The Phnom Penh Post Search

Search form




Logo of Phnom Penh Post newspaper Phnom Penh Post - ក្រុមហ៊ុន​ប្រេង​ BP ​ខាត​ជិត​ $១៧ ​ពាន់​លាន​ ក្នុង​ ១ ​ត្រីមាស

ក្រុមហ៊ុន​ប្រេង​ BP ​ខាត​ជិត​ $១៧ ​ពាន់​លាន​ ក្នុង​ ១ ​ត្រីមាស

Content image - Phnom Penh Post
លោក Bernard Looney នាយក​ប្រតិបត្តិ​ក្រុមហ៊ុន​ប្រេង BP​។ AFP

ក្រុមហ៊ុន​ប្រេង​ BP ​ខាត​ជិត​ $១៧ ​ពាន់​លាន​ ក្នុង​ ១ ​ត្រីមាស

ទីក្រុងឡុងដ៍ៈ ក្រុមហ៊ុន​ថាមពល​ដ៏ធំ​អង់គ្លេស​បាន​ប្រកាស​ឲ្យ​ដឹងថា ខ្លួន​បាន​ខាតបង់​សរុប​ស្ទើរតែ​ ១៦,៨៥ ​ពាន់​លាន​ដុល្លារ ​ប្រចាំ​ត្រីមាស​កន្លង​ទៅ​នេះ ខណៈ​ការរីករាលដាល​នៃ​ជំងឺ​បាន​បំផ្លាញ​តម្រូវការ និង​តម្លៃ​ប្រេង​ដែល​ទាញ​ទម្លាក់​ទ្រព្យ​ដ៏ច្រើន​របស់​ក្រុមហ៊ុន​។

ក្រុមហ៊ុន​បាន​ឆ្លើយតប​ដោយ​កាត់បន្ថយ​នូវ​ភាគលាភ​ជា​លើកដំបូង​ចាប់តាំងពី​មហន្តរាយ​ហៀរ​ប្រេង​កាលពី​ឆ្នាំ​ ២០១០ ដែល​បំផ្លាញ​នូវ​ហិរញ្ញវត្ថុ និង កេរ្តិ៍ឈ្មោះ​របស់​ក្រុមហ៊ុន​ BP​។

ក្រុមហ៊ុន BP បាន​ឲ្យ​ដឹង​ក្នុង​សេចក្តី​ថ្លែងការណ៍​ពី​ប្រាក់ចំណូល​កាលពី​ថ្ងៃ​អង្គារថា​៖ «​ផលប៉ះពាល់​នៃ​ការរីក​រាលដាល កូវីដ​១៩​នៅតែ​បន្ត​ធ្ងន់ធ្ងរ​ដែល​បណ្តាល​ឲ្យ​បរិយាកាស​ពាណិជ្ជកម្ម​ផុយស្រួយ និង​ប្រឈម​»​។

ក្រុមហ៊ុន​នោះ​បាន​បន្ថែមថា «​សម្លឹង​ទៅក្នុង​អនាគត ទស្សនវិស័យ​សម្រាប់​តម្លៃ​ទំនិញ និង​តម្រូវការ​ផលិតផល​នៅតែ​ប្រឈម និង​មិន​ច្បាស់លាស់​»​។

ក្រុមហ៊ុន​ឲ្យ​ដឹងថា ការខាតបង់​ប្រចាំ​ត្រីមាស បន្ទាប់ពី​ការបង់ពន្ធ​រួច​ជិត​ ១៦,៨៥ ​ពាន់​លាន​ដុល្លារ​ ប្រៀបធៀប​ទៅនឹង​ប្រាក់ចំណេញ​ដុល​ប្រមាណ​ ១,៨២ ​ពាន់​លាន​ដុល្លារ ​ក្នុង​​ត្រីមាស​ទី​ ២ នៃ​ឆ្នាំ​ ២០១៩​។

លោក Bernard Looney នាយក​ប្រតិបត្តិ​នៃ​ក្រុមហ៊ុន​នេះ​បាន​អះអាង​ថា​៖ «​ជាក់ស្តែង​ការកំណត់​ឡើងវិញ​ចំពោះ​ការរំពឹង​ទុក​លើ​តម្លៃ​ប្រេង​រយៈពេល​វែង និង​ចំណុច​គ្រោះថ្នាក់​ដែល​ជាប់ទាក់ទង​ផ្សេងទៀត និង​ការចោទប្រកាន់​ដែល​បាន​កើតឡើង​នាំឲ្យ​មាន​ផលប៉ះពាល់​ខ្លាំង​»​។

