The Phnom Penh Post Search

Search form




Logo of Phnom Penh Post newspaper Phnom Penh Post - ក្រសួង​ផ្អាក​ពិព័រណ៍ «​ទំនិញ​នាំចេញ​នាំចូល​កម្ពុជា​លើក​ទី​ ១៥»

ក្រសួង​ផ្អាក​ពិព័រណ៍ «​ទំនិញ​នាំចេញ​នាំចូល​កម្ពុជា​លើក​ទី​ ១៥»

Content image - Phnom Penh Post
ពិព័រណ៍ទំនិញ​នាំចេញ​នាំចូល​កម្ពុជា នាពេលកន្លងមក។ ហេង ជីវ័ន

ក្រសួង​ផ្អាក​ពិព័រណ៍ «​ទំនិញ​នាំចេញ​នាំចូល​កម្ពុជា​លើក​ទី​ ១៥»

ភ្នំពេញៈ កម្ពុជា​បាន​សម្រេច​ចិត្ត​លុបចោល​ការតាំងពិព័រណ៍ «​ទំនិញ​នាំចេញ​នាំចូល​កម្ពុជា​លើក​ទី​ ១៥» ប្រចាំ​ឆ្នាំ​ ២០២០ នេះ ដែល​គ្រោង​នឹង​រៀបចំ​ឡើង​ចាប់ពី​ថ្ងៃទី​ ១៥-១៨ ខែធ្នូ ជា​កិច្ចខិតខំ​ប្រឹងប្រែង​មួយ​របស់​រដ្ឋាភិបាល​កម្ពុជា​ក្នុង​ការបង្ការ​ការរីករាលដាល​ជំងឺ​កូវីដ​​ ១៩ និង​ដើម្បី​អនុវត្ត​តាម​គោលការណ៍​ណែនាំ​នៃ​វិធានការ​បង្ការ​ជំងឺ​កូវីដ​ ១៩​។

ក្រសួង​ពាណិជ្ជកម្ម​បាន​ចេញ​សេចក្ដី​ប្រកាស​ការលុបចោល​ការតាំងពិព័រណ៍​នេះ​កាលពី​ថ្ងៃ​ព្រហស្បតិ៍​សប្តាហ៍​មុន ដោយ​បាន​ជូនដំណឹង​ដល់​ក្រុមហ៊ុន​ក្នុងស្រុក និង​បរទេស​ដែល​បាន​ចុះឈ្មោះ​រួចហើយ​សម្រាប់​ពិព័រណ៍​ប្រចាំ​ឆ្នាំនេះ​។

សេចក្ដី​ប្រកាស​ព័ត៌មាន​ក្រសួង​ពាណិជ្ជកម្ម​សរសេរ​ថា​៖ «​ក្រសួងពាណិជ្ជកម្ម​កម្ពុជា​មាន​ការសោកស្ដាយ សូម​ជូនដំណឹង​ដល់​ពាណិជ្ជករ​ទាំងអស់ សហគ្រាស​ធុន​តូច និង​មធ្យម​កម្ពុជា ក្រុម​វិនិយោគិន ផលិតករ និង​ក្រុមហ៊ុន​បរទេស​ថា ដោយសារ​ភាពមិន​ច្បាស់លាស់​នៃ​ស្ថានការណ៍​បច្ចុប្បន្ន​របស់​ជំងឺ​កូវីដ ​១៩ និង​អនុវត្តតាម​ការណែនាំ​នៃ​វិធានការ​បង្ការ​ជំងឺ​កូវីដ​ ១៩ របស់​រាជរដ្ឋាភិបាល​កម្ពុជា ពិព័រណ៍​ទំនិញ​នាំចូល នាំចេញ​កម្ពុជា​លើក​ទី​ ១៥ ដែល​ត្រូវ​រៀបចំ​ឡើង​ចាប់ពី​ថ្ងៃទី​ ១៥ ដល់​ថ្ងៃទី​ ១៨ ខែ ធ្នូ ឆ្នាំ​ ២០២០ នៅ​មជ្ឈមណ្ឌល​សន្និសីទ និង​ពិព័រណ៍​កោះពេជ្រ​នៅ​ទីក្រុង​ភ្នំពេញ ត្រូវបាន​លុបចោល​»​។

លោក សុខ ដារិទ្ធិ អនុប្រធាន​នាយកដ្ឋាន​លើកកម្ពស់​ពាណិជ្ជកម្ម​នៅ​ក្រសួង​ពាណិជ្ជកម្ម​បាន​ប្រាប់​ ភ្នំពេញ​ ប៉ុស្ដិ៍​ កាលពី​ថ្ងៃ​ចន្ទ​ថា​ ដោយសារ​តែ​រាល់​ប្រទេស​ទាំងអស់​នៅតែ​ដាក់​ការរឹតបន្តឹង​លើ​វិធានការ​ធ្វើដំណើរ ដើម្បី​ចៀស​ផុត​ពី​ការរីករាលដាល​កូវីដ​ ១៩ ក្រសួង​បានសម្រេច​ចិត្ត​លុបចោល​ពិព័រណ៍​នៅ​ឆ្នាំនេះ​។

