.jpg)
លោក Wong និងលោក Xu បានចុះហត្ថលេខាលើអនុស្សរណៈនៃការយោគយល់គ្នានេះ ដែល មានថ្នាក់ដឹកនាំជាន់ខ្ពស់នៃក្រុមហ៊ុនទាំងពីរធ្វើជាសាក្សី។
ក្រុមហ៊ុនបុងកាហ្វេ (ខេមបូឌា) អិលធីឌី និងក្រុមហ៊ុនធានឡឹដ៏ ហ្វូដ គ្លូប៊ល កម្ពុជា កាលពីថ្ងៃព្រហស្បតិ៍បានចុះអនុស្សារណៈយោគយល់គ្នា (MoU) ដើម្បីផ្តល់ជូនអតិថិជនរបស់ខ្លួននូវ អាហារ និង ភេសជ្ជៈ ដែលមានគុណភាពខ្ពស់ដូចជា កាហ្វេសូដាអ៊ីតាលី និង មុខម្ហូបអាហារជាច្រើនមុខទៀត នៅហាង ប៉ាប៉ា ចនស៍ សាខាទី ១ ដែលស្ថិតនៅសង្កាត់ជ្រោយចង្វា។
ក្រោមអនុស្សរណៈនៃការយោគយល់គ្នានេះក្រុមហ៊ុនបុងកាហ្វេ (ខេមបូឌា) ដែលជាក្រុមហ៊ុនផ្គត់ផ្គង់សម្ភារឆុងកាហ្វេនិងគ្រឿងផ្សំភេសជ្ជៈ នឹងគាំទ្រយ៉ាងពេញទំហឹងដល់ផែនការពង្រីករបស់ហាង ប៉ាប៉ា ចនស៍ នៅកម្ពុជា ដែលមានគម្រោងពង្រីកសាខាឲ្យបាន ១៥ ទីតាំងនៅក្នុងព្រះរាជាណាចក្រកម្ពុជា ត្រឹមឆ្នាំ ២០២៣។
លោក Harry Wong នាយកគ្រប់គ្រងក្រុមហ៊ុនបុងកាហ្វេ ប្រចាំកម្ពុជា បានមានប្រសាសន៍ថា៖ «យើងមានមោទនភាពណាស់ដែលត្រូវបានជ្រើសរើសជាដៃគូដោយក្រុមហ៊ុន ធានឡឹដ៏ ហ្វូដ គ្លូប៊ល ដែលជាខ្សែសង្វាក់ភីហ្សាពិភពលោក ដើម្បីធ្វើជាអ្នកផ្គត់ផ្គង់កាហ្វេ និង ទឹកស៊ីរ៉ូ ផ្តាច់មុខនៅក្នុងប្រទេសកម្ពុជា ហើយនេះគ្រាន់តែជាការចាប់ផ្តើមប៉ុណ្ណោះ។ យើងនឹងធ្វើការយ៉ាងជិតស្និទ្ធជាមួយក្រុមការងាររបស់ ធានឡឹដ៏ ហ្វូដ គ្លូប៊ល ដើម្បីអភិវឌ្ឍនិងផ្គត់ផ្គង់ការផ្តល់ជូនផលិតផលថ្មីហើយប្លែកបន្ថែមទៀត នាពេលអនាគត។
«នៅប៉ាប៉ា ចនស៍ យើងតែងតែជឿជាក់លើការផ្តល់ជូនអតិថិជននូវគ្រឿងផ្សំល្អបំផុត នៅក្នុងផលិតផលរបស់យើង។ យើងពិតជារីករាយណាស់ដែលបានរកឃើញដៃគូដែលជឿជាក់លើទស្សនវិស័យដូចពួកយើងដែរ»។
ធានឡឹដ៏ ហ្វូដ គ្លូប៊ល គឺជាអ្នកកាន់សិទ្ធិផ្តាច់មុខនៃយីហោ ប៉ាប៉ា ចនស៍នៅកម្ពុជា។
លោក Peter Xu នាយកប្រតិបត្តិក្រុមហ៊ុន ធានឡឹដ៏ ហ្វូដ គ្លូប៊ល មានប្រសាសន៍ថា៖ «ក្រុមការងាររបស់ បុងកាហ្វេ កម្ពុជា ពិតជាមានបទពិសោធន៍ទាក់ទងនឹងផ្នែកកាហ្វេហើយកម្រិតនៃការគាំទ្រពីសំណាក់ពួកគេចំពោះប្រតិបត្តិការរបស់យើង គឺពិតជាអស្ចារ្យណាស់។ យើងទន្ទឹងរង់ចាំភាពជាដៃគូដ៏យូរអង្វែងនិងប្រកបដោយផ្លែផ្កាជាមួយក្រុមហ៊ុន បុងកាហ្វេកម្ពុជា។
