ភ្នំពេញៈ កំពង់ផែស្វយ័តភ្នំពេញ (ក.ស.ភ) បានចុះហត្ថលេខាជាផ្លូវការលើកិច្ចសន្យាស្តីពីការជួលដីរបស់កំពង់ផែចាប់ពីគល់ស្ពានជ្រោយចង្វារដល់ផ្សាររាត្រីទៅឲ្យក្រុមហ៊ុនចិនសម្រាប់រយៈពេល ៥០ ឆ្នាំ ក្នុងតម្លៃ ១៦,៥ លានដុល្លារ។
យោងតាមសេចក្តីប្រកាសព័ត៌មានដែលចេញផ្សាយដោយកំពង់ផែស្វយ័តភ្នំពេញ កិច្ចសន្យាដែលចុះជាមួយក្រុមហ៊ុនចិន ចៀន ឈឹង ថៃ គ្រុប ដែលជាក្រុមហ៊ុនបុត្រសម្ព័ន្ធរបស់ក្រុមហ៊ុន Yuetai Group នេះ គឺដើម្បីអភិវឌ្ឍមជ្ឈមណ្ឌលពាណិជ្ជកម្មចម្រុះមួយឈ្មោះថា The City Gate ។
សេចក្តីប្រកាសនេះបានឲ្យដឹងបន្តថា គម្រោងនេះរួមមាន អគារបណ្តុំការិយាល័យពាណិជ្ជកម្ម មជ្ឈមណ្ឌលសិល្បៈ ទីធ្លាសម្បែងវប្បធម៌សិល្បៈ ទីធ្លាសួនបាញ់ទឹក របាំលើទឹក និងផ្សារអណ្តែតទឹក និងគម្រោងមួយចំនួនទៀត។
កិច្ចសន្យានេះមានសុពលភាពចាប់ពីថ្ងៃទី ២៩ ខែមិថុនា ឆ្នាំ២០១៨ ដល់ថ្ងៃទី ២៨ ខែមិថុនា ឆ្នាំ ២០៦៨៕
សូមអានព័ត៌មានលម្អិតលើកាសែតភ្នំពេញប៉ុស្តិ៍ ថ្ងៃស្អែក