.jpg)
មួយជើងចាប់ផ្តើមពី ១៣៩ ដុល្លារតែប៉ុណ្ណោះ តំលៃសរុបទាំងអស់!
នៅថ្ងៃទី ៣១ ខែសីហា ជាមួយយន្តហោះ Airbus A319 របស់ក្រុមហ៊ុនអាកាសចរណ៍ ខេមបូឌា អ៊ែរវ៉េ ដែលមានជើងហោះហើរលេខ KR 901 បានចេញពីអាកាសយានដ្ឋានអន្តរជាតិភ្នំពេញនៅម៉ោង ១៥ និង ៥០ នាទីរសៀល ហើយចុះចតយ៉ាងរលូននៅអាកាសយានដ្ឋានអន្តរជាតិឆាងលិកហ្វូចូវនៅម៉ោង ២០ និង ៥ នាទី។
នេះជាព្រឹត្តិការណ៍ដើម្បីបង្ហាញថាក្រុមហ៊ុនអាកាសចរណ៍ ខេមបូឌា អ៊ែរវ៉េ បានបើកការហោះហើរលើកដំបូងពីភ្នំពេញទៅកាន់ប្រទេសចិន។ ថ្នាក់ដឹកនាំរបស់អាកាសយានដ្ឋានអន្តរជាតិហ្វូចូវបានអញ្ជើញភ្ញៀវ និងអ្នកតំណាងនៃក្រុមហ៊ុនអាកាសចរណ៍ ខេមបូឌា អ៊ែរវ៉េ ដើម្បីចូលរួមក្នុងសកម្មភាពស្វាគមន៍ការហោះហើរលើកដំបូងមកកាន់ហ្វូចូវនៅអាកាសយានដ្ឋានអន្តរជាតិហ្វូចូវ។
ក្រោយមកយន្តហោះបានហោះចេញពីអាកាសយានដ្ឋានអន្តរជាតិហ្វូចូវហើយត្រឡប់មកអាកាសយានដ្ឋានអន្តរជាតិភ្នំពេញវិញនៅម៉ោង ២៣ និង ៣៥ នាទីដែលនេះជាព្រឹត្តិការណ៍គួរឱ្យកត់សម្គាល់មួយដែលបង្ហាញពីការបញ្ចប់ដោយជោគជ័យនូវជើងហោះហើរត្រង់មួយ លើកដំបូងរវាងភ្នំពេញ និង ហ្វូចូវ!
ដើម្បីរំលឹកដល់ថ្ងៃដ៏ពិសេសនេះក្រុមហ៊ុនអាកាសចរណ៍ ខេមបូឌា អ៊ែរវ៉េ បានរៀបចំអំណោយដ៏គួរឱ្យភ្ញាក់ផ្អើលសម្រាប់អ្នកដំណើរគ្រប់រូប ដើម្បីអបអរសាទរភាពជោគជ័យនៃការហោះហើរលើកដំបូងនេះ។
ជើងហោះហើរត្រូវបានគេដឹងថានេះគឺជាជើងហោះហើរត្រង់ដំបូងដំណើរការដោយក្រុមហ៊ុនអាកាសចរណ៍ចុះបញ្ជីក្នុងស្រុករបស់កម្ពុជាដែលហោះហើរពីប្រទេសកម្ពុជាទៅកាន់ប្រទេសចិន។ វាក៏ជាជើងហោះហើរត្រង់តែមួយរវាងភ្នំពេញ និងហ្វូចូវមកទល់នឹងពេលបច្ចុប្បន្ននេះ។ ជើងហោះហើរនេះផ្តល់នូវដំណោះស្រាយធ្វើដំណើរងាយស្រួលជាងមុនសម្រាប់ការផ្លាស់ប្តូរសេដ្ឋកិច្ច និងពាណិជ្ជកម្មរវាងទីក្រុងទាំងពីរ និងបំពេញចំពោះតម្រូវការធ្វើដំណើររបស់អ្នកដំណើរទាំងអ្នកដំណើរដែលមានគោលបំណងកម្សាន្ត និងអាជីវកម្មក្នុងចំណោមទីក្រុងផ្សេងទៀតនៅក្នុងខេត្តហ្វូជាន។
លើសពីនេះក្រុមហ៊ុនអាកាសចរណ៍ ខេមបូឌា អ៊ែរវ៉េ ក៏បានផ្តល់ជូននូវតំលៃពិសេសនៅដំណាក់កាលដំបូងនៃរយៈពេលនៃការបើកលក់ ដោយសំបុត្រសំរាប់មួយជើងមានតម្លៃទាបដល់ ១៣៩ ដុល្លារហើយការធ្វើដំណើរទៅមកនៅទាបដល់ ១៩៩ ដុល្លារជាតម្លៃដែលបានរួមបញ្ចូលទាំងពន្ធ។ អ្នកដំណើរអាចចូលទៅកាន់គេហទំព័រផ្លូវការ Facebook Twitter Instagram និង WeChat របស់ក្រុមហ៊ុនអាកាសចរណ៍ ខេមបូឌា អ៊ែរវ៉េ សម្រាប់ព័ត៌មានលំអិត និងការកក់សំបុត្រទុកជាមុន។
ព័ត៌មានអំពីការហោះហើរជាក់លាក់មានដូចខាងក្រោម
សំគាល់ៈ ពេលវេលាដែលបានបង្ហាញទាំងអស់គឺជាម៉ោងក្នុងស្រុក។ ព័ត៌មានលម្អិតត្រូវយោងតាមគេហទំព័រផ្លូវការរបស់ក្រុមហ៊ុនអាកាសចរណ៍ខេមបូឌាអ៊ែរវ៉េ។
ក្រុមហ៊ុន ខេមបូឌា អ៊ែរវ៉េ គឺជាក្រុមហ៊ុនអាកាសចរណ៍ក្នុងស្រុកមួយដែលមានមូលដ្ឋាននៅរាជធានីភ្នំពេញ។ បានបង្កើតឡើងនៅខែកញ្ញាឆ្នាំ ២០១៧ ក្រុមហ៊ុនបានបើកការហោះហើរជាផ្លូវការរបស់ខ្លួននៅថ្ងៃទី ១០ ខែកក្កដាឆ្នាំ ២០១៨ ដោយហោះពីភ្នំពេញទៅសៀមរាប។ បច្ចុប្បន្នក្រុមហ៊ុននេះដំណើរការជាមួយ Airbus A319 ចំនួន ៣ ដោយបម្រើដល់គោលដៅក្នុងស្រុក និងអន្តរជាតិជាច្រើនរួមមាន ទីក្រុងភ្នំពេញ សៀមរាប ក្រុងព្រះសីហនុ ម៉ាកាវ បាងកក ហ្វូចូវ។ ល។
| ជើងហោះហើរលេខ | ទិសដៅ | ចេញដំណើរ | មកដល់ | កាលវិភាគហោះ |
|---|---|---|---|---|
| KR901 | ភ្នំពេញ-ហ្វូចូវ | 15:50pm | 20:05pm | អង្គារ ព្រហស្បតិ សៅរ៍ |
| KR902 | ហ្វូចូវ-ភ្នំពេញ | 21:05pm | 23:35pm | អង្គារ ព្រហស្បតិ សៅរ៍ |
