The Phnom Penh Post Search

Search form




Logo of Phnom Penh Post newspaper Phnom Penh Post - ក្រសួង​ចាប់​ផ្តើម​ត្រួត​ពិនិត្យ​ទីផ្សារ​នៅ​ទូទាំង​ប្រទេស

ក្រសួង​ចាប់​ផ្តើម​ត្រួត​ពិនិត្យ​ទីផ្សារ​នៅ​ទូទាំង​ប្រទេស

ក្រសួង​ចាប់​ផ្តើម​ត្រួត​ពិនិត្យ​ទីផ្សារ​នៅ​ទូទាំង​ប្រទេស

130808_12b
ម្សៅទឹកដោះគោកូនក្មេង ឌុយមិច ដែលដាក់លក់នៅតាមផ្សារទំនើបនៅភ្នំពេញ ផា លីណា

ភ្នំពេញៈ នាយកដ្ឋាន​ត្រួត​ពិនិត្យ​គុណភាព​ក្រសួង ពាណិជ្ជកម្ម​បាន​និយាយ​ថា មន្រ្តី​រដ្ឋាភិបាល​បាន​ចាប់​ផ្ដើម​ត្រួត​ពិនិត្យ​ទីផ្សារ​ទូទាំង ប្រទេស កាល​ពី​ម្សិលមិញ​ក្នុង​ការ​ស្រាវជ្រាវ​រក​ម្សៅ​ទឹក​ដោះ​គោ​កូន​ក្មេង មាន​គ្រឿង​ផ្សំ​ពី​ក្រុមហ៊ុន Fonterra ដែល​គួរ​ឲ្យ​សង្ស័យ។

លោក ឃួន សាវុធ មន្រ្តី​នៅ​នាយកដ្ឋាន​កាំកុងត្រូល​ដែល​ជា​នាយកដ្ឋាន​ត្រួត​ពិនិត្យ គុណភាព​របស់​ក្រសួង ពាណិជ្ជកម្ម​បាន​និយាយ​ថា៖ «យើង​បាន​ជូន​ដំណឹង​ដល់​មន្រ្តី​របស់​យើង​ទាំង​អស់​ឲ្យ​ចុះ​ប្រមូល​ដោយ​ផ្ទាល់​នូវ​ផលិតផល​ក្នុង​ចំនួន​ច្រើន​ដែល​ក្រុមហ៊ុន​បាន​ផ្ដល់​ដំណឹង​ដល់​យើង​នៅ​ទូទាំង​ប្រទេស»។

លោក​បាន​និយាយ​សំដៅ​ដល់​ក្រុមហ៊ុន​ចែកចាយ​នៅ​កម្ពុជា Danone Dumex ជា​ក្រុមហ៊ុន​ម្សៅ​ទឹក​ដោះ​គោ​កូន​ក្មេង​ដ៏​មាន​សក្ដានុពល​ថា៖ «ខ្ញុំ​គិត​ថា​យើង​នឹង​មិន​មាន​ការ​ពិបាក​នោះ​ទេ ដោយ​សារ​តែ​យើង​មាន​បុគ្គលិក​នៅ​ទូទាំង​ប្រទេស ហើយ​យើង​បាន​សហការ​យ៉ាង​ល្អ ជា​ពិសេស​ជាមួយ​នឹង​ក្រុមហ៊ុន​នេះ»។

កាល ពី​ថ្ងៃ​សៅរ៍​ក្រុមហ៊ុន Fonterra បាន​ប្រាប់​ឲ្យ​ដឹង​ជា​មុន​ដល់​ក្រុមហ៊ុន​ចំនួន ៨ រួម​មាន​ក្រុមហ៊ុន អាហារ​ធំ​ជាង​គេ​របស់​បារាំង Danone ដែល​បាន​ទិញ​គ្រឿង​ផ្សំ​មាន​មេរោគ​នេះ។

តាម​រយៈ​ក្រុមហ៊ុន​ចែកចាយ Danone Dumex Cambodia គ្រឿង​ផ្សំ​នេះ​ត្រូវ​បាន​គេ​តាម​ដាន​ដល់​ម្សៅ​ទឹក​ដោះ​គោ​នៅ​កម្ពុជា​និង​ការ​ប្រមូល​មក​វិញ​រហូត​ដល់ ៨ ០០០ ប្រអប់​នៃ​ផលិតផល​បាន​ចាប់​ផ្ដើម​ប្រមូល​កាល​ពី​ថ្ងៃ​ចន្ទ។

ផលិតផល​ទឹក​ដោះ​គោ​ថ្លា​មាន​មេរោគ​ដែល​អាច​បណ្ដាល​ឲ្យ​ពុល អាច​ធ្វើ​ឲ្យ​ខ្វិន​ធ្ងន់ធ្ងរ និង​មាន​ជំងឺ​បណ្ដាល​ឲ្យ​ស្លាប់​បាន។

លោក គង់ បូ នាយក​គ្រប់​គ្រង​ស្ដីទី​ប្រចាំ​ប្រទេស​នៅ​ក្រុមហ៊ុន Danone Dumex Cambodia បាន​ឲ្យ​ដឹង​ថា៖ «ផលិតផល​រង​ផល​ប៉ះពាល់​នោះ​គឺ​មិន​មាន​ច្រើន​ទេ​ក្នុង​ចំណោម​ផលិតផល របស់​យើង​»។ លោក​បាន​បន្ត​ថា មិន​ទាន់​មាន​គ្រោះថ្នាក់​ដោយ​សារ​តែ​ជំងឺ​នោះ​ទេ។

លោក ម៉ម ប៊ុនហេង រដ្ឋ​មន្រ្តី​ក្រសួង​សុខាភិបាល​បាន​និយាយ​ថា ថ្មីៗ​នេះ​ក្រុម​ការងារ​បច្ចេកទេស​នៅ​នាយកដ្ឋាន​ឱសថ និង​អាហារ​កំពុង​សហការ​គ្នា​យ៉ាង​ជិត​សិ្នទ្ធ​ជាមួយ​ក្រុមហ៊ុន។ លោក​លើក​ឡើង​ថា៖ «យើង​បាន​ជូន​ដំណឹង​ដល់​ពួកគេ​ឲ្យ​ប្រកាស​ជា​សាធារណៈ​ហើយ​ពួក​គេ​បាន​ប្រមូល​រាល់​ផលិតផល​ទាំង​អស់​ដែល​ប៉ះពាល់​ពី​ទីផ្សារ​រួច​ហើយ​ដែរ»៕PB

អត្ថបទគួរចាប់អារម្មណ៍