.jpg)
រូបភាពវិញ្ញាបនបត្រ័ និង ការធ្វើទស្សនកិច្ចនៅរោងចក្រ។
ក្នុងរយៈពេលជាង ១០ ឆ្នាំកន្លងមកនេះ ប្រទេសកម្ពុជាបានក្លាយជាប្រទេសមួយដែលមានការរីកចម្រើនលឿនក្នុងតំបន់អាស៊ាន។ បន្ថែមលើនេះ ឧស្សាហកម្មសំណង់បានកើនឡើងយ៉ាងខ្លាំងដែលមានទំហំទឹកប្រាក់វិនិយោគកើនឡើងដល់ ៣,៥០០លានដុល្លារអាមេរិកក្នុងឆ្នាំ ២០១៥ ដែលចំនួននេះមានការកើនឡើង ៤០% ធៀបទៅនឹងឆ្នាំ ២០១៣។
ការរីកចម្រើននេះក៏ជាចំណែកមួយរបស់ក្រុមហ៊ុនភ្នំពេញព្រីខាសផ្លេន (Phnom Penh Precast Plants) ដែលត្រូវបានបង្កើតឡើងក្នុងឆ្នាំ ២០១៣ ហើយជាក្រុមហ៊ុនឈានមុខគេនៅកម្ពុជា ក្នុងការផលិតសសរគ្រឹះ បង្គោលភ្លើង និងលូធ្វើពីស៊ីម៉ង់ត៍ ដែលមានគុណភាពតាមស្តង់ដារអន្តរជាតិជាមួយនឹងការបំពាក់នូវបច្ចេកវិជ្ជាពីប្រទេស អាល្លឺម៉ង់ និង កូរ៉េ ដែលបានឆ្លើយតបទៅតាមតម្រូវការគ្រប់ទីផ្សារក្នុងវិស័យសំណង់ និង ការសាងសង់ ហេដ្ឋារចនាសម្ព័ន្ធ។
ដោយផ្អែកលើគុណភាពខ្ពស់ និងការឆ្លើយតប យ៉ាងវិជ្ជមានពីសំណាក់អតិថិជនព្រមទាំងការទទួលបាននូវចំណែកទីផ្សារលើសគេក្នុងវិស័យនេះ ក្រុមហ៊ុនភ្នំពេញព្រីខាសផ្លេន ត្រូវបានគណៈកម្មាការ វាយតម្លៃគុណភាពផ្តល់នូវវិញ្ញាបនបត្រ័កម្រិតពិភពលោក ISO 9001:2015 នៅក្នុងខែកញ្ញា ឆ្នាំ ២០១៨។
រូបភាពនានា នៃការធ្វើទស្សនកិច្ចនៅរោងចក្រ។
ការវាយតម្លៃគុណភាពអន្តរជាតិ ISO 9001:2015 គឺជាស្តង់ដារកម្រិតចុងក្រោយបង្អស់លើការគ្រប់គ្រងគុណភាពនិងប្រតិបត្តិការផលិតកម្ម។ ក្នុងការទទួលបានការវាយតម្លៃនេះក្រុមហ៊ុនភ្នំពេញព្រីខាសផ្លេនត្រូវចំណាយថវិកានិងពេលវេលាយ៉ាងច្រើន ដើម្បីចម្រាញ់យកផលិតផលដែលមានគុណភាព និង ធានាឱ្យបាននូវសុវត្ថិភាពខ្ពស់ក្នុងការប្រើប្រាស់។
ដោយផ្អែកលើមូលដ្ឋានគ្រឹះដ៏រឹងមាំនេះ និងរួមជាមួយការអនុវត្តយ៉ាងខ្ជាប់ខ្ជួនតាមក្រមសីលធម៌វិជ្ជាជីវៈ ក្នុងសង្វាក់ផលិតកម្ម ក៏ដូចជា ការគ្រប់គ្រងបុគ្គលិក គណៈកម្មាការវាយតម្លៃគុណភាពបានឯកភាពប្រគល់វិញ្ញាបនបត្រ័ ISO 9001:2015 ជូនក្រុមហ៊ុនភ្នំពេញព្រីខាសផ្លេន។
“យើងពិតជារំភើបណាស់ដែលក្រុមហ៊ុន យើងបានក្លាយជាក្រុមហ៊ុនផលិតសសរគ្រឹះ បង្គោលភ្លើង និងលូធ្វើពីស៊ីម៉ង់ត៍ដំបូងគេ ដែលបានទទួលការវាយតម្លៃកម្រិត ISO 9001:2015។ ហើយជាលទ្ធផលវាធ្វើឱ្យអតិថិជនរបស់យើងកាន់តែមានទំនុកចិត្តថែមទៀតលើផលិតផលរបស់យើង” នេះបើយោងតាមការបញ្ជាក់របស់លោក កេត សុន្ធរៈ នាយកគ្រប់គ្រងពាណិជ្ជកម្មក្រុមហ៊ុនភ្នំពេញព្រីខាសផ្លេន។ “មុននឹងឈានដល់ការទទួលបានវិញ្ញាបនបត្រ័ ISO 9001:2015 យើងត្រូវអនុវត្តយ៉ាងម៉ត់ចត់តាមបទដ្ឋានបច្ចេកទេស ការពិសោធន៍លើគុណភាពវត្ថុធាតុដើមដែលប្រើប្រាស់ក្នុងផលិតកម្ម ក៏ដូចជា ការវាយតម្លៃលើវិជ្ជាជីវៈ និង ការគ្រប់គ្រងបុគ្គលិក។ វាជាកត្តាសំខាន់ណាស់ដែល យើងត្រូវផ្គត់ផ្គង់ផលិតផលប្រកបដោយគុណភាពខ្ពស់ស្របតាមបច្ចេកវិជ្ជា និង ស្តង់ដារក្នុងវិស័យឧស្សាហកម្មសំណង់របស់យើង”។
រូបភាពនានា នៃការធ្វើទស្សនកិច្ចនៅរោងចក្រ។
Contact Details
Company: Phnom Penh Precast Plants Co., Ltd.
Website:http://www.phnompenhprecast.com
Facebook: https://www.facebook.com/PPPrecast/
Phone Number: 023 901 999 / (855) 88 798 9888
Email: info@phnompenhprecast.com
Location: No. 43-44F, National Road No 5 (AH1) , Phnom Penh, 12104, Cambodia
