The Phnom Penh Post Search

Search form




Logo of Phnom Penh Post newspaper Phnom Penh Post - គ្រឹះស្ថាន​មីក្រូហិរញ្ញវត្ថុ​ចម្រើន ​ម.ក ទទួល​បាន​វិញ្ញាបនប័ត្រ​ការ​ការពារ​អតិថិជន​ពី Smart Campaign

គ្រឹះស្ថាន​មីក្រូហិរញ្ញវត្ថុ​ចម្រើន ​ម.ក ទទួល​បាន​វិញ្ញាបនប័ត្រ​ការ​ការពារ​អតិថិជន​ពី Smart Campaign

Content image - Phnom Penh Post

គ្រឹះស្ថាន​មីក្រូហិរញ្ញវត្ថុ​ចម្រើន ​ម.ក ទទួល​បាន​វិញ្ញាបនប័ត្រ​ការ​ការពារ​អតិថិជន​ពី Smart Campaign

រាជធានីភ្នំពេញ៖ Smart Campaign គឺ​ជា​ស្ថាប័ន​ដែល​ផ្តួចផ្តើម​បង្កើត​ឡើង​ជា​សកល ដើម្បី​ដាក់​បញ្ចូល​គោលការណ៍​ការពារ​អតិថិជន​ទៅ​ក្នុង​វិស័យ​បរិយាប័ន្ន​ហិរញ្ញវត្ថុ។​ ថ្មីៗ​នេះ​បាន​ទទួល​ស្គាល់​ជា​សាធារណៈ​ថា​គ្រឹះស្ថាន​មីក្រូហិរញ្ញវត្ថុ​ចម្រើន ម.ក ជា​គ្រឹះស្ថាន​ដែល​ទទួល​បាន​វិញ្ញាបនប័ត្រ​ការពារ​អតិថិជន​ដែល​បាន​អនុវត្ត​គោលការណ៍​ការពារ​អតិថិជន​យ៉ាង​ពេញ​លេញ។

ចម្រើន​ ជា​ស្ថាប័ន​មួយ​ក្នុង​ចំណោម​ស្ថាប័ន​ចំនួន ១១៥ ផ្សេង​ទៀត នៅ​ក្នុង​ប្រទេស​ជាង ៤០ ដែល​ទទួល​បាន​វិញ្ញាបនប័ត្រ​នេះ​ គិត​ចាប់​ពី​កម្មវិធី​នេះ​ត្រូវ​បាន​បង្កើត​ឡើង​ក្នុង​ខែ​មករា​ឆ្នាំ ២០១៣។ ចម្រើន បាន​បម្រើ​ដល់​គ្រួសារ​កម្ពុជា​អស់​រយៈពេល​ជាង ១០ ឆ្នាំ​មក​ហើយ បច្ចុប្បន្ន​កំពុង​ផ្តល់​ឥណទាន​ទៅ​កាន់​អតិថិជន​ប្រមាណ​ជាង ៣ ម៉ឺន​នាក់ ទូទាំង​ប្រទេស​ក្នុង​នោះ ៦០% នៅ​តំបន់​ជនបទ ​និង ​៨០% ជា​ស្ត្រី។

កម្មវិធី​វិញ្ញាបនប័ត្រ​ការពារ​អតិថិជន​របស់ Smart Campaign ទទួល​ស្គាល់​ជា​សាធារណៈ​នូវ​ស្ថាប័ន​ទាំង​ឡាយ​ណា​ដែល​ផ្តល់​សេវា​ហិរញ្ញវត្ថុ​ដល់​ក្រុម​គ្រួសារ​ដែល​មាន​ប្រាក់​ចំណូល​ទាប​ដែល​ស្តង់ដារ​នៃ​ការ​បម្រើ​សេវា​អតិចិជន​គោរព​តាម​គោលការណ៍​ការពារ​អតិថិជន​ទាំង​ប្រាំពីរ​របស់ Smart Campaign។

Content image - Phnom Penh Post

គោលការណ៍​សំខាន់ៗ​ទាំង​នោះ​រួម​មាន​ការ​បង្កើត​ផលិតផល​ឆ្លើយ​តប​តម្រូវ​ការ​អតិថិជន​ការពