.jpg)
ភ្នំពេញៈ ក្រុមហ៊ុនចុះបញ្ជីនៅផ្សារហ៊ុនកម្ពុជាចំនួនពីរ បានប្រកាសកាលពីដើមសប្ដាហ៍នេះថានឹងបែងចែកភាគលាភដល់ភាគទុនិករបស់ខ្លួននៅចុងខែនេះ។ នេះបើយោងតាមឯកសារដាច់ដោយឡែកពីគ្នាដែលដាក់ជូនផ្សារមូលបត្រកម្ពុជា (CSX)។
ក្រុមហ៊ុនកាត់ដេរសម្លៀកបំពាក់តៃវ៉ាន់ Grand Twins International (GTI) បានប្រកាស បែងចែកភាគលាភនៅថ្ងៃទី ២០ ខែកក្កដា ហើយនឹងបែងចែកភាគលាភជាសាច់ប្រាក់សរុបចំនួន ២,៤ ពាន់លានរៀល (៥៩២ ២០៤ដុល្លារ) ឬ ៦០ រៀលក្នុងមួយភាគហ៊ុន (១,៥ សេនដុល្លារ) ដល់ភាគទុនិកឯកជនរបស់ខ្លួនសម្រាប់ប្រតិបត្តិការឆ្នាំ ២០១៧។
ក្រុមហ៊ុន Phnom Penh SEZ, Plc (PPSP) ដែលជាក្រុមហ៊ុនចុះបញ្ជីមួយផ្សេងទៀត បានប្រកាសបែងចែកភាគលាភនៅថ្ងៃទី ៣១ ខែកក្កដា ហើយនឹងបែងចែកភាគលាភជាសាច់ប្រាក់សរុបចំនួន ១,៣៩ ពាន់លានរៀល (៣៤២ ៨១៦ ដុល្លារ) ឬ ២៤ រៀលក្នុងមួយភាគហ៊ុន (០,៦សេនដុល្លារ) ដល់ភាគទុនិកឯកជនរបស់ខ្លួនសម្រាប់ប្រតិបត្តិការឆ្នាំ ២០១៧៕ LA
