ក្រុមហ៊ុន TADA ជាក្រុមហ៊ុនផ្តល់សេវាកម្មកក់ការធ្វើដំណើរដែលមិនកាត់កម្រៃជើងសា ដោយផ្អែកលើបច្ចេកវិទ្យា Blockchain ដំបូងបង្អស់នៅអាស៊ីអាគ្នេយ៍បានប្រកាសកាលពីថ្ងៃទី ៣ ខែ ធ្នូ ឆ្នាំ ២០១៩ អំពីការទទួលបានប្រាក់វិនិយោគទុន Series A ៥ លានដុល្លារអាមេរិកពីក្រុមហ៊ុនបណ្តាក់ទុនឈានមុខគេរបស់ប្រទេសកូរ៉េខាងត្បូងមានឈ្មោះថា SV Investment។
ក្រុមហ៊ុនផលិតគ្រឿងបន្លាស់រថយន្តធំជាងគេ ២ របស់ប្រទេសកូរ៉េខាងត្បូងគឺក្រុមហ៊ុន Central and SIMWON Inc.ក៏បានចូលរួមក្នុងការវិនិយោគនេះផងដែរ។ ការផ្តល់ហិរញ្ញប្បទាននេះនឹងត្រូវបានប្រើប្រាស់ដើម្បីបន្តពង្រីកនៅក្នុងទីផ្សារបច្ចុប្បន្ន និងការអភិវឌ្ឍលើប្រព័ន្ធអេកូចល័តដែលបានបង្កើតទ្បើងលើបច្ចេកវិទ្យា Blockchainរបស់ MVL។
ការវិនិយោគនេះនឹងធ្វើឲ្យ MVL អាចមានលទ្ធភាពបង្កើនទុនក្នុងការពង្រីកទីផ្សាររបស់កម្មវិធី TADA ដែលជាផលិតផលរបស់ MVL។ ក្រុមហ៊ុនសង្ឃឹមថា ទាំងអ្នកបើកបរ និងអ្នកជិះអាចចូលរួមចំណែកក្នុងការធ្វើដំណើរនាថ្ងៃអនាគតប្រកបដោយនិរន្តរភាព។
លោក Kay Woo នាយកប្រតិបត្តិរបស់ MVL មាន ប្រសាសន៍ថា៖ «ការវិនិយោគនេះគឺជាសក្ខីភាពនៃចក្ខុវិស័យរបស់យើងក្នុងការកសាងប្រព័ន្ធអេកូចល័តប្រកបដោយនិរន្តរភាព និងភាពប្រសើរជាងមុន។ ក្រុមការងាររបស់យើងប្តេជ្ញាចិត្តក្នុងការនាំមកនូវផលិតផល និងសេវាកម្មដែលមានភាពច្នៃប្រឌិតរបស់បច្ចេកវិទ្យា Blockchain ដែលអាចផ្លាស់ប្តូរជាវិជ្ជមានដល់សង្គម បរិស្ថាន និងសេដ្ឋកិច្ចនៅក្នុងសហគមន៍ដែលយើងធ្វើប្រតិបត្តិការ។ ក្រុមហ៊ុនសង្ឃឹមថានឹងប្រកាសផលិតផលថ្មី និងដំបូងគេបង្អស់ជាច្រើនទៀតនៅក្នុងតំបន់នាប៉ុន្មានខែខាងមុខនេះ»។
យោងតាមប្រសាសន៍របស់អ្នកនាំពាក្យក្រុមហ៊ុន SV Investment បានឲ្យដឹងថា MVL អាចកំណត់នូវបញ្ហានានានៅក្នុងទីផ្សារប្រព័ន្ធអេកូចល័ត ដើម្បីទាក់ទាញអ្នកប្រើប្រាស់ជាច្រើនខុសពីកម្មវិធីកក់ការធ្វើដំណើរផ្សេងៗដែលកំពុងដំណើរការនៅតំបន់អាស៊ីអាគ្នេយ៍។ ពួកគេអាចរកវិធីសាស្ត្រថ្មីដើម្បីកសាងទំនាក់ទំនងកាន់តែរឹងមាំរវាងអ្នកផ្គត់ផ្គង់ និងអ្នកប្រើប្រាស់ ។
