The Phnom Penh Post Search

Search form




Logo of Phnom Penh Post newspaper Phnom Penh Post - គម្រោង​ធានា​រ៉ាប់រង​កសិកម្ម​​ដំណើរការ​ប្រកប​ដោយ​វិជ្ជមាន

គម្រោង​ធានា​រ៉ាប់រង​កសិកម្ម​​ដំណើរការ​ប្រកប​ដោយ​វិជ្ជមាន

កសិករ​ប្រមូល​ស្រូវ​ដាក់​ចូល​ក្នុង​ការ៉ុង​បន្ទាប់ពី​ប្រមូល​ផល​រួច​នា​ពេល​កន្លង​មក​។
កសិករ​ប្រមូល​ស្រូវ​ដាក់​ចូល​ក្នុង​ការ៉ុង​បន្ទាប់ពី​ប្រមូល​ផល​រួច​នា​ពេល​កន្លង​មក​។ ហេង ជីវ័ន

គម្រោង​ធានា​រ៉ាប់រង​កសិកម្ម​​ដំណើរការ​ប្រកប​ដោយ​វិជ្ជមាន

ភ្នំពេញៈ គម្រោង​ប្រព័ន្ធ​ធានា​រ៉ាប់រង​កសិកម្ម​ខ្នាត​តូច​កម្ពុជា ​(CAMIS) ​ដែល​ជា​គំនិត​ផ្តួចផ្ដើម​ដោយ​អង្គការ​សេដាក​មក​ដល់​ពេល​នេះ​ទទួល​បាន​ប្រាក់​ធានា​ភ័យ​ ៥ ​លាន​រៀល​ចាប់​តាំងពី​ដំណើរការ​កាលពី​ពាក់​កណ្តាល​​​ឆ្នាំ​ ២០១៥​។​ នេះ​បើ​យោង​​តាម​លោក ហ៊ឹម នឿន ប្រធាន ​CAMIS​។

គម្រោង​នេះ​ត្រូវ​បាន​បង្កើត​ឡើង​​ដើម្បី​ផ្តល់​ការ​ធានា​រ៉ាប់រង​ខ្នាត​​តូច​លើ​សេវា​កសិកម្ម​ខណៈ​បញ្ហា​បម្រែ​បម្រួល​អាកាសធាតុ​កំពុង​គំរាម​កំហែង​ដល់​វិស័យ​កសិកម្ម​កម្ពុជា​ដែល​មាន​ប្រព័ន្ធ​ធារាសាស្ត្រ​នៅ​ទន់ខ្សោយ។​ នេះ​​ជា​គម្រោង​សាកល្បង​ដែល​មាន​​នៅ​ ៣ ​ខេត្ត​គឺ​ខេត្ត​តាកែវ កំពង់ស្ពឺ ​និង​កំពង់ឆ្នាំង។

កសិករ​ជា​សមាជិក​គម្រោង​នេះ​​ដែល​មាន​ ១៥៣ ​គ្រួសារ​ត្រូវ​បង់​ថ្លៃ​ធានា​រ៉ាប់រង​ខុស​គ្នា​ទៅ​​តាម​ទំហំ​ដី និង​រួម​ទាំង​ការ​ប្រើប្រាស់​ពូជ​ស្រូវ​ដើម្បី​កម្រិត​ហានិភ័យ​។​ ជា​ថ្នូរ​ពួកគេ​ទទួល​បាន​ការ​ពិគ្រោះ​យោបល់​ស្ដីពី​បច្ចេកទេស​ធ្វើ​កសិកម្ម​ដែល​ធុន​នឹង​ការ​ប្រែប្រួល​អាកាសធាតុ​នឹង​​សំណង​​​ពេល​ដំណាំ​កសិកម្ម​រង​ការ​ខូចខាត​ដោយសារ​ទឹក​ជំនន់ ​ឬ​ភាព​រាំង​ស្ងួត។

លោក ហ៊ឹម នឿន ឲ្យ​ដឹង​​​ថា​មក​ដល់​ពេល​នេះ​ផ្ទៃដី​ដែល​ទទួល​បាន​ធានា​រ៉ាប់រង​មាន​ ១៣៦ ​ហិកតា​។

លោក​បន្ត​ថា៖ «​​កសិករ​មាន​ទំនុក​ចិត្ត​ច្រើន​មក​លើ​យើង​ព្រោះ​យើង​បាន​ផ្តល់​នូវ​​សេវា​បច្ចេកទេស​ដើម្បី​ឲ្យ​គាត់​ទទួល​បាន​ទិន្នផល​ច្រើន​រួម​ទាំង​​មាន​ការ​ធានា​រ៉ាប់រង​ការ​ខូចខាត»​។

