The Phnom Penh Post Search

Search form




Logo of Phnom Penh Post newspaper Phnom Penh Post - ក្រុម​ហ៊ុន​ចិន​គ្រោង​វិនិយោគ $៣ ពាន់​លាន​សង់​អគារ​ខ្ពស់​កប់​ពពក

ក្រុម​ហ៊ុន​ចិន​គ្រោង​វិនិយោគ $៣ ពាន់​លាន​សង់​អគារ​ខ្ពស់​កប់​ពពក

ក្រុម​ហ៊ុន​ចិន​គ្រោង​វិនិយោគ $៣ ពាន់​លាន​សង់​អគារ​ខ្ពស់​កប់​ពពក

ភ្នំពេញៈ ​ប្រទេស​ចិន ​និង​ក្រុមហ៊ុន​អភិវឌ្ឍន៍​ក្នុង​ស្រុក​កំពុង​ពិភាក្សា​ជា​មួយ​សាលា​រាជធានី​ភ្នំពេញ​ស្ដី​ពី​ការ​វិនិយោគ​មាន​តម្លៃ ៣ ពាន់​លាន​ដុល្លារ​ដើម្បី​សាង​សង់​អគារ​ភ្លោះ​កម្ពស់ ៥០០ ម៉ែត្រ​នៅ​កណ្ដាល​រាជធានី​ភ្នំពេញ។

យោង​តាម​សារ​ព័ត៌មាន​ក្នុង​ស្រុក ​គម្រោង​នេះ​សំដៅ​ធ្វើ​ជា​អគារ​ខ្ពស់​បំផុត​គឺជា​ការ​វិនិយោគ​រួម​រវាង​ក្រុម​ហ៊ុន​ថៃ​ប៊ុន​រ៉ុង​ដែល​គ្រប់​គ្រង​ដោយ​វិនិយោគិន​ក្នុង​ស្រុក​ និង​ក្រុមហ៊ុន​អភិវឌ្ឍន៍​របស់​ប្រទេស​ចិន Kia Nip Group​។ យោង​តាម​ផែន​ការ​នេះ ​អគារ​កម្ពស់​កប់​ពពក​នេះ​នឹង​រួម​មាន​អគារ​ពាណិជ្ជកម្ម ​ហាង​លក់​ដូរ មជ្ឈ​មណ្ឌល​វប្បធម៌ ​និង​ទីតាំង​ការិយាល័យ​។

អ្នក​នាំ​ពាក្យ​សាលា​រាជធានី​ភ្នំពេញ​បាន​ប្រាប់​ភ្នំពេញ​ប៉ុស្ដិ៍​កាល​ពី​ម្សិលមិញ​ថា ​គម្រោង​នេះ​តម្រូវ​ឲ្យ​មាន​ការ​សិក្សា​បន្ថែម​ស្ដី​ពី​ផល​ប៉ះពាល់​មុន​ពេល​វា​អាច​ត្រូវ​បាន​ដាក់​ជូន​រដ្ឋាភិបាល​អនុម័ត​។

លោក ​ឡុង ​ឌីម៉ង់​ ថ្លែង​ថា៖ «​គេ​ធ្វើ​បទ​បង្ហាញ​ យើង​ក៏​បាន​ឲ្យ​ក្រុម​ហ៊ុន​យក​ទៅ​សិក្សា​ឲ្យ​ល្អិត​ជាង​នេះ​តទៅ​ទៀត​ទៅ ​ពី​ព្រោះ​វា​ពាក់​ព័ន្ធ​នឹង​បញ្ហា​ផល​ប៉ះ​ពាល់​ច្រើន​ទៀត​ ព្រោះ​នៅ​តំបន់​នេះ​ការ​សាង​សង់​ខ្ពស់​ដូចជា ​នៅ​មិន​ទាន់​មាន​ការ​អនុញ្ញាត​នៅ​ឡើយ​ទេ​។

