើញ​​ក្រុម​ហ៊ុន​អាកាសចរ​ណ៍​ថ្មី​ៗជា​ច្រើន​កំពុង​ចូល​មក​។ ​នេះ​គឺជាអ្វី​ដែល​កំពុង​លើក​ទឹក​ចិត្ត​ ​ពី​ព្រោះ​វា​ពិត​ហើយ​​​នឹង​បង្កើន​មុខ​មាត់​របស់​កម្ពុជា​នៅ​ក្នុង​តំបន់​នេះ​។ ​មានក្រុម​ហ៊ុន​អាកាសចរ​ណ៍ កាន់​តែ​ច្រើន កាន់តែ​​ល្អ​ប្រសើរ​។​​ ដូច​ដែល​​អ្នក​​ដឹង​​​ហើយ អាស៊ាន​​នឹង​បើក​ចំហ​ក្នុង​ពេល​​ឆាប់​ៗនេះ​ ជា​គោល​នយោ​បាយ​បើក​ចំហ​ជើង​មេឃ​។ ​ដូច្នេះ​ អ្វី​ៗ​ទាំង​អស់នេះ​ ​ក្រុម​ហ៊ុន​អាកាសចរ​ណ៍​ថ្មី​ៗ​នឹ​ង​ចូល​មក​ ខ្ញុំ​គិតថា​ យើង​គួរតែ​លើក​​ទឹក​ចិត្ត​ និង​ស្វា​គ​ម​ន៍​​​​ពួកគេ​។ ទីពីរ​ ​ក្រុម​ហ៊ុន​អាកា​សចរ​ណ៍​ Silk Air យើង​​ត្រូវ​បាន​​កំណត់​ដោយ​កិច្ច​ព្រម​ព្រៀង​​សេវា​​ផ្លូវ​អាកាស​ យើង​មិន​អាច​​ហោះ​​ហើរ​ពី​ទី​នេះ​ទៅ​កាន់​ផ្នែក​ណា​មួយ​​របស់​ពិ​​​ភព​លោក​បាន​ទេ​។​​ នេះ​គឺជា​របៀ​ប​ដែល​យើង​ធ្វើ​។

ក្រុម​ហ៊ុន​អាកាស​ចរ​ណ៍​ កម្ពុជា​អង្គរ​អ៊ែរ​​ ជា​​ក្រុម​ហ៊ុន​អា​កាសចរ​ណ៍​ជាតិ​តែ​មួយ​គត់​ ប៉ុន្តែ​ពេល​នេះ​នឹង​មាន​ក្រុម​ហ៊ុន​កម្ពុជា​អ៊ែរ​ឡាញ ​ដែល​វិនិ​យោគរួម​គ្នា​រវាង​​ក្រុម​ហ៊ុន ​Royal Group ​និង​ក្រុម​ហ៊ុន Philippine Airlines ​ខណៈ​តម្រូវ​ការ​ក្នុង​ស្រុក​កើន​ឡើង។ ​តើ​​ក្រុម​ហ៊ុន ​​SilkAir មាន​ផែន​ការ​​ដាក់​ពាក្យ​សុំការ​ហោះ​ហើរ​ក្នុង​ស្រុក​ដែរ​ឬ​ទេ?

​និយាយ​ជា​ទូទៅ​ ទីផ្សារ​ផ្លូវ​ហោះ​ហើរ​អន្តរ​ជាតិ​ និង​ផ្លូវ​ហោះ​ហើរ​​ក្នុង​ស្រុក​មាន​ភាព​ខុស​គ្នា​មួយ​ចំនួន​។ ​ជា​ធម្មតា​​ ពេល​​ក្រុម​ហ៊ុន​អាកាសចរ​ណ៍​ក្នុង​ស្រុក​ចេញ​ក្រៅ​ រដ្ឋា​ភិបាល​ត្រួត​ពិនិត្យ​។ ​ពិត​ហើយបើ​រដ្ឋា​ភិបាល​អញ្ជើញ​យើង​​ឲ្យចូល​ យើង​ពិត​ជា​មាន​ការ​សប្បាយ​រីក​រាយ​ ហើយ​យើង​នឹង​ពិ​ភាក្សា​ជា​មួយ​អ្នក​គ្រប់​គ្រង​​​លើផ្នែក​នោះ​​។ ​ប៉ុន្តែ​​ខ្ញុំ​គិតថា​​យើង​មិនធ្វើ​ការងារ​តាម​របៀប​នោះទេ​។​​

