.jpg)
កម្មករកំពុងធ្វើការក្នុងរោចក្រកែច្នៃអាហារមួយក្នុងប្រទេសចិន។ រូបថត AFP
ក្រុងប៉េកាំងៈ ការងារក្នុងទីក្រុងចំនួនប្រហែល ៦,២ លានកន្លែងត្រូវបានបង្កើតឡើងក្នុងប្រទេសចិនក្នុងរយៈពេល ៥ ខែដំបូងក្នុងឆ្នាំនេះ ដែលជាសម្ទុះល្អមួយដែលត្រូវបានជំរុញដោយសកម្មភាពសេដ្ឋកិច្ចរួម។ នេះបើតាមអ្នកនាំពាក្យក្រសួងធនធានមនុស្ស និងសន្តិសុខសង្គមរបស់ចិន។
ចាប់ពីខែមករា ដល់ខែឧសភា បុគ្គលិកដែលត្រូវជម្រុះចេញពីការងារក្នុងទីក្រុងចំនួន ២,៣ លាននាក់ និងប្រជាជនចំនួន ៧២០ ០០០ នាក់ដែលជួបការលំពាក់ក្នុងការស្វែងរកការងារធ្វើ ត្រូវបានជ្រើសរើសឲ្យធ្វើការងារ។
នៅដំណាច់ត្រីមាសទី ១ អត្រាគ្មានការងារធ្វើដែលត្រូវបានចុះបញ្ជីក្នុងតំបន់ទីក្រុង មានចំនួន ៣,៨៩ ភាគរយ ដែលធ្លាក់ចុះ ០,០៨ ភាគរយធៀបនឹងរយៈពេលដូចគ្នាកាលពីខែមុន។
ក្នុងខែឧសភា អត្រាគ្មានការងារធ្វើក្នុងតំបន់ទីក្រុងដែលត្រូវបានអង្កេត ស្ថិតក្នុងអត្រា ៤,៨ ភាគរយ ដែលធ្លាកចុះ ០,១ ភាគរយធៀបនឹងខែឧសភា ឆ្នាំមុន។
ទីផ្សារការងាររបស់ប្រទេសចិន នៅតែមានភាពសកម្មក្នុងរយៈពេល ៣ ខែដំបូងក្នុងឆ្នាំនេះ ដោយឱកាសការងារជាមធ្យមចំនួន ១,២៣ កន្លែង ត្រូវបានបង្កើតឡើងសម្រាប់អ្នកស្វែងរកការងារម្នាក់ ដែលជាកំណត់ត្រាខ្ពស់មួយ។ នេះបើយោងតាមស្ថិតិរួមមួយដែលចេញផ្សាយដោយទីភ្នាក់ងារការងារសាធារណៈចំនួន ១០០៕ People’s Daily/KC
