The Phnom Penh Post Search

Search form




Logo of Phnom Penh Post newspaper Phnom Penh Post - ក្រុមហ៊ុន​ប្រេង​រុស្ស៊ី ​​ចាប់ផ្តើម​ប្រតិបត្តិការ​នៅ​តំបន់​អាកទិច

ក្រុមហ៊ុន​ប្រេង​រុស្ស៊ី ​​ចាប់ផ្តើម​ប្រតិបត្តិការ​នៅ​តំបន់​អាកទិច

Content image - Phnom Penh Post
ក្រុមហ៊ុន​ប្រេង​យក្ស Rosneft របស់​ប្រទេស​រុស្ស៊ី ​​ចាប់ផ្តើម​ប្រតិបត្តិការ​នៅ​តំបន់​អាកទិច​ជា​ផ្នែក​នៃ​ផែនការ​ថាមពល​យុទ្ធសាស្ត្រ​។ រូបថត AFP

ក្រុមហ៊ុន​ប្រេង​រុស្ស៊ី ​​ចាប់ផ្តើម​ប្រតិបត្តិការ​នៅ​តំបន់​អាកទិច

ទីក្រុងម៉ូស្គូៈ ក្រុមហ៊ុន​ប្រេង​យក្ស Rosneft របស់​ប្រទេស​រុស្ស៊ី​ កាលពី​ថ្ងៃ​ពុធ​បានប្រកាស​ចាប់ផ្តើម​ប្រតិបត្តិការ​សម្រាប់​គម្រោង​ប្រេង Vostok ដ៏សម្បើម​នៅ​តំបន់​អាកទិច​ជា​ផ្នែក​នៃ​ផែនការ​ថាមពល​យុទ្ធសាស្ត្រ​របស់​ប្រទេស​ដែល​រង​ការរិះគន់​ដោយ​ក្រុម​អ្នក​បរិស្ថាន​។

លោក Igor Sechin នាយកប្រតិបត្តិ​នៃ Rosneft បាន​ប្រាប់​លោក​ប្រធានាធិបតី Vladimir Putin នៅឯ​កិច្ចប្រជុំ​ក្នុង​ទីក្រុង​ម៉ូស្គូ​ថា​៖ «​ខ្ញុំ​មាន​សេចក្តី​រីករាយ សូម​ជម្រាបជូន​លោក​ប្រធានាធិបតី​អំពី​ការចាប់ផ្តើម​អនុវត្ត​ជាក់ស្តែង​នៃ​គម្រោង​»​។

លោក​បាន​អរគុណ​ចំពោះ​លោក​ប្រធានាធិបតី​ដែល​គាត់​មាន​ទំនាក់ទំនង​ជិតស្និទ្ធ​សម្រាប់​ការអនុម័ត​នៃ​ច្បាប់​សម្របសម្រួល​ឱ្យមាន​ការវិនិយោគ​ក្នុង​តំបន់​អាកទិច​នេះ​។

លោក Sechin បាន​និយាយ​ថា​៖ «​ការព្យាករ​ និង​ការងារ​រុករក​ពេល​នៅ​កំពុងតែ​ដំណើរការ ស្របតាម​ពេលវេលា​របស់​យើង​» ដោយ​បន្ថែមថា ការងារ​រៀបចំ​បំពង់​ប្រេង​ប្រវែង​ ៧៧០ ​គីឡូម៉ែត្រ​ និង​កំពង់ផែ​ត្រូវបាន​បញ្ចប់​ហើយ​។

ផែនការ​យុទ្ធសាស្ត្រ​សម្រាប់​ធនធាន​រ៉ែ​រហូត​ដល់​ឆ្នាំ​ ២០៣៥ និង​បំពេញតម្រូវការ​ពិភពលោក​ដែល​កើនឡើង​។

លោក​បញ្ជាក់ថា​៖ «​ធនធាន​រ៉ែ​នឹង​នៅតែមាន​គុណសម្បត្តិ​ប្រកួតប្រជែង​នៃ​សេដ្ឋកិច្ច​រុស្ស៊ី​នឹង​បង្ហាញ​ទីតាំង និង​តួនាទី​នៃ​ប្រទេស​ក្នុង​ពិភពលោក​»​។

