The Phnom Penh Post Search

Search form




Logo of Phnom Penh Post newspaper Phnom Penh Post - ក្រុមហ៊ុន Toshiba​ ថ្លឹង​ថ្លែង​រក​ទិញផ្តាច់​ភាគហ៊ុន​ក្នុង​កិច្ច​ព្រមព្រៀង​ ២០ ​ពាន់​លាន​ដុល្លារ​ពី​មូល​និធិ​នៅ​អង់គ្លេស




ក្រុមហ៊ុន Toshiba​ ថ្លឹង​ថ្លែង​រក​ទិញផ្តាច់​ភាគហ៊ុន​ក្នុង​កិច្ច​ព្រមព្រៀង​ ២០ ​ពាន់​លាន​ដុល្លារ​ពី​មូល​និធិ​នៅ​អង់គ្លេស

Content image - Phnom Penh Post
បុរសម្នាក់​ឈរមើល​ទៅ​អគារ​ការិយាល័យ​កណ្តាល​របស់​Toshiba នៅទីក្រុងតូក្យូ។

ក្រុមហ៊ុន Toshiba​ ថ្លឹង​ថ្លែង​រក​ទិញផ្តាច់​ភាគហ៊ុន​ក្នុង​កិច្ច​ព្រមព្រៀង​ ២០ ​ពាន់​លាន​ដុល្លារ​ពី​មូល​និធិ​នៅ​អង់គ្លេស

ទីក្រុងតូក្យូៈ ក្រុមហ៊ុន​​ Toshiba បាន​ឲ្យដឹងថា​ ខ្លួន​កំពុង​ពិចារណា​ការ​ទិញ​យក​ភាគហ៊ុន​ទាំងអស់​ពី​មូលនិធិ​មូលធន​ឯកជន​ចក្រភព​អង់គ្លេស​ ជាមួយ​នឹង​របាយការណ៍បង្ហាញ​ថា ​កិច្ចព្រម​ព្រៀង​នេះ​នឹង​មាន​តម្លៃ​ប្រហែល​ ២០​ ពាន់​លាន​ដុល្លារ។

ការ​ជួញដូរ​ភាគហ៊ុន​របស់​ក្រុមហ៊ុន Toshiba ត្រូវ​បាន​បិទ​ការជួញ​ដូរ​នៅលើ​ផ្សារ​ហ៊ុន​​តូក្យូ ​នៅពេល​បើក​ដំណើរ​ការ ​បន្ទាប់​ពី​ក្រុមហ៊ុន​របស់​ប្រទេស​ជប៉ុន​មួយ​នេះ​ បាន​បញ្ជាក់​ថា ​ការ​ឲ្យ​តម្លៃ​នៅ​ក្នុង​សេចក្ដី​ប្រកាស​ព័ត៌មាន​មួយ​។

ក្រុមហ៊ុន Toshiba ​បាន​ឲ្យ​ដឹង​ថា៖ ​«ខ្លួន​ទទួល​បាន​សំណើ​ដំបូង​ក្នុងសប្តាហ៍​នេះ​»​ ដោយ​ក្រុម​ហ៊ុន​ CVC Capital Partners សម្រាប់​ការ​ទិញយក​ភាគហ៊ុន​ទាំងអស់។

ក្រុមហ៊ុន​មួយ​នេះ​បាន​បន្ថែម​ថា​៖ «​យើង​នឹង​ស្នើ​សុំ​ព័ត៌មាន​លម្អិត​​ និង​ការ​ពិភាក្សា​ការ​ផ្ដល់​តម្លៃ​នេះ​ប្រកប​ដោយ​ការប្រុង​ប្រយ័ត្ន»។

សារព័ត៌​មាន​​ប្រចាំថ្ងៃ ​Nikkei បាន​​ឲ្យដឹង​ថា ​ក្រុម​ហ៊ុន​ CVC ​កំពុង​ពិចារណា​លើការ​ផ្ដល់​តម្លៃ​ខ្ពស់​ ៣០ ​ភាគរយ លើ​តម្លៃ​ភាគហ៊ុន​បច្ចុប្បន្ន​របស់​ក្រុម​ឧស្សាហ​កម្ម​របស់​ប្រទេស​ជប៉ុន​ ដែល​ផ្ដល់​តម្លៃ​ដល់​កិច្ចព្រម​ព្រៀង​នេះ​ជិត​ ២,៣ ពាន់ពាន់​លាន​យ៉េន​ (២០,​៨​ ពាន់​លាន​ដុល្លារ​) ដោយ​ពឹង​ផ្អែក​លើ​​ការ​បិទ​ការជួញដូរ​កាល​ពី​ថ្ងៃ​អង្គារ។​​

សារព័ត៌​មាន​ប្រចាំ​ថ្ងៃ​មួយ​នេះ​ បាន​ឲ្យ​ដឹងថា ​ក្រុម​ហ៊ុន​ CVC នឹង​ពិចារណា​ការ​ជ្រើសរើស​ក្រុម​វិនិយោ​គិន​ផ្សេង​ទៀត​ ​ឲ្យ​ចូលរួម​ក្នុង​ការ​ទិញយក​ភាគហ៊ុន។ ​ក្រុមហ៊ុន​ CVC បាន​បដិសេធ​ធ្វើ​អត្ថា​ធិប្បាយ​​លើ​បញ្ហា​នេះ។

សំណើ​នេះ​នឹង​គ្រប់គ្រង​ក្រុមហ៊ុន​ឯកជន​ Toshiba ​ជាមួយនឹង​ការដក​ចេញ​ពី​បញ្ជី​ ក្នុង​គោល​បំណង​ធ្វើការ​សម្រេច​ចិត្ត​កាន់តែ​រហ័ស​ ដោយ​ថ្នាក់​គ្រប់គ្រង​របស់​ក្រុមហ៊ុន​ Toshiba ​ដែល​បាន​ប៉ះ​ទង្គិច​ជាមួយ​ភាគ​ទុនិក​​នៅ​ពេល​ថ្មីៗ​នេះ​។ នេះ​បើយោង​តាម​របាយការណ៍​។​

របាយការណ៍​នេះ​បន្ថែម​ថា វិធាន​ការ​នេះ ប្រសិន​បើ​ទទួល​បាន​ជោគជ័យ ​នឹង​អាច​ឲ្យ​ក្រុមហ៊ុន​មួយ​នេះ​ ប្រមូល​ធនធាន​លើ​ថាមពល​កកើត​ឡើង​វិញ និង​អាជីវកម្ម​ស្នូល​ផ្សេង​ទៀត​។​​

ក្រុមហ៊ុន​ពីរ​នេះ​មិន​មែន​ជា​ក្រុមហ៊ុន​ចម្លែក​នោះទេ ​លោក​ Nobuaki Kurumatani ជា​នាយក​ប្រតិតបត្តិ​ក្រុម​ហ៊ុន​ Toshiba ​គឺជា​ប្រធាន​ផ្នែក​ប្រតិបត្តិការ​នៅ​ប្រទេស​ជប៉ុន​របស់​ក្រុមហ៊ុន​​ CVC​ កាល​ពី​ចន្លោះ​ឆ្នាំ​​ ២០១៧ ​និង​ឆ្នាំ​ ២០១៨ ​មុនពេល​លោក​ទទួល​បាន​ឡើង​កាន់​ដំណែង​ជា​ប្រធាន​នៅ​ក្នុង​ក្រុម​ពហុ​ផលិត​ផល​មួយនេះ៕LA

អត្ថបទគួរចាប់អារម្មណ៍