លោក Wong និងលោក Xu បានចុះហត្ថលេខាលើអនុស្សរណៈនៃការយោគយល់គ្នានេះ ដែល មានថ្នាក់ដឹកនាំជាន់ខ្ពស់នៃក្រុមហ៊ុនទាំងពីរធ្វើជាសាក្សី៕
អំពីក្រុមហ៊ុនបុងកាហ្វេគ្រុប
ក្រុមហ៊ុនបុងកាហ្វេគ្រុប ឥឡូវនេះគឺជាផ្នែកមួយនៃក្រុមហ៊ុន Massimo Zanetti Beverage Group ដែលបានចុះបញ្ចីភាគហ៊ុនជាសាធារណៈនៅទីក្រុង Milan ប្រទេស អ៊ីតាលី ដែលត្រូវបានបង្កើតនិងដឹកនាំដោយ Massimo Zanetti។
បង្កើតឡើងក្នុងឆ្នាំ ១៩៦២ នៅប្រទេស សឹង្ហបូរី បុងកាហ្វេគឺជាក្រុមហ៊ុនផលិតនិងផ្គត់ផ្គង់កាហ្វេឈានមុខគេអាស៊ីអាគ្នេយ៍អាស៊ីបូព៌ានិងមជ្ឈឹមបូព៌ា។ ក្នុងនាមជាអ្នកត្រួសត្រាយកាហ្វេបែបអ៊ឺរ៉ុបនៅអាស៊ីអាគ្នេយ៍បុងកាហ្វេ មានមោទនភាពចំពោះផលិតផល និង សេវាកម្មដែលមានគុណភាពដល់អតិថិជន ទាំងនៅក្នុងសណ្ឋាគារធំៗក្រុមហ៊ុនអាកាសចរណ៍ភោជនីយដ្ឋានក្លឹបកម្សាន្តនិងហាងលក់រាយជាច្រើនទៀតក្នុងនាមជាអ្នកផ្តល់ដំណោះស្រាយភេសជ្ជៈគ្រប់ប្រភេទ ដូចជា ផ្គត់ផ្គង់គ្រាប់កាហ្វេលីងតែទឹកផ្លែឈើទឹកស៊ីរ៉ូម៉ាស៊ីនឆុងកាហ្វេ និង ម៉ាស៊ីន/ក្រឡុកផ្លែឈើចម្រុះដ៏សម្បូរបែប៕
ព័ត៌មានបន្ថែមសូមទំនាក់ទំនង៖
កញ្ញា នាង វណ្ណលីដា: ប្រធានគ្រប់គ្រងផ្នែកទីផ្សារបុងកាហ្វេ (ខូមបូឌា) អិលធីឌី
អ៊ីម៉ែល:vanlyda.neang@boncafe.com.kh
ទូរស័ព្ទ: (៨៥៥) ០២៣ ៨៨៣ ១០០ / ២០០
អាសយដ្ឋានការិយាល័យតាំងបង្ហាញផលិតផល (Showroom) និងការិយាល័យកណ្តាល៖
ផ្ទះលេខ S៥-១០ អូឡាំព្យាស៊ីធី ផ្លូវលេខ ១៦១ សង្កាត់វាលវង់ ខណ្ឌ ៧ មករា ភ្នំពេញ ព្រះរាជាណាចក្រកម្ពុជា
លោក តែ អាន: ប្រធានគ្រប់គ្រងផ្នែកលក់ និងទីផ្សារ ធានឡឹដ៏ ហ្វូដ គ្លូប៊ល ឯ.ក
អ៊ីម៉ែល:teann15@gmail.com
ទូរស័ព្ទ : (៨៥៥) ០៧៨ ៥៥៦ ៥៩៦
អាសយដ្ឋានការិយាល័យកណ្តាល៖ ផ្ទះលេខ ២៦៤ ផ្លូវ២០១១ សង្កាត់គោកឃ្លាង ខណ្ឌសែនសុខ ភ្នំពេញ ព្រះរាជាណាចក្រកម្ពុជា ។