កាលពី​ឆ្នាំមុន​ក្រុម​អ្នក​បរិស្ថាន​បាន​ទទូច​ឱ្យ​រដ្ឋាភិបាល​រុស្ស៊ី​បញ្ឈប់​ការផ្តល់​អាជ្ញាប័ណ្ណ​ធ្វើ​អាជីវកម្ម​ជាច្រើន​កន្លែង​នៅ​តំបន់​អាកទិច​។

គម្រោង Vostok ជា​គ្រឹះ​នៃ​មហិច្ឆតា​នៅ​តំបន់​អាកទិច​របស់​រុស្ស៊ី​ដោយ​ប្រមូលផ្តុំ​នូវ​សកម្មភាព​របស់​ក្រុមហ៊ុន Rosneft ជាច្រើន​ក្នុង​តំបន់​ភាគ​ខាងជើង​ប្រទេស​រុស្ស៊ី​ជិត​ផ្លូវ​សមុទ្រ​ភាគ​ខាងជើង​ដែល​ក្រុមហ៊ុន​មានបំណង​ដើម្បី​ធ្វើ​អាជីវកម្ម​ចែកចាយ​ដល់​តំបន់​អឺរ៉ុប និង​អាស៊ី​។

កាលពី​ខែកុម្ភៈ​លោក Sechin បាន​សន្យា​ចំពោះ​លោក ពូទីន ​ថា គម្រោង​នោះ​នឹង​បង្កើត​នូវ​ខេត្ត​ឥន្ធនៈ​ និង​ឧស្ម័ន​នៅ​ជ្រោយ​ Taymyr តំបន់​ស៊ីបឺរី តំបន់​ភាគ​ខាងជើង​បំផុត​នៃ​ទ្វីបអាស៊ី​។

គម្រោង​ទាំងមូល​នឹង​បង្ហាញ​នូវ​ទុន​វិនិយោគ​សរុប​ ១១១ ​ពាន់​លាន​ដុល្លារ​ រួមទាំង​អាកាសយានដ្ឋាន​ ២ និង តំបន់​ឧស្សាហកម្ម​ ១៥ ​កន្លែង​។

គម្រោង​ដ៏សម្បើម​នេះ​ក៏បាន​ព្យាករ​បង្កើត​ការងារ ​១៣០ ០០០ ​កន្លែង​ និង​អនុញ្ញាតឱ្យ​មាន​ការព្យាករ​ប្រេង​បម្រុង​ទុក​ប្រហែល​ ៥ ​ពាន់​លាន​តោន​នៃ​ប្រេងឥន្ធនៈ​៕ RR

អត្ថបទគួរចាប់អារម្មណ៍

  • ខេត្តបាក់និញៈ សួនឧស្សាហ​កម្ម​ Yen Phong 1 Industrial Park នៅខេត្ត Bac Ninh ភាគខាងជើង​បាន​ក្លាយជា​​សួនឧស្សាហ​កម្មលើក​ដំបូង​នៅក្នុងប្រទេស​វៀតណាម ដែលទទួល​បាន​​បណ្ដាញ​ទូរគមនា​គមន៍​ 5G ដោយ​បច្ចេកវិទ្យាថ្មីនេះ​​ បានដាក់​​ឲ្យដំណើរការ​នៅទីតាំងនោះ​ដោយ​ក្រុមហ៊ុន Viettel កាល​ពីថ្ងៃព្រហស្បតិ៍។​​

  • ភ្នំពេញៈ កម្ពុជា​នាំចេញ​ទំនិញ​ទៅ​ទីផ្សារ​អាមេរិក​មានតម្លៃ​ជាង ៦ ​ពាន់​លាន​ដុល្លារ​ ក្នុង​រយៈពេល​ ១១ ​ខែ ឆ្នាំ​ ២០២០ កើន​ជាង ២២ ​ភាគរយ​ធៀបនឹង​រយៈពេល​ដូចគ្នា​ឆ្នាំ​ ២០១៩ ខណៈ​ទំហំ​ពាណិជ្ជកម្ម​ទ្វេភាគី​មានតម្លៃ​ជាង ៦,៣ ​ពាន់​លាន​ដុល្លារ​។ នេះ​បើ​យោងតាម​ទិន្នន័យ​ពី​ការិយាល័យ​ពាណិជ្ជកម្ម​អាមេរិក​។

