The Phnom Penh Post Search

Search form




Logo of Phnom Penh Post newspaper Phnom Penh Post - កាស៊ីណូ Roxy បង្ហាញ​ពី​ប្រាក់​ចំណូល​តិច​ក្នុង​ដំណើរ​ការ​សាក​ល្បង

កាស៊ីណូ Roxy បង្ហាញ​ពី​ប្រាក់​ចំណូល​តិច​ក្នុង​ដំណើរ​ការ​សាក​ល្បង

កាស៊ីណូ Roxy បង្ហាញ​ពី​ប្រាក់​ចំណូល​តិច​ក្នុង​ដំណើរ​ការ​សាក​ល្បង

បាវិតៈ កា​ស៊ីណូ ​Roxy​ Casino ​ដែល​ជា​ក្រុមហ៊ុន​បុត្រ​សម្ព័ន្ធ​របស់ Cell ​Aquaculture ​(CAQ) ចុះ​បញ្ជី​នៅ​អូស្ត្រាលី​ ​បង្ហាញ​ប្រាក់​ចំណូល​តិចតួច​ បន្ទាប់​ពី​បើក​សាកល្បង​រយៈពេល​ជាង​ ២​ខែ​កាល​ពី​ចុង​ខែ​ឧសភា។

កាស៊ីណូ​ដែល​មាន​ទី​តាំង​ ២០០ ​ម៉ែត្រ​ពី​ច្រក​ព្រំដែន​អន្តរជាតិ​បាវិត​ ខេត្ត​ស្វាយរៀង នឹង​បើក​ដំណើរ​ការជា​ផ្លូវ​ការ​នៅ​ថ្ងៃ​នេះ។ កាស៊ីណូ​នេះ​ជា​ការ​វិនិយោគ​ដោយ CAQ ជាមួយ​នឹង​ទុន​ប្រមាណ​ ២ ​លាន​ដុល្លារ។

សេច​ក្ដី​ប្រកាស​ព័ត៌មាន​ដែល​បាន​ចុះ​ហត្ថលេខា​ដោយ​លោក ​Deborah Ho លេខាធិការ​ក្រុមហ៊ុន​បាន​ឲ្យដឹង​ថា៖ «ចាប់​តាំង​ពី​ការ​បើក​ដំណើរ​ការ​សាក​ល្បង​កាស៊ីណូ​នេះ​កាល​ពីថ្ងៃទី២៦ ខែ​ឧសភា ២០១៤​ ប្រតិបត្តិការ​របស់​កាស៊ីណូ​នេះ​ត្រូវ​បាន​មើល​ឃើញ​ថា​ជា​ផ្លូវ​សម្រាប់​សម្រេច​គោល​បំណង​ និង​ការ​ចូល​រួម​ក្នុង​ការចាប់​ផ្ដើម​​ប្រតិបត្តិការ»។​

សេចក្ដី​ប្រកាស​ព័ត៌​មាន​បាន​ឲ្យដឹងថា៖ «ក្នុង​អំឡុង​ពេល​ដំណើរ​ការ​នេះ​ កាស៊ីណូ​រក​បាន​​ប្រាក់​ចំណេញ​តិច​បំផុត​ដែល​បាន​ភាគច្រើន​ពី​សកម្មភាព​នៃ​ការ​ភ្នាល់​ការ​ប្រកួត​បាល់ទាត់​ពិភព​លោក​ឆ្នាំ​២០១៤»។

ប្រភពបន្តថា៖ «វា​កំពុង​ជំរុញ​​ឲ្យ​មាន​ការ​កត់​សម្គាល់ថា ​​ក្នុង​អំឡុង​ពេល​ដំណើ​រការ​នេះ​ ការ​រាប់​ចំនួន​អ្នក​លេង​ល្បែង​នៅ​លើ​តុ​ល្បែង​​ត្រូវ​បាន​កត់​សម្គាល់​រៀង​រាល់​២​ម៉ោង​ម្ដង​ ហើយ​មាន​ភ្ញៀវ​ចូល​លេង​​ជា​មធ្យម​ ៥៥០​នាក់​​ប្រចាំ​ថ្ងៃ»។