លោក​បន្ត​ថា​៖ «​ថវិកា​​​ដែល​យើង​ទទួល​បាន​​ពី​គាត់ និង​ជួយ​គាត់​វិញ​នៅពេល​​ដែល​គាត់​ប្រឈម​នឹង​បញ្ហា​​ខូចខាត​ដោយសារ​តែ​ទឹក​​ជំនន់​ និង​ភាព​រាំងស្ងួត​ដែល​​​មិន​អាច​គិត​ទុក​ជា​មុន​ដោយសារ​តែ​ការ​ប្រែប្រួល​ធាតុអាកាស»​។ លោក​ថ្លែង​ថា ​៨០ ​ភាគរយ​បាន​​បម្រុង​ទុក​សម្រាប់​សំណង​ដល់​ហើយ​កសិករ​ដែល​​រង​ការ​ខូចខាត​ពី​គ្រោះ​រាំងស្ងួត​មក​ដល់​ពេល​​នេះ​មាន​ចំនួន​ ២០ ​គ្រួសារ​។ ​ក្នុង​ឆ្នាំ​ ២០១៦ CAMIS​ នឹង​ពង្រីក​សមាជិក​បន្ថែម​ ១ ៥០០ ​។

លោក យ៉ង សាំងកុមារ ប្រធាន​អង្គការ​សេដាក​មាន​ប្រសាសន៍​ថា​គម្រោង​នេះ​ទទួល​បាន​ផល​វិជ្ជាមាន​ដោយ​មាន​ការ​គាំទ្រ​ពី​កសិករ​ច្រើន​។ លោក​​បន្ត​ថា៖ «កសិករ​ទទួល​បាន​​ជំនាញ​វិជ្ជាជីវៈ​​ក្នុង​ការ​បង្ក​បង្កើនផល និង ការ​រ៉ាប់រង​នូវ​ការ​ខូចខាត​របស់​ពួកគាត់​នេះ​គម្រោង​តែ​មួយ​ក្នុង​​ប្រទេស​យើង​។ យើង​នឹង​ធ្វើការ​ពង្រីក​បន្ថែម​គោលដៅ​ក្នុង​ខេត្ត​ដែល​កំពុង​ប្រតិបត្តិការ​ និង​ពង្រីក​ទៅ​ខេត្ត​មួយ​ចំនួន​»​។

យោង​តាម​លោក ហ៊ឹម នឿន គម្រោង​​សាកល្បង​នេះ​ទទួល​មាន​​មូលនិធិ​ ៩៦ ០០០ ​ដុល្លារ​អាមេរិក​បាន​ពី​មូលនិធិ Achmea របស់​ប្រទេស​ហូឡង់​ហើយ​នឹង​​ត្រូវ​បាន​អនុវត្ត​ដោយ CEDAC ក្នុង​រយៈពេល​ ២ ​ឆ្នាំ​។

លោក កែវ រ័ត្ន ជា​សមាជិក​ម្នាក់​នៅ​ខេត្ត​តាកែវ​បាន​ឲ្យ​ដឹង​ថា​លោក​បាន​បង់​ធានារ៉ាប់​រង​ប្រហែល ៣០ ០០០ ​រៀល​សម្រាប់​​​ផ្ទៃដី​ ៧៣ ​អា​។ ​លោក​បន្ត​ថា​បន្ទាប់ពី​បង់​ថ្លៃ​សេវា​លោក​ទទួល​បាន​ទីផ្សារ​ពី​សេដាក និង​ទទួល​បាន​បចេ្ចកទេស​​ក្នុង​​ការ​ធ្វើ​ស្រែ។​

កែវ រ័ត្ន ​បន្ថែម​ថា៖ «បន្ទាប់ពី​កា្លយ​ជា​សមាជិក​មក​ខ្ញុំ​ទទួល​បាន​បច្ទេកទេស​ក្នុង​​ការ​ធ្វើ​ស្រែ​ដែល​​ខ្ញុំ​ទទួល​បាន​ទិន្នផល​ស្រូវ​បាន​ច្រើន​ហើយ​មាន​ទីផ្សារ​សម្រាប់​លក់​ទៅ​ឲ្យ​សេដាក» សេវា​ធានា​រ៉ាប់រង​នេះ​ធ្វើឲ្យ​ខ្ញុំ​មិន​សូវ​បារម្ភ​ពី​ការ​ខូចខាត​ច្រើន»​៕

អត្ថបទគួរចាប់អារម្មណ៍

  • ភ្នំពេញ: អស់​រយៈពេល​ជិត​ ១១ ​ខែ បន្ទាប់ពី​ការដាក់​លក់​ដំណាក់កាល​ទី​ ១ ​ប្រកប​ដោយ​ជោគជ័យ​កាលពី​ខែធ្នូ​ឆ្នាំមុន Forest Harmony ជា​ក្រុមហ៊ុន​វិនិយោគ​រួម​រវាង​វិនិយោគិន​ក្នុង​ស្រុក និង​វិនិយោគិន​ជនជាតិ​បារាំង​កាលពី​ថ្ងៃ​សៅរ៍ បាន​ប្រកាស​បើក​ដំណើរការ​គម្រោង​អភិវឌ្ឍន៍​ដំណាក់កាល​ទី​ ២ ​របស់ខ្លួន​មាន​ឈ្មោះ​ថា Golf Harmony រួមមាន ទីលាន​វាយ​កូនហ្គោល និង​គម្រោង​អគារ​ខុនដូ​។