លោក​ថ្លែងថា​៖ «​ឆ្នាំនេះ​យើង​បាន​សម្រេច​ចិត្ត​មិន​រៀបចំ​ពិព័រណ៍​ទំនិញ​នាំចូល នាំចេញ​កម្ពុជា​លើក​ទី​ ១៥ ដោយសារ​យើង​ត្រូវ​អនុវត្ត​តាម​ការណែនាំ​នៃ​វិធានការ​បង្ការ​ជំងឺ​កូវីដ​ ១៩ របស់​រដ្ឋាភិបាល ខណៈ​ដែល​ពិព័រណ៍​នេះ​ជាធម្មតា​កម្ពុជា​តែង​ទទួល​ស្វាគមន៍​ក្រុមហ៊ុន​បរទេស​ចន្លោះ​ពី​ ២០០-៣០០ ក្នុង​ការចូលរួម​តាំង​បង្ហាញ​នូវ​ផលិតផល និង​គម្រោង​វិនិយោគ​នានា​ជាមួយ​យើង​។

ប៉ុន្តែ​នៅ​ឆ្នាំ​នេះ ដោយសារ​តែ​លក្ខខណ្ឌ​តម្រូវ​ក្នុង​ការធ្វើ​ចត្តាឡីស័ក​ដោយ​ខ្លួនឯង​រយៈពេល ១៤ ​ថ្ងៃ​ សម្រាប់​រាល់​ជនបរទេស​ដែល​ចូល និង​សម្រាប់​ប្រជាជន​ខ្មែរ​ដែល​ចេញ​ទៅ​ក្រៅប្រទេស​ធ្វើឱ្យ​យើង​ខាត​ពេល​ច្រើន ដូច្នេះ​យើង​សម្រេច​ថា មិន​ប្រារព្ធ​ការតាំងពិព័រណ៍​ឆ្នាំ​នេះឡើយ​»​។

ទោះបី​យ៉ាងណា​យោង​តាម​លោក សុខ ដារិទ្ធិ ក្រសួង​បានសម្រេច​ចិត្ត​ក្នុង​ការបន្ត​ការរៀបចំ​ពិព័រណ៍​ពាណិជ្ជកម្ម​ផលិតផល​ខ្មែរ​នៅ​រដូវកាល​ទី​ ៥ នៃ​យុទ្ធនាការ​ទិញ​ផលិតផល​ខ្មែរ នៅ​ខេត្តសៀមរាប ព្រះវិហារ និង​ខេត្តបន្ទាយមានជ័យ​ចាប់ពី​ពាក់កណ្ដាល ខែ​ធ្នូ តទៅ​។

បើ​យោងតាម​ការិយាល័យ​ចក្ខុវិស័យ​សេដ្ឋកិច្ច​នៃ​សាធារណរដ្ឋ​សេណេហ្គាល់ ប្រទេស​កម្ពុជា​ជាប់​ចំណាត់ថ្នាក់​លេខ​ ៣ ក្នុងចំណោម ១៦៦ ​ប្រទេស និង​លេខ​ ១ នៅ​អាស៊ី សម្រាប់​កិច្ចខិតខំ​ប្រឹងប្រែង​ក្នុង​ការគ្រប់គ្រង​ការរីករាលដាល​ជំងឺ​កូវីដ ១៩ និង​កាត់បន្ថយ​ផលប៉ះពាល់​ផ្សេងៗ​។

គិត​ត្រឹម​ថ្ងៃទី​ ២៣ ខែវិច្ឆិកា ក្រសួង​សុខាភិបាល​កម្ពុជា​បាន​ប្រកាស​ថា មិនមាន​ករណី​ជំងឺ​កូវីដ ​១៩​ ថ្មី​ត្រូវបាន​រកឃើញ​នោះទេ​។ រហូតមក​ដល់​ពេល​នេះ​កម្ពុជា​បាន​រកឃើញ​អ្នកមាន​ជំងឺ​កូវីដ ​១៩ ចំនួន ៣០៦ ករណី​ ក្នុង​នោះ ២៩៥ បាន​ជាសះស្បើយ និង​ ១១ ​ករណី ​កំពុង​សម្រាក​ព្យាបាល​៕ LA

អត្ថបទគួរចាប់អារម្មណ៍

  • ខេត្តបាក់និញៈ សួនឧស្សាហ​កម្ម​ Yen Phong 1 Industrial Park នៅខេត្ត Bac Ninh ភាគខាងជើង​បាន​ក្លាយជា​​សួនឧស្សាហ​កម្មលើក​ដំបូង​នៅក្នុងប្រទេស​វៀតណាម ដែលទទួល​បាន​​បណ្ដាញ​ទូរគមនា​គមន៍​ 5G ដោយ​បច្ចេកវិទ្យាថ្មីនេះ​​ បានដាក់​​ឲ្យដំណើរការ​នៅទីតាំងនោះ​ដោយ​ក្រុមហ៊ុន Viettel កាល​ពីថ្ងៃព្រហស្បតិ៍។​​