សម្លឹង​ទៅរក​ការ​សន្សំ​សាច់ប្រាក់ ក្រុមហ៊ុន​នេះ​បាន​ប្រកាស​ទម្លាក់​អត្រា​ភាគលាភ​ប្រចាំ​ត្រីមាស​ពី​ ១០,៥ ​សេន​មក​នៅត្រឹម​ ៥,២៥ ​សេន​ក្នុង​ ១ ​ភាគហ៊ុន​។

ទោះបី​ជា​បែបណា ភាគហ៊ុន​របស់​ BP កើនឡើង​ ៧,៥ ​ភាគរយ​ក្នុង​ទីក្រុង​ឡុងដ៍​ក្នុង​ការជួញដូរ​ត្រឹម​ថ្ងៃត្រង់​ថ្ងៃ​អង្គារ​។

Michael Hewson ប្រធាន​អ្នកវិភាគ​ទីផ្សារ​នៃ​ក្រុមហ៊ុន​ទីផ្សារ​ CMC ​នៅ​អង់គ្លេស​បាន​និយាយថា​៖ «​សម្រាប់​ពេលវេលា​ជាក់ស្តែង ពេលនេះ​មាន​ការសន្និដ្ឋាន​បន្ត​អំពី​ស្ថិរភាព​នៃ​ភាគលាភ​របស់​ BP ​ទល់នឹង​កម្រិត​បំណុល​ចេះតែ​កើនឡើង​ និង​ក្តីបារម្ភ​ជុំវិញ​សមត្ថភាព​របស់​ក្រុមហ៊ុន​ដើម្បី​បន្ត​ទូទាត់​បំណុល​ក្នុង​ពិភព​នៃ​តម្លៃ​ប្រេង​ធ្លាក់​ទាប ដូចនេះ​ការសម្រេចចិត្ត​កាត់បន្ថយ​ការចំណាយ​ត្រូវបាន​ស្វាគមន៍​»​។

ក្រុមហ៊ុន Royal Dutch Shell ដែលជា​ក្រុមហ៊ុន​គូប្រជែង​របស់ BP ក្នុង​សប្តាហ៍​មុន​បានបង្ហាញ​ការខាតបង់​ដុល​ចំនួន​ ១៨,១ ​ពាន់​លាន​ដុល្លារ​នៅ​ត្រីមាស​ទី​ ២ ​។

ក្រុមហ៊ុន​ BP ​ក៏បាន​ដាក់ចេញ​ផែនការ​លម្អិត​អំពី​វិធី​សម្រេចបាន​នូវ​ការបំភាយ​កាបូន​ស្មើ​សូន្យ (Net Zero) សម្រាប់​ក្រុមហ៊ុន​នេះ​ត្រឹម​ឆ្នាំ​ ២០៥០​។

ក្រុមហ៊ុន​ BP ​បាន​និយាយថា​រយៈពេល​ជាង​ ១ ​ទសវត្សរ៍​ខាងមុខ​នេះ ផលិតកម្ម​ប្រេង​ និង​ឧស្ម័ន​របស់ខ្លួន​ត្រូវ​រំពឹង​បន្ថយ​យ៉ាងហោច​ ១ ​លាន​បារ៉ែល​ក្នុង​ ១ ​ថ្ងៃ​ ឬ​ក៏​ ៤០ ​ភាគរយ​ធៀប​ជាមួយ​កម្រិត​ឆ្នាំ​ ២០១៩​។

Looney បាន​និយាយថា​៖ «​ទសវត្សរ៍​ខាងមុខនេះ​សំខាន់​ណាស់​សម្រាប់​ពិភពលោក​ក្នុង​ការប្រឆាំង​បម្រែបម្រួល​អាកាសធាតុ ដើម្បី​រុញច្រាន​ការផ្លាស់ប្តូរ​ចាំបាច់​ក្នុង​ប្រព័ន្ធ​ថាមពល​សកល​ដែល​ទាមទារ​ការចាត់​វិធានការ​ពី​ទាំងអស់​គ្នា​»៕ RR

អត្ថបទគួរចាប់អារម្មណ៍

  • ភ្នំពេញ៖ រដ្ឋមន្ត្រី​ក្រសួង​យុត្តិធម៌​លោក​ កើត ​រិទ្ធ​ បាន​ប្រាប់​ឯកអគ្គ​រាជទូត​អូស្ត្រាលី​លោក ​Pablo​ Kang ​នៅ​ក្នុង​ជំនួប​កាល​ពី​ថ្ងៃ​អង្គារ នៅ​ក្រសួង​យុត្តិធម៌​ថា​ ការ​ចាប់​ខ្លួន​បុគ្គល​ណា​មួយ​ដោយ​សមត្ថកិច្ច គឺ​ធ្វើ​ទ្បើង​ដោយ​អនុលោម​តាម​ច្បាប់​​កម្ពុជា។​