គេ​គ្រោង​សាង​សង់​អគារ ១០៧ ជាន់​ប្រហែល ​៥០០​ ម៉ែត្រ​ឯណោះ​ ហើយ​តំបន់​នេះ​ក៏​ជា​តំបន់​អភិរក្ស​ដែរ យើង​ក៏​មិន​ទាន់​ឆ្លើយ​ថា​ យ៉ាង​ណា​នោះ​ទេ ទុក​ឲ្យ​រដ្ឋាភិបាល​ជា​អ្នក​សម្រេច​ អ៊ីចឹង​ហើយ​បាន​ជា​យើង​សុំ​ឲ្យ​គាត់​យក​ទៅ​សិក្សា​ឲ្យ​លម្អិត​បន្តិច​ទាក់​ទង​កិច្ចការ​ដទៃ​ទៀត​ដែល​ត្រូវ​ប៉ះ​ពាល់​ច្រើន​​ ដែល​យើង​ត្រូវ​ការ​ឲ្យ​គាត់​សិក្សា​បន្ថែម​ទៀត​។ ​កាល​ណា​មាន​គម្រោង​ជា​ផ្លូវ​ការ​មក យើង​នឹង​ស្នើ​សុំ​គោល​ការណ៍​ពី​រាជរដ្ឋាភិបាល​»។

លោក​បាន​បន្ត​ថា​៖ «​តំបន់​ខ្លះ​អគារ​ខ្ពស់​ ការ​កក​កុញ​នៃ​មជ្ឈ​មណ្ឌល​អគារ​ច្រើន​ ប្រព័ន្ធ​លូ​ផ្សេង​ទៀត​ដែល​យើង​ត្រូវ​ការ​សិក្សា​ច្រើន​ណាស់​។​ ការ​ស្នើ​ធ្វើ​គម្រោង​ធំៗ​បែប​នេះ ​វាក៏​មាន​គុណ​សម្បតិ្ត​ច្រើន​ដែរ ​ប៉ុន្តែ​យើង​ត្រូវ​សិក្សា​ពី​ផល​ប៉ះ​ពាល់​និង​ផល​ប្រយោជន៍​របស់​វា»។

លោក​ Ng Lap Seng Sun ​តំណាង​ក្រុមហ៊ុន​អភិវឌ្ឍន៍​ចិន Kia Nip Group ត្រូវ​បាន​ដក​ស្រង់​សម្ដី​ថា អគារ​ខ្ពស់​កប់​ពពក​នេះ​នឹង​ធ្វើ​ឲ្យ​កម្ពុជា​ក្លាយ​ជា​ប្រទេស​ទាក់់​ទាញ​ការ​វិនិយោគ​បរទេស​ដោយ​សារ​តែ​គម្រោង​នេះ​អាច​ជា​ការ​ឆ្លុះ​បញ្ចាំង​ពី​កំណើន​សេដ្ឋកិច្ច និង​ស្ថិរភាព​នយោបាយ​របស់​ប្រទេស​នេះ​។

ព័ត៌មាន​លម្អិត​ស្ដី​ពី​ការ​សាង​សង់​ និង​ការ​បញ្ចប់​មិន​ទាន់​ដឹង​នៅ​ឡើយ​ទេ។

គម្រោង​ដ៏​ធំ​នេះ​ត្រូវ​បាន​គេ​ចាត់​ទុក​ថា ជា​អគារ​ខ្ពស់​ទីពីរ​បន្ទាប់​ពី​គម្រោង​អគារ​កម្ពស់់​៥៥៥​ម៉ែត្រ​ដែល​ត្រូវ​បាន​លើក​ឡើង​ដោយ​លោក​នាយក​រដ្ឋ​មន្ត្រី​ហ៊ុន ​សែន​ ​ពី​ឆ្នាំ​២០១០​។ ​អគារ​ដែល​គេ​អះអាង​ថា​ជា​ការ​វិនិយោគ​ដោយ​ក្រុម​ហ៊ុន​វិនិយោគ​កម្ពុជា​ក្រៅ​ប្រទេស (OCIC) នេះ​មិន​ទាន់​មាន​នៅ​ឡើយ​ទេ​មក​ទល់​ពេល​នេះ​។

