The Phnom Penh Post Search

Search form

Logo of Phnom Penh Post newspaper Phnom Penh Post - ក្រុមហ៊ុន VietJet គ្រោង​ហោះ​ហើរ​មក​កម្ពុជា

ក្រុមហ៊ុន VietJet គ្រោង​ហោះ​ហើរ​មក​កម្ពុជា

អ្នក​បម្រើ​លើ​យន្ត​ហោះ​ក្រុម​ហ៊ុន VietJet កំពុង​បម្រើ​ភេសជ្ជៈ​ដល់​ភ្ញៀវ។ B.g
អ្នក​បម្រើ​លើ​យន្ត​ហោះ​ក្រុម​ហ៊ុន VietJet កំពុង​បម្រើ​ភេសជ្ជៈ​ដល់​ភ្ញៀវ។ B.g

ក្រុមហ៊ុន VietJet គ្រោង​ហោះ​ហើរ​មក​កម្ពុជា

ភ្នំពេញៈ ក្រុម​ហ៊ុន​អាកាស​ចរណ៍​តម្លៃ​ថោក​មួយ​របស់​វៀតណាម គ្រោង​នឹង​ភ្ជាប់​ការ​ហោះ​ហើរ​មក ខេត្ត​សៀមរាប ដែល​ជា​ទិស​ដៅ​ទេសចរណ៍​លេខ ១ របស់ ប្រទេស​កម្ពុជា។

សេចក្តី​ប្រកាស​មួយ​ចេញ​ផ្សាយ​កាល​ពីថ្ងៃ ទី៨ ខែ​កញ្ញា ដើម្បី​ផ្សព្វ​ផ្សាយ​ផែនការ​ពង្រីក​សេវា​របស់​ខ្លួន​ទៅ​ក្នុង ប្រទេស​រុស្ស៊ី ក្រុមហ៊ុន​អាកាស​ចរណ៍ VietJet Ai​ បាន​ឲ្យ​ដឹង​ថា ក្នុង​ពេល​ឆាប់ៗ​នេះ​ខ្លួន​នឹង​ភ្ជាប់​ជើង​ហោះ​ហើរ​ពី ប្រទេស​វៀតណាម មក​កម្ពុជា។ ការណ៍​នេះ​នឹង​ធ្វើ​ឲ្យ​ក្រុម​ហ៊ុន VietJet Air នឹង​ក្លាយ​ជា​ក្រុមហ៊ុន​ផ្តល់​ហោះ​ហើរ​តម្លៃ​ទាប​ដំបូង​គេ​ដែល​ផ្តល់​សេវា​ហោះ​ហើរ​រវាង វៀតណាម និង កម្ពុជា។

សេចក្តី​ប្រកាស​របស់​ក្រុម​ហ៊ុន​អាកាស​ចរណ៍ VietJet មិន​បាន​ផ្ដល់​ព័ត៌មាន​លម្អិត​ថា តើ​ទីក្រុង​ណា​ដែល​ក្រុម​ហ៊ុន​នេះ​នឹង​ចាប់​ផ្ដើម​ផ្តល់​សេវា​នោះ​ទេ ប៉ុន្តែ​តាម​របាយ​ការណ៍​ពី​មជ្ឈ​មណ្ឌល​អាកាស​ចរណ៍​ដែល​មាន​មូលដ្ឋាន​នៅ ប្រទេស​អូស្ដ្រាលី (CAPA) ក្រុម​ហ៊ុន​អាកាស​ចរណ៍​វៀតណាម នេះ​ទំនង​ជា​នឹង​ហោះ​ហើរ​មក ក្រុង​សៀមរាប ពី ទីក្រុង​ហាណូយ និង ទីក្រុង​ហូជីមិញ។

របាយ​ការណ៍​របស់ CAPA បង្ហាញ​ថា៖ «កម្ពុជា គឺជា​ទិស​ដៅ​សម​ហេតុ​ផល​មួយ​សម្រាប់​ក្រុម​ហ៊ុន​អាកាស​ចរណ៍ VietJet ដោយ​សារ​កម្ពុជា ជា​ទីផ្សារ​មួយ​ក្នុង​បណ្តា​ទីផ្សារ​អន្តរជាតិ​ឈាន​មុខ​គេ​របស់ វៀតណាម ប៉ុន្តែ​មិន​ទាន់​មាន​ក្រុម​ហ៊ុន​អាកាស​ចរណ៍​ផ្តល់​សេវា​ហោះ​ហើរ​តម្លៃ​ទាប​ណា​មួយ​ផ្តល់​សេវា​ហោះ​ហើរ​នៅ​ឡើយ​ទេ»។

លោក Brendan Sobie ប្រធាន​អ្នក​វិភាគ និង​ជា​តំណាង​ប្រចាំ សិង្ហបុរី នៃ​មជ្ឈ​មណ្ឌល CAPA ថ្លែង​ថា អតិថិជន​អាច​សង្ឃឹម​ថា នឹង​ទទួល​បាន​អត្ថ​ប្រយោជន៍​ពី​តម្លៃ​កាន់​តែ​ទាប​របស់​ក្រុម​ហ៊ុន​អាកាស​ចរណ៍ Viet-Jet។