  • ភ្នំពេញ៖ បន្ទាប់​ពី​​​ការ​​ប្រឡង​​ប្រណាំង​​​ថត​វីដេអូ ​​ដើម្បី​ផ្សព្វផ្សាយ​​ពី​សក្តានុពល​នៃ​តំបន់​សហគមន៍​​​​ទេសចរណ៍ និង​​​​​អេកូ​ទេសចរណ៍​ ​បាន​រៀបចំ​​ ២ រដូវកាល​មក​​ហើយ​​ ខណៈ​​ការ​ប្រឡង​ប្រណាំង​រដូវកាល​ទី​៣ ​​​ឆ្នាំ ​២០២០​ ក៏​បាន​មក​​ដល់​​​។

  • ភ្នំពេញៈ រដ្ឋមន្ត្រីក្រសួង​អប់រំ​យុវជន និង​កីឡា​លោក​ ហង់ជួន ណារ៉ុន បានអនុញ្ញាត​ជា​​គោលការណ៍​ឱ្យ​គ្រឹះស្ថានសិក្សា​ឯកជន​ទាំងអស់​អាច​ដំណើរការឡើង​វិញ​នូវ​សេវា​រថយន្ត​ដឹក​សិស្ស សេវា​បណ្ណាល័យ សកម្មភាព​អប់រំ​កាយ និង​កីឡា និង​សេវា​អាហារដ្ឋាន ប៉ុន្តែ​ត្រូវអនុវត្ត​នូវ​គោលការណ៍​ប្រតិបត្តិ​ស្តងដា​ (SOP) ​ឱ្យ​ម៉ឺងម៉ាត់​។

  • តាកែវៈ មន្ត្រី​ការពារ​ទេសភាព​បឹង​ព្រែកល្ពៅ​ឱ្យ​ដឹងថា សម្បុក​សត្វ​ចង្កៀលខ្យង​ជាង​ ២ ០០០ ​សម្បុក​ បានបង្ហាញ​វត្តមាន​ជា​លើកដំបូង​ក្នុង​រយៈពេល​ជាង​ ១៥ ​ឆ្នាំ​ ដែល​នេះ​ជា​កំណត់ត្រា​ថ្មី​ដែល​ពុំ​ធ្លាប់មាន​នៅក្នុង​តំបន់​ការពារ​ទេសភាព​បឹង​ព្រែកល្ពៅ​ ស្ថិត​ក្នុងស្រុក​បុរីជលសា និង​ស្រុក​កោះអណ្តែត ខេត្តតាកែវ​។

  • ស្ទឹងត្រែង/ភ្នំពេញៈ គ្រឿងញៀន​ប្រភេទ​មេតំហ្វេតាមីន​ (ice) ​ចំនួន​ ៤១ ​គីឡូក្រាម​ត្រូវ​បាន​មន្ត្រី​អាវុធហត្ថ​ខេត្ត​ស្ទឹងត្រែង​បញ្ជូន​ទៅ​សាលាដំបូង​ខេត្ត​នាថ្ងៃទី​ ២៤ តុលា បន្ទាប់ពី​បង្ក្រាប​នៅ​ស្រុក​បុរី​ឣូរស្វាយសែនជ័យ​ពី​ថ្ងៃ​ទី​ ២៣ តុលា ខណៈ​ម្ចាស់​កំពុង​រត់គេច​ខ្លួន​។

  • ភ្នំពេញៈ ក្រសួង​អប់រំ យុវជន​ និង​កីឡា​កំពុង​សហការ​ជាមួយ​ក្រសួង​ប្រៃសណីយ៍ និង​ទូរគមនាគមន៍ ព្រមទាំង​ដៃគូ​អភិវឌ្ឍន៍ និង​វិស័យ​ឯកជន ដើម្បី​រៀបចំ​តភ្ជាប់​ប្រព័ន្ធ​អ៊ីនធឺណិត​ដល់​គ្រឹះស្ថានសិក្សា​សាធារណៈ​​ក្នុង​រយៈពេល​ ៤ ​ឆ្នាំ​ (​ឆ្នាំ​ ២០២០-២០២៣) ​ដើម្បី​ផ្ដល់​ការរៀន​ និង​ការបង្រៀន​តាមបែប​ឌីជីថល​​ដែល​ការអនុវត្ត​ត្រូវធ្វើ​ឡើងជា​ជំហានៗ​ចាប់ពី​ចុងឆ្នាំ​នេះ​ទៅ​។