អគារ​ហ្គោលដិន​ថាវើរ ​៤២​ជាន់​គឺជា​គម្រោង​ដ៏​ធំ​ផ្សេង​ទៀត​ដែល​កំពុង​ពន្យារ​ពេល​ដោយ​សារ​តែ​បញ្ហា​ហិរញ្ញវត្ថុ​។ ​លោក ​ចេង​ ខេង​ ​ប្រធាន​សមាគម​អ្នក​វាយ​តម្លៃ ​និង​ភ្នាក់​ងារ​អចលនវត្ថុ​កម្ពុជា ​នៅ​តែ​មាន​សុទិដ្ឋិ​និយម​ពី​ភាព​អាច​សម្រេច​បាន​របស់​គម្រោង​នេះ​។

លោក​បាន​បន្ត​ទៀត​ថា​៖ «​វិនិយោគិន​នៅ​ពេល​ដាក់​ប្រាក់​នៅ​ក្នុង​គម្រោង​ធំៗ​ដូច​នេះ​ច្បាស់​ណាស់​នឹង​ធ្វើ​ការ​សិក្សា​ពី​លទ្ធភាព​។

គម្រោង​នេះ​អាច​ជា​ជោគ​ជ័យ​មួយ​ប្រសិន​បើ​ពួក​គេ​អាច​បញ្ចប់​ការ​សាង​សង់​មុន​ពេល​គម្រោង​ធំៗ​ផ្សេង​ទៀត​ដែល​កំពុង​សាងសង់​នៅ​ពេល​នេះ​។ ពួក​គេ​ចាំបាច់​ត្រូវ​មាន​ដើម​ទុន​ច្រើន​ដើម្បី​គាំទ្រ​ដល់​ការ​សាងសង់​របស់​អគារ​នេះ​នៅ​ក្នុង​ហោ​ប៉ៅ​ផ្ទាល់​របស់​ពួក​គេ​ជា​ជាង​ការ​ពឹង​ខ្លាំង​លើ​ដើម​ទុន​បាន​ពី​ការ​លក់​អគារ​»។

លោក​ងួន​ ឆាយ​លាង ​នាយក​ប្រតិបត្តិ​ក្រុម​ហ៊ុន​អចលនទ្រព្យ​ទទួល​សិទ្ធិ​ប្រតិបត្តិការ​ពី​ក្រុម​ហ៊ុន​​ Century 21​ នៅ​កម្ពុជា​បាន​ថ្លែងថា ​ទីផ្សារ​របស់​ប្រទេស​កម្ពុជា​នៅ​តែ​តូច​ សម្រាប់​ការ​អភិវឌ្ឍ​ដូច​នោះ​។ ​

លោក​បញ្ជាក់​ថា​៖ «​យើង​មិន​ត្រូវ​ការ​អគារ​ប្រភេទ​នេះ​នៅ​ពេល​យើង​នៅ​តែ​ស្ថិត​នៅ​ក្នុង​ដំណាក់​កាល​អភិវឌ្ឍ​ទេ​។ យើង​ចាំបាច់​ត្រូវ​មាន​ការ​អភិវឌ្ឍ​ហេដ្ឋា​រចនា​សម្ព័ន្ធ​ឲ្យ​កាន់​តែ​ច្រើន​ជា​ជាង​ការ​សម្ញែង​អគារ​ខ្ពស់ៗ»។

លោក​បន្ត​ថា​៖ «​ប្រសិន​បើ​ប្រាក់​ត្រូវ​បាន​ប្រើ​ប្រាស់​ដើម្បី​សាងសង់​ ឬ​ពង្រីក​ផ្លូវ​ថ្នល់​ ឬ​ការ​សាង​សង់់​ផ្លូវ​អាកាស​ ខ្ញុំ​គិត​ថា​អាច​ល្អ​ប្រសើរ​ជាង​ការ​បង្កើន​អគារ​ខ្ពស់ៗ​»​។ ​លោក​បន្ថែម​ថា​៖ «​នៅ​ពេល​ប្រជាជន​ដែល​ស្នាក់​នៅ​ទី​នោះ​ និង​ពេល​ចេញ​ក្រៅ​អ្នក​អាច​គិត​ពី​ការ​ធ្វើ​ចរាចរណ៍»៕PB

