ក្រុមហ៊ុន Nike របស់អាមេរិករក្សាជំហរប្រឆាំងការរើសអើងជាតិសាសន៍ ជាមួយយុទ្ធនាការដោយប្រើប្រាស់ឃ្លា «កុំធ្វើវា! (Don''t Do It!)» ដែលអ្នកលេងបណ្តាញសង្គម twitter ប្រើប្រាស់ឃ្លាដ៏ល្បីល្បាញរបស់ខ្លួន ពេលតវ៉ាប្រឆាំងភាពយង់ឃ្នងរបស់នគរបាលដែលបានរីករាលដាលពាសពេញសហរដ្ឋអាមេរិក។
ក្រុមហ៊ុនយក្សផលិតសម្លៀកបំពាក់កីឡាអាមេរិកបាននិយាយនៅក្នុងវីដេអូ ដែលបានបង្ហោះនៅលើបណ្តាញសង្គមកាលពីថ្ងៃសុក្រឲ្យដឹងថា៖ «ពេលណាក៏ដោយ, សូមកុំធ្វើវាឲ្យសោះ!...កុំធ្វើពុតត្បុតថាគ្មានបញ្ហានៅក្នុងប្រទេសអាមេរិក»។
សារនោះបានកើតមានពេលក្រុមអ្នកតវ៉ាទូទាំងអាមេរិកធ្វើបាតុកម្មតាមដងផ្លូវប្រឆាំងការធ្វើអំពើឃោរឃៅលើលោក George Floyd ដែលជាបុរសជនជាតិអាហ្វ្រិកសញ្ជាតិអាមេរិកដែលបានស្លាប់បាត់បង់ជីវិតក្នុងដៃនគរបាលក្នុងទីក្រុង Minneapolis រដ្ឋ Minnesota កាលពីខែសប្តាហ៍មុននេះ។
ក្នុងសញ្ញានៃសាមគ្គីភាពដ៏កម្រក្រុមហ៊ុន Adidas ដែលជាដៃគូប្រកួតប្រជែងដ៏ធំបានបង្ហោះវីដេអូនោះតាមបណ្តាញសង្គម Tweeter ឡើងវិញ ដោយភ្ជាប់ជាមួយសារមានខ្លឹមសារថា៖ «រួមគ្នាជារបៀបដែលយើងឆ្ពោះទៅមុខ។ រួមគ្នាជារបៀបដែលយើងផ្លាស់ប្តូរ»។
ការស្លាប់របស់លោក Floyd កាលពីថ្ងៃចន្ទត្រូវគេថតបានជាប់ក្នុងវីដេអូទូរស័ព្ទដ៏រន្ធត់ដែលគេឃើញនៅជុំវិញពិភពលោកនាពេលនេះដែលមន្ត្រីនគរបាលស្បែកសបានយកជង្គង់សង្កត់ករបស់លោក Floyd រយៈពេលជិត ៩ នាទី រហូតដល់គាត់លែងធ្វើចលនា ខណៈដែលមន្ត្រីនគរបាល ៣ នាក់ផ្សេងទៀតឈរនៅក្បែរនោះ។
ក្រុមហ៊ុន Nike បាននិយាយក្នុងវីដេអូដែលពាក្យ «ស្បែកស» បានផុសឡើងនៅផ្ទៃខាងក្រោយពណ៌ខ្មៅថា៖ «កុំត្រឡប់ទៅកាន់ការរើសអើងពូជសាសន៍។ កុំឲ្យជីវិតដ៏ស្លូតត្រង់ត្រូវបានគេយកពីពួកយើង។ កុំយកលេសផ្សេងទៀត។ កុំគិតថា រឿងនេះមិនប៉ះពាល់ដល់អ្នក»។
យុទ្ធនាការធ្វើឡើងដោយលំបាកជាលើកដំបូងសម្រាប់ក្រុមហ៊ុន Nike ដែលពាក្យស្លោក «សូមធ្វើវាចុះ (Just Do It!)» របស់ខ្លួនត្រូវបានគេស្គាល់ទូទាំងពិភពលោកបានឈានដល់បញ្ហាយុត្តិធម៌សង្គមអាមេរិក។
កាលពីខែកញ្ញា ឆ្នាំ ២០១៨ ក្រុមហ៊ុន Nike បានធ្វើឲ្យរំជើបរំជួលពេលក្រុមហ៊ុនបញ្ចេញយុទ្ធនាការផ្សព្វផ្សាយដោយបង្ហាញកីឡាបាល់ទាត់ និងសកម្មជនអាមេរិក Colin Kaepernick រិះគន់សម្រាប់ការលុតជង្គង់ ពេលគោរពទង់ជាតិអាមេរិកនៅឯការប្រយុទ្ធប្រឆាំងការរើសអើងជាតិសាសន៍៕ RR