  • ភ្នំពេញ៖ ដោយ​សង្កេត​ឃើញ​ពី​ការ​ប្រឈម​របស់​​ប្រជាកសិករ​កម្ពុជា​​មួយ​ចំនួន​ ជាពិសេស​អ្នក​នៅ​ទី​ដាច់​ស្រយាល​ ដែល​បាត់បង់​ទីផ្សារ​​​​ព្រោះ​តែ​វិបត្តិ​កូវីដ យុវជន ​១ ក្រុម ​បាន​រួមគ្នា​បង្កើត​គម្រោង​ COVID Farmer Hacker ដើម្បី​ជួយ​​អ្នក​ខិតខំ​ដាំដុះ​តែ​ត្រូវ​រងគ្រោះ​ពី​ការ​រំខាន​ដល់​​​សេដ្ឋកិច្ច​​បង្ក​ដោយ​វីរុស​កូរ៉ូណា។​

  • ភ្នំពេញ៖ គ្រឹះស្ថាន​មីក្រូហិរញ្ញវត្ថុ ប្រាសាក់ ​​ដែល​ចុះ​បញ្ជី​សញ្ញាប័ណ្ណ​សាជីវកម្ម​នៅ​ផ្សារ​មូលបត្រ​កម្ពុជា ​(CSX) បាន​រាយការណ៍​អំពី​ប្រតិបត្តិការ​អាជីវកម្ម​ដ៏​ល្អ​ប្រសើរ​នៅ​ត្រីមាស​ទី​២ ​ឆ្នាំ​នេះ ទោះបី​ជា​​ខ្លួន​ទទួល​រង​នូវ​សម្ពាធ​ខ្លះៗ​ពី​ការ​រីក​រាលដាល​ជំងឺ​កូវីដ ​១៩ ​ដែល​បណ្ដាល​ឱ្យ​សេដ្ឋកិច្ច​របស់​កម្ពុជា មាន​ការ​ធ្លាក់ចុះ​ក៏​ដោយ​។​

  • ភ្នំពេញ៖ ​លោកស្រី​ ​ភឿង​ សកុណា ​រដ្ឋមន្រ្តី​ក្រសួង​វប្បធម៌​ និង​វិចិត្រ​សិល្បៈ​បាន​ចេញ​សេចក្ដី​ណែនាំ​ដល់​គ្រប់​អង្គភាព​ពាក់ព័ន្ធ​ក្រោម​ឱវាទ​ក្រសួង​វប្បធម៌ ​និង​គ្រប់​រដ្ឋបាល​ថ្នាក់​ក្រោម​ជាតិ ​អនុវត្ត​នីតិវិធី​ និង​ទម្រង់​បែបបទ​នៃ​ការ​គ្រប់គ្រង​អាជីវកម្ម​កាត់សក់​ ​អ៊ុត​សក់​ និង​លម្អ​ក្រចក

  • ភ្នំពេញ៖ ​រដ្ឋមន្រ្តី​ក្រសួង​សុខាភិបាល​លោក ​ម៉ម​ ប៊ុន​ហេង បាន​ជំរុញ​ឱ្យ​គ្រប់​ភាគី​ពាក់ព័ន្ធ​ទាំង​អស់​ ដែល​ធ្វើ​ការ​ផ្នែក​គាំពារ​មាតា​ និង​ទារក​ ត្រូវ​​បង្កើន​យុទ្ធនាការ​អប់រំ​ផ្សព្វផ្សាយ​អំពី​សារៈសំខាន់​នៃ​ការ​បំបៅ​កូន​ដោយ​ទឹក​ដោះ​ម្តាយ​ និង​ហានិភ័យ​ពី​ការ​បំបៅ​កូន​ដោយ​ទឹក​ដោះ​គោ​ម្សៅ​ផ្សំ​តាម​រូបមន្ត​ទាំង​នៅ​ថ្នាក់​ជាតិ​ និង​ថ្នាក់​ក្រោម​ជាតិ។

  • មណ្ឌលគិរី៖ សាលា​ដំបូង​ខេត្ត​មណ្ឌលគិរី ពី​ម្សិលមិញ​បាន​សម្រេច​ឃុំ​ខ្លួន​ចាងហ្វាង​សារព័ត៌មាន​អនឡាញ​ម្នាក់​នៅ​ពន្ធនាគារ​​ខេត្ត​ក្រោម​បទ​ចោទ ​«ឈូស​ឆាយ​ដី​ព្រៃ​ដោយ​គ្មាន​ការ​អនុញ្ញាត​» បន្ទាប់​ពី​សមត្ថកិច្ច​ឃាត់​ខ្លួន​កាល​ពី​​ថ្ងៃទី ២២ កញ្ញា ​តាម​ដីកា​តុលាការ​ពាក់ព័ន្ធ​ការ​ឈូស​ឆាយ​ដី​ព្រៃ ​និង​ប្រើប្រាស់​សារធាតុ​ញៀន។