លោក​ថ្លែង​ថា៖ «ក្រុម​ហ៊ុន​អាកាស​ចរណ៍​កម្ពុជា​អង្គរ​អ៊ែរ និង​ក្រុម​ហ៊ុន Vietnam Airlines ទំនង​ជា​រង​ផល​ប៉ះពាល់។ ជា​ធម្មតា​នេះ​គឺជា​អ្វី​ដែល​យើង​មើល​ឃើញ​នៅ​ពេល​ក្រុម​ហ៊ុន​អាកាស​ចរណ៍​ផ្តល់​សេវា​តម្លៃ​ទាប​ចូល​មក​ក្នុង​ទីផ្សារ​មួយ។

ក្រុម​ហ៊ុន VietJet មិន​អាច​ទាក់​ទង​បាន​ទេ ប៉ុន្តែ​លោក ឡុង ចេង អនុ​រដ្ឋ​លេខាធិការ​នៃ​រដ្ឋ​លេខាធិការដ្ឋាន​អាកាសចរ​ស៊ីវិល (SSCA) អះអាង​ថា ក្រុម​ហ៊ុន Vietnamese Airline បាន​ដាក់​ពាក្យ​ស្នើ​សុំ​ផ្តល់​សេវា​រវាង​ផ្លូវ​ហោះ​ហើរ ខេត្ត​សៀមរាប។

លោក ឡុង ចេង បាន​ស្វាគមន៍​ការ​ប្រកួត​ប្រជែង​កាន់​តែ​ខ្លាំង​ចំពោះ​ទីផ្សារ​នេះ ហើយ​លោក​បាន​ថ្លែង​ថា នឹង​ជំរុញ​ឲ្យ​តម្លៃ​កាន់​តែ​ទាប និង​ការ​ផ្ដល់​សេវា​កាន់​តែ​ល្អ​ប្រសើរ​ពី​ក្រុម​ហ៊ុន​អាកាស​ចរណ៍​ទាំង​នេះ។ លោក​បញ្ជាក់​ថា៖ «វា​ជា​រឿង​ដ៏​ល្អ​សម្រាប់​អ្នក​ធ្វើ​ដំណើរ»។

លោក ឡុង ចេង មិន​អាច​បញ្ជាក់​បាន​ទេ​ថា តើ​នៅ​ពេល​ណា​ដែល​ក្រុម​ហ៊ុន​អាកាស​ចរណ៍ VietJet នឹង​ទទួល​បាន​ការ​អនុញ្ញាត​នោះ​ទេ ដោយ​សារ​តែ​ការ​ត្រួត​ពិនិត្យ​ការ​ដាក់​ពាក្យ​ទើប​តែ​ចាប់​ផ្ដើម​ធ្វើ។

ក្នុង​រយៈ​ពេល ៦​ខែ ដំបូង​នៅ​ឆ្នាំ​នេះ​ភ្ញៀវ​ទេសចរ​វៀតណាម ៧៨ ៥០០ នាក់​បាន​មក​ទស្សនា​កម្ពុជា​ច្រើន​ជាង​ពីរ​ដង​ធៀប​នឹង ប្រទេស​ចិន ដែល​មាន​ចំនួន ៣៤ ៣០០ នាក់។

លោក ហូ វណ្ឌី សហ​ប្រធាន​ក្រុម​ការងារ​វិស័យ​ទេសចរណ៍​ឯកជន-រដ្ឋាភិបាល ឲ្យ​ដឹង​ថា វិស័យ​ទេសចរណ៍​កម្ពុជា​រំពឹង​ថា នឹង​មិន​ទទួល​បាន​ប្រយោជន៍​តែ​ពី​ភ្ញៀវ​ទេសចរ​វៀតណាម តែ​ឯង​នោះ​ទេ នៅ​ពេល​ក្រុម​ហ៊ុន​អាកាស​ចរណ៍​នេះ​ដំណើរការ​ផ្លូវ​ហោះ​ហើរ​នោះ។

លោក​បន្ត​ថា ការ​មក​ដល់​របស់​ភ្ញៀវ​ទេសចរ​វៀតណាម ភាគ​ច្រើន​ធ្វើ​ដំណើរ​តាម​រយៈ​រថយន្ត​ក្រុង ហើយ​ក្រុម​ហ៊ុន​អាកាស​ចរណ៍​ផ្ដល់​សេវា​ហោះ​ហើរ​មាន​តម្លៃ​ទាប​ថ្មី​នេះ​នឹង​ជួយ​បង្កើន​ភ្ញៀវ​ទេសចរ​មក​ពី​ប្រទេស​ទី​បី​ផង​ដែរ៕

អត្ថបទគួរចាប់អារម្មណ៍