  • ភ្នំពេញៈ ត្រឹម​រយៈពេល​ជិត​ ១ ​ខែ​ប៉ុណ្ណោះ​ចាប់ពី​ថ្ងៃទី​ ២០ ធ្នូ ដល់​ថ្ងៃទី​ ១៧ មករា ពលករ​ខ្មែរ​ដែល​បាន​វិលត្រឡប់​មកពី​ប្រទេស​ថៃ​តាម​ច្រក​នៃ​បណ្តា​ខេត្ត​ជាប់​ព្រំដែន​កម្ពុជា-ថៃ​ចំនួន​ ៦៩ ​នាក់ ​ត្រូវបាន​រកឃើញ​វិជ្ជមាន​កូវីដ​ ១៩ ដោយ​ក្នុង​នោះ​ពលករ​ដែល​បាន​ព្យាបាល​ជាសះស្បើយ​ ២១ ​នាក់​។

  • ស្ទឹងត្រែងៈ កម្លាំង​នគរបាល​ប្រឆាំង​គ្រឿងញៀន​គ្រោង​នឹង​បញ្ជូន​បុរស​ជនជាតិ​ឡាវ​​ ២ ​នាក់ និង​វត្ថុតាង​គ្រឿងញៀន​ជិត​ ៥០ ​គីឡូក្រាម​ទៅ​តុលាការ​នៅ​ព្រឹក​ថ្ងៃ​ចន្ទ​នេះ​ ខណៈ​ដែល​សមត្ថកិច្ច​កម្ពុជា​កំពុង​សហការ​ជាមួយ​សមត្ថកិច្ច​ឡាវ​ ដើម្បី​តាម​រក​ចាប់ខ្លួន​ជនជាតិ​ឡាវ​ ៤ ​នាក់​ទៀត​ដែល​រត់គេចខ្លួន​។

  • ភ្នំពេញៈ លោក ហង់ជួន ណារ៉ុន រដ្ឋមន្ត្រី​ក្រសួង​អប់រំ ​យុវជន និង​កីឡា​បាន​ដឹកនាំ​កិច្ចប្រជុំ​ដាក់​ចេញ​វិធានការ​បន្ថែម​ដល់​សាលារៀន​ដែល​កំពុង​ត្រូវបាន​ប្រើប្រាស់​ជា​មណ្ឌល​ចត្ដាឡីស័ក ពិសេស​សាលារៀន​តាម​ខេត្ដ​ជាប់​ព្រំដែន​ប្រទេស​ថៃ និង​វៀតណាម​ដើម្បី​ធ្វើយ៉ាងណា​ធានា​ផ្ដល់​ការសិក្សា​ដល់​សិស្ស​គ្រប់គ្នា​ក្នុង​ឆ្នាំ​សិក្សា​ថ្មី​នេះ​។

  • ភ្នំពេញៈ លោក​ឧបនាយករដ្ឋមន្ត្រី ស ខេង រដ្ឋមន្ត្រី​ក្រសួង​មហាផ្ទៃ​បាន​ណែនាំ​ឱ្យ​អាជ្ញាធរ​គ្រប់លំដាប់​ថ្នាក់​លុបបំបាត់​ការបង្ក​សំឡេង​រំខាន​លើស​កម្រិត​ដោយ​យានយន្ដ​គ្រប់​ប្រភេទ និង​លុបបំបាត់​កន្លែង​កែច្នៃ​បំពង់​ស៊ី​ម៉ាំង​ដែល​បង្ក​ភាព​រំខាន​ដល់​អារម្មណ៍ និង​សិទ្ធិ​រស់នៅ​របស់​ពលរដ្ឋ