អត្ថបទគួរចាប់អារម្មណ៍

  • អាមេរិក​ផ្តល់​ជំនួយ ​៤២ ​ម៉ឺន​ដុល្លារ​ទៀត ​ដើម្បី​ស្រាវជ្រាវ​សំណល់​គ្រាប់​បែក​ចង្កោម

    ភ្នំពេញៈ រដ្ឋាភិបាល​អាមេរិក​បាន​សម្រេច​ផ្ដល់​ជំនួយ​ជាង​ ៤២​ ម៉ឺន​ដុល្លារ​បន្ថែម​ទៀត ដល់​មជ្ឈមណ្ឌល​កំចាត់​មីន​កម្ពុជា ហៅ​កាត់​ថា CMAC ដើម្បី​ស្រាវជ្រាវ​​សំណល់​គ្រាប់​បែក​ចង្កោម​ដែល​

  • ប្រាក់ចំណេញ​សុទ្ធ Qantas ធ្លាក់ ៦,៥ ​ភាគរយ

    ក្រុងស៊ីដនីៈ ក្រុមហ៊ុន​អាកាសចរណ៍ Qantas Airways កាលពី​ថ្ងៃ​ព្រហស្បតិ៍​បាន​ចេញ​ផ្សាយ​ការធ្លាក់ចុះ​ប្រាក់​ចំណេញ​សុទ្ធ​ប្រចាំ​ឆ្នាំ ៦,៥ ភាគរយ ដោយសារ​ការធ្លាក់ចុះ​ប្រាក់​ចំណេញ​ក្នុង​គ្រា​ដែល​ប្រេង​ឆៅ​មាន​តម្លៃ​កាន់តែ​ខ្ពស់ និង​ការធ្លាក់​ថ្លៃ​ប្រាក់​ដុល្លារ​អូស្ត្រាលី​កាន់តែ​ខ្លាំង​។

  • តោខៀវ​ឲ្យ Roma ខ្ចី​ជើង​ខ្សែការពារ Zappacosta

    ក្រុងមីឡានៈ ក្លិប Roma បានប្រកាស​កាលពី​ថ្ងៃ​ពុធ​ថា ខ្សែការពារ Davide Zappacosta នៅ​ក្លិប Chelsea បាន​ចូលរួម​ក្លិប Roma ក្នុង​លក្ខខណ្ឌ​ខ្ចី​ជើង ៦ ​ខែ ប៉ុន្តែ​អាច​បន្ត​រហូតដល់​ចុងរដូវកាល​នេះ​ក៏បាន​ដែរ​។ ​

  • កូរ៉េ​ខាងជើង​មិន​ចរចា​ពី​បញ្ហា​នុយក្លេអ៊ែរ​ទេ បើសិន​ US ​នៅតែ​បន្ត​វិធានការ​យោធា​បង្ក​អារិភាព​នោះ

    ក្រុងសេអ៊ូលៈ កូរ៉េ​ខាងជើង​បាន​ថ្លែង​កាលពី​ថ្ងៃ​ព្រហស្បតិ៍​ថា​ខ្លួន​ «​មិន​ចាប់អារម្មណ៍​» ​នៅក្នុង​ការចរចា​នោះទេ លុះណា​តែ​ក្រុង​វ៉ាស៊ីនតោន​ឈប់​ «​វិធានការ​យោធា​បង្ក​អរិភាព​កាន់តែ​ខ្លាំង​ឡើង​ជាមួយ​ខ្លួន​នោះ​» ខណៈ​ប្រេសិត​ពិសេស​ជាន់ខ្ពស់​អាមេរិក​ម្នាក់​បាន​ទស្សនកិច្ច​ទៅកាន់​ក្រុង​សេអ៊ូល​ដោយ​ផ្តោត​ទៅ​លើ​ការធ្វើឲ្យ​កិច្ចចរចា​ពី​បញ្ហា​នុយក្លេអ៊ែរ​ជាមួយ​ក្រុង​ព្យុងយ៉ាង ដំណើរការ​ឡើងវិញ​។