.jpg)
ភ្នំពេញៈ ក្រុមហ៊ុន Arev Nanotec Brands Inc ដែលមានមូលដ្ឋាននៅទីក្រុង VANCOUVER ប្រទេសកាណាដា បានប្រកាសថា ក្រុមហ៊ុនបុត្រសម្ព័ន្ធរបស់ខ្លួន «AREV Cambodia Brands Inc» បានផ្តួចផ្ដើមក្នុងជំហានដំបូង ដើម្បីបង្កើតប្រតិបត្តិការផលិតវត្ថុធាតុដើមលើផ្ទៃដីទំហំ ២០ ហិកតា នៅជិតទីក្រុងភ្នំពេញ ដើម្បីផ្គត់ផ្គង់ដល់អាហារបំប៉នដែលនឹងមានវត្តមានលើទីផ្សារនៅត្រីមាសទី ៣ ឆ្នាំនេះ។
វត្ថុធាតុដើមគឺសរសៃផ្សិតផ្អួរ (Mycelium) ជាប្រភពដ៏សំខាន់មួយនៃប្រូតេអ៊ីនប្រកបដោយនិរន្តរភាព ដែលគេមិនបានគិតដល់ក្នុងការអភិវឌ្ឍនៃរូបមន្ត RUTF ផ្សេងទៀតដែលបច្ចុប្បន្នបានចែកចាយនៅបរិមាណច្រើននៅក្នុងការកំណត់ប្រភពធនធានដែលក្រខ្សត់ ដោយទីភ្នាក់ងារលទ្ធកម្មអាហារបំប៉នសុខភាពសាធារណៈជាច្រើន។ តាមសេចក្តីប្រកាសព័ត៌មានកាលពីថ្ងៃចន្ទ។
លោក Mike Withrow អគ្គនាយកក្រុមហ៊ុន Arev Nanotec Brands Inc បានថ្លែងថា៖ «ការអភិវឌ្ឍរបស់យើងជាមួយនឹងគំនិតផ្តួចផ្ដើមកសិកម្មនៅទីក្រុងភ្នំពេញដើម្បីដាំផ្សិតផ្អួរសម្រាប់ការប្រើប្រាស់លើទីផ្សារនៃអាហារបំប៉ន SUS-TAINN នឹងធានាថា ប្រភពវត្ថុធាតុដើមមិនស្ថិតក្រោមការប្រែប្រួលតម្លៃខ្លាំងដែលបានបង្ហាញជាប្រចាំនៅក្នុងទីផ្សារអាហារបំប៉នអន្តរជាតិ»។
ទោះយ៉ាងណាក្រុមហ៊ុននេះមិនបានបង្ហាញពីទីតាំងជាក់លាក់ និងផែនការលម្អិតទេ៕ LA
