ភ្នំពេញៈ ក្រសួងទេសចរណ៍ទើបនឹងបានដាក់ឲ្យដំណើរការកម្មវិធីចល័តថ្មីមួយដែលហៅថា «បដិសណ្ឋារកិច្ចល្អបំផុតរបស់កម្ពុជា» ដើម្បីឲ្យសាធារណជន និងប្រតិបត្តិករទេសចរណ៍វាយតម្លៃពីគុណភាពឧស្សាហកម្មទេសចរណ៍។ នេះបើយោងតាមមន្ដ្រីឧស្សាហកម្មនេះ។
លោក ឆាយ ឃុនឡុង អគ្គនាយករងនៃអគ្គនាយកដ្ឋានឧស្សាហកម្មទេសចរណ៍នៅក្រសួងទេសចរណ៍បានឲ្យដឹងកាលពីម្សិលមិញថា ក្រសួងទេសចរណ៍នៅពេលនេះកំពុងធ្វើការផ្សព្វផ្សាយពីបដិសណ្ឋារកិច្ចល្អ ដើម្បីវាយតម្លៃលើទីក្រុងស្អាត។
លោកថ្លែងថាកម្មវិធីនេះដើរតួដ៏សំខាន់សម្រាប់ទាំងប្រតិបតិ្តករទេសចរណ៍ និងសាធារណជនក្នុងការផ្ដល់យោបល់ ឬវាយតម្លៃលើគុណភាពនៃទីក្រុងស្អាត និងស្ដង់ដារ៕