សេច​ក្តី​ប្រកាស​ព័ត៌មាន​បន្ត​​ថា ​កាស៊ីណូ​នេះ​បាន​បើក​ការ​ភ្នាល់​តាម​អ៊ីនធឺណិត​របស់​ខ្លួន​​កាល​ពីថ្ងៃទី​២២ ខែ​កក្កដា​ ឆ្នាំ​២០១៤។

សេច​ក្ដី​ប្រកាស​នេះ​បញ្ជាក់​ថា៖ «កាស៊ីណូ​តាម​អ៊ីន​ធឺណិត​ផ្ដល់​ដល់​អ្នក​លេង​ល្បែង​ និង​ភ្ញៀវដែល​មាន​ចំណាប់​អារម្មណ៍​ឲ្យ​ចូល​រួម​នៅ​ក្នុង​ការ​លេង​នៅ​កាស៊ីណូ​ផ្ទាល់​ និង​អាច​រក​បាន​ពី​គ្រប់​ឧបករណ៍​ដែល​បាន​តភ្ជាប់​ជាមួយ​ប្រ​ព័ន្ធ​អ៊ីនធឺណិត»។

សេច​ក្ដី​ប្រ​កាស​ព័ត៌​មានបន្តថា​៖ «ប្រជាជន​វៀតណាម​​គឺជា​ទី​ផ្សារ​ដ៏​សំខាន់​បំផុត​សម្រាប់​កាស៊ីណូ Roxy Casino»។

កម្មវិធី​ផ្នែក​ទី​ផ្សារ​ និង​ការ​ផ្សព្វ​ផ្សាយ​​ត្រូវ​បាន​បង្កើត​ឡើង​ដើម្បី​ចាប់​យកទី​ផ្សារ​ដ៏​សំខាន់​នេះ​ ដែល​រួម​មាន​​ការ​ទាក់​ទាញ​ដំណើរ​កម្សាន្ត​ស​ម្រាប់​អ្នក​លេង​​ល្បែង​មាន​​ប្រាក់​ច្រើន​មក​ពី​​​ប្រទេស​វៀត​ណាម។

លោក ហ៊ ​ចិន្តា​ ​មន្ដ្រី​នៅ​ច្រក​​ព្រំដែន​អន្តរជាតិ​បាវិត​​បាន​ប្រាប់​ភ្នំពេញ​ប៉ុស្ដិ៍​​កាល​ពីថ្ងៃ​ពុធ​ថា​ បច្ចុ​ប្ប​​ន្ន​​មាន​កាស៊ីណូ​ជាង​ ១០​ កំពុង​ប្រតិ​បត្តិ​ការ​នៅ​ក្រុង​បាវិត​។

លោក​បន្ថែម​ថា ​លោក​មិន​បាន​​មើល​ឃើញ​ការ​ធ្លាក់​ចុះ​អ្នក​លេង​ទេ​។

លោក​បន្តថា៖ «ខ្ញុំបាន​កត់​សម្គាល់​ឃើញ​ថា ​ចំនួន​អ្នក​លេង​ល្បែង​​នៅ​តែ​មាន​សភាព​ធម្មតា​​ ទោះ​បីជា​​យើង​​មាន​បញ្ហា​ខ្លះ​ៗ​ [ការ​ជាប់​គាំង​​នយោ​បាយ​] ​ក៏ដោយ​។​ នៅទី​នេះ​ អ្នក​លេង​ល្បែង​ជាង​ ២០០ ​នាក់​លេង​នៅ​ក្នុង​កាស៊ីណូ​នៅទី​នេះ​ជា​រៀង​រាល់​ថ្ងៃ។ ខ្ញុំគិត​ថា​ កាស៊ីណូ​​កំពុង​មាន​ដំណើរ​ការ​ល្អ​ប្រសើរ​ផង​ដែរ»។

យោងតាម​សេច​ក្ដី​ប្រកាស​ព័ត៌​មាន​ មកដល់​ពេល​បច្ចុ​ប្ប​ន្ន​​កាស៊ីណូ​នេះ​មាន​​បុគ្គលិក​ប្រហែល​ ៣៧៦ ​នាក់៕PB

អត្ថបទគួរចាប់អារម្មណ៍