TADA បានបង្ហាញវត្តមានដំបូងនៅប្រទេសសិង្ហបុរីកាលពីខែមករា ឆ្នាំ ២០១៩ ហើយបន្តពង្រីកទីផ្សារទៅប្រទេសចំនួន ២ ទៀតគីប្រទេសវៀតណាម និងប្រទេសកម្ពុជា។ បើទោះជាការបង្ហាញវត្តមានក្នុងរយៈពេលខ្លីនៅក្នុងទីផ្សារមែន ប៉ុន្តែ TADA បានចុះឈ្មោះអ្នកបើកបរបាន ៥ ម៉ឺននាក់រួចទៅហើយនៅទូទាំង ៣ ប្រទេស។ TADA នឹងបន្តវិសាលភាពរបស់ខ្លួនយ៉ាងពេញទំហឹងនៅអាស៊ីក្នុងប៉ុន្មានខែខាងមុខនេះ។
អំពីក្រុមហ៊ុន MVLLABS Pte. Ltd (MVL)
MVL ជាប្រព័ន្ធអេកូចល័តដែលផ្អែកលើ Mass vehicle Ledger incentiveដែលមានមូលដ្ឋានលើបច្ចេកវិទ្យា Blockchain។ ក្រុមហ៊ុន MVL កំពុងជំរុញឲ្យមានការផ្លាស់ប្តូរទ្រង់ទ្រាយធំនៃចល័តភាពតាមរយៈសេវាកម្មកក់ការធ្វើដំណើរដែលមិនកាត់កម្រៃជើងសារដំបូងបង្អស់នៅអាស៊ីអាគ្នេយ៍គឺកម្មវិធី TADA ដែលមានអ្នកបើកបរជាង ៥ ម៉ឺននាក់ និងអ្នកប្រើប្រាស់ច្រើនជាង ៥ សែននាក់នៅប្រទេសសិង្ហបុរី, វៀតណាម និងកម្ពុជា។
អំពីក្រុមហ៊ុន SV Investment
SV Investment គឺជាក្រុមហ៊ុនបណ្តាក់ទុនដែលបានបង្កើតទ្បើងក្រោមច្បាប់នៃការគាំទ្រដល់សហគ្រាសធុនតូច និងមធ្យមកាលពីថ្ងៃទី ៥ ខែ មេសា ឆ្នាំ ២០០៦។ ចាប់តាំងពីការចាប់ផ្តើមហិរញ្ញប្បទាននេះទឹកប្រាក់ច្រើនជាង ៧៧០ លានដុល្លារអាមេរិកត្រូវបានដាក់វិនិយោគតាមរយៈការផ្តល់ជាដើមទុន។ ក្រុមហ៊ុននេះត្រូវបានទទួលស្គាល់ចំពោះភាពប្រកួតប្រជែងរបស់ខ្លួនក្នុងនាមជាវិនិយោគិនមូលធននៅក្នុងវិស័យផ្សេងៗដូចជាសុខាភិបាលមាតិកាវប្បធម៌ និងក្រុមហ៊ុនបច្ចេកវិទ្យាព័ត៌មាន។
អំពីក្រុមហ៊ុន Central
Central គឺជាទីផ្សារគ្រឿងបន្លាស់ (“AM”) ឈានមុខគេដែលមានដៃគូជាង ៣០០ នៅជុំវិញពិភពលោក។ ក្នុងនាមជាក្រុមហ៊ុនលំដាប់លេខមួយដែលមានចំណែកទីផ្សារធំជាងគេបង្អស់នៅក្នុងប្រទេស រុស្សី និង មីយ៉ាន់ម៉ា។ ក្រុមហ៊ុន Central កំពុងពង្រីកវត្តមានរបស់ខ្លួននៅអាស៊ីអាគ្នេយ៍តាមរយៈការបើកដំណើរការសាខារបស់ខ្លួននៅប្រទេសវៀតណាម។
ក្រុមហ៊ុននេះក៏ជាដៃគូផលិតឧបករណ៍ដើម (OEM) ដែលទុកចិត្តដោយក្រុមហ៊ុនផលិតរថយន្តអគ្គិសនីធំៗច្រើនជាង ២៣ ដូចជា ក្រុមហ៊ុន Tesla, Byton និងក្រុមហ៊ុនជាច្រើនទៀត។
អំពីក្រុមហ៊ុន SIMWON Inc.
SIMWON គឺជាក្រុមហ៊ុនផលិតគ្រឿងបន្លាស់រថយន្តដែលមានអតិថិជនធំបំផុតរបស់ខ្លួនគឺ ក្រុមហ៊ុនផលិតរថយន្តទូទាំងពិភពលោកជាពិសេសក្រុមហ៊ុនផលិតរថយន្តអគ្គិសនី៕