  • ភ្នំពេញៈ កម្ពុជា​នាំចេញ​ទំនិញ​ទៅ​ទីផ្សារ​អាមេរិក​មានតម្លៃ​ជាង ៦ ​ពាន់​លាន​ដុល្លារ​ ក្នុង​រយៈពេល​ ១១ ​ខែ ឆ្នាំ​ ២០២០ កើន​ជាង ២២ ​ភាគរយ​ធៀបនឹង​រយៈពេល​ដូចគ្នា​ឆ្នាំ​ ២០១៩ ខណៈ​ទំហំ​ពាណិជ្ជកម្ម​ទ្វេភាគី​មានតម្លៃ​ជាង ៦,៣ ​ពាន់​លាន​ដុល្លារ​។ នេះ​បើ​យោងតាម​ទិន្នន័យ​ពី​ការិយាល័យ​ពាណិជ្ជកម្ម​អាមេរិក​។

  • ភ្នំពេញៈ ត្រឹម​រយៈពេល​ជិត​ ១ ​ខែ​ប៉ុណ្ណោះ​ចាប់ពី​ថ្ងៃទី​ ២០ ធ្នូ ដល់​ថ្ងៃទី​ ១៧ មករា ពលករ​ខ្មែរ​ដែល​បាន​វិលត្រឡប់​មកពី​ប្រទេស​ថៃ​តាម​ច្រក​នៃ​បណ្តា​ខេត្ត​ជាប់​ព្រំដែន​កម្ពុជា-ថៃ​ចំនួន​ ៦៩ ​នាក់ ​ត្រូវបាន​រកឃើញ​វិជ្ជមាន​កូវីដ​ ១៩ ដោយ​ក្នុង​នោះ​ពលករ​ដែល​បាន​ព្យាបាល​ជាសះស្បើយ​ ២១ ​នាក់​។

  • ស្ទឹងត្រែងៈ កម្លាំង​នគរបាល​ប្រឆាំង​គ្រឿងញៀន​គ្រោង​នឹង​បញ្ជូន​បុរស​ជនជាតិ​ឡាវ​​ ២ ​នាក់ និង​វត្ថុតាង​គ្រឿងញៀន​ជិត​ ៥០ ​គីឡូក្រាម​ទៅ​តុលាការ​នៅ​ព្រឹក​ថ្ងៃ​ចន្ទ​នេះ​ ខណៈ​ដែល​សមត្ថកិច្ច​កម្ពុជា​កំពុង​សហការ​ជាមួយ​សមត្ថកិច្ច​ឡាវ​ ដើម្បី​តាម​រក​ចាប់ខ្លួន​ជនជាតិ​ឡាវ​ ៤ ​នាក់​ទៀត​ដែល​រត់គេចខ្លួន​។

  • ភ្នំពេញៈ លោក ហង់ជួន ណារ៉ុន រដ្ឋមន្ត្រី​ក្រសួង​អប់រំ ​យុវជន និង​កីឡា​បាន​ដឹកនាំ​កិច្ចប្រជុំ​ដាក់​ចេញ​វិធានការ​បន្ថែម​ដល់​សាលារៀន​ដែល​កំពុង​ត្រូវបាន​ប្រើប្រាស់​ជា​មណ្ឌល​ចត្ដាឡីស័ក ពិសេស​សាលារៀន​តាម​ខេត្ដ​ជាប់​ព្រំដែន​ប្រទេស​ថៃ និង​វៀតណាម​ដើម្បី​ធ្វើយ៉ាងណា​ធានា​ផ្ដល់​ការសិក្សា​ដល់​សិស្ស​គ្រប់គ្នា​ក្នុង​ឆ្នាំ​សិក្សា​ថ្មី​នេះ​។

  • ភ្នំពេញៈ លោក​ឧបនាយករដ្ឋមន្ត្រី ស ខេង រដ្ឋមន្ត្រី​ក្រសួង​មហាផ្ទៃ​បាន​ណែនាំ​ឱ្យ​អាជ្ញាធរ​គ្រប់លំដាប់​ថ្នាក់​លុបបំបាត់​ការបង្ក​សំឡេង​រំខាន​លើស​កម្រិត​ដោយ​យានយន្ដ​គ្រប់​ប្រភេទ និង​លុបបំបាត់​កន្លែង​កែច្នៃ​បំពង់​ស៊ី​ម៉ាំង​ដែល​បង្ក​ភាព​រំខាន​ដល់​អារម្មណ៍ និង​សិទ្ធិ​រស់នៅ​របស់​ពលរដ្ឋ