​   ក្រសួង​ទេសចរ​ណ៍​កំពុង​ព្យា​យាម​​ដើម្បី​​លើក​កម្ពស់​តំបន់​ឆ្នេរ​សមុទ្រ​តាម​រយៈ​ការត​ភ្ជាប់​​ពី​ខេត្ត​សៀមរាប​ជា​ទី​ក្រុង​បុរាណ។ ​តើ​ក្រុម​ហ៊ុន​អាកាសចរ​ណ៍​ silk air មាន​ផែន​ការ​សម្រាប់​​ផ្លូវ​ហោះ​​ហើរ​នេះទេ?

ក្រុម​ហ៊ុន​អាកាសចរ​ណ៍ SilkAir កំពុង​សម្លឹង​មើល​រក​ទិសដៅ​ថ្មី​ទំនង​ជា​នៅ​ក្នុង​តំបន់​អាស៊ាន ​ឬ​តំបន់ជា​ច្រើន​ផ្សេង​ទៀត​ដូច​ដែល​អ្នក​​អាច​មើល​ឃើញ​​ការ​ពង្រីក​របស់​យើង​អំពី​កាល​បរិច្ឆេទ​ យើង​មាន​ទិសដៅ​៤៥ និង​បន្ថែម​​ទិសដៅ​ពីរ​ទៀត​នៅ​ក្នុង​ពេល​ខាង​មុខ​ឆាប់​ៗ​នេះ​ ដូច្នេះ​​យើង​នឹង​​​មាន​ទិសដៅ​៤៧​។ ​ពិត​ហើយ​ដូច្នេះ​​​យើង​សម្លឹង​រក​មើល​ទិស​ដៅ​ថ្មី​ៗ​។

​ខ្ញុំ​គិតថា​ ព្រលាន​យន្ត​ហោះ​អន្តរជាតិ​​ក្រុង​ព្រះ​សីហនុ នៅ​ពេល​បច្ចុ​ប្ប​ន្ន​ គឺ​មិន​​ទាន់​រួច​រាល់​ទេ​ដោយ​សារ​តែ​​នៅ​ពេល​​ណា​យើង​ហោះ​ហើរ​ យើង​ត្រូវតែ​សម្លឹង​មើល​ទៅ​លើ​តម្រូវ​ការ​ទី​ផ្សារ​ ហេ​ដ្ឋារច​នា​សម្ព័ន្ធ​ សុវត្ថិ​ភាព​ និង​សន្ដិ​សុខ​។​​ ពិត​ហើយ ​ព្រលាន​យន្ត​ហោះ​ត្រូវ​តែ​​មាន​ជា​ស្រេច​ ដូច្នេះ​ នេះ​គឺជា​អ្វី​ដែល​យើង​ត្រូវតែ​ចាំ​ក្នុង​ការ​ពិចារណា​​ពី​ការ​ហោះ​​​ហើរ​ទៅ​កាន់​ទិសដៅ​​ផ្សេង​ទៀត​។ ​ប៉ុន្តែ​ ដោយ​និយាយ​ថា​​ នៅ​ពេល​ណា​ដល់​ពេល​ហោះ​ហើរ​ ហើយ​តាម​ពិត យើង​នឹង​ពិចារណា​​មិន​អាច​នៅ​ពេល​នេះ​ទេ ​ប៉ុន្តែ​​ប្រហែល​ជា​​នៅ​ក្នុង​ពេល​អនា​គត៕

អត្ថបទគួរចាប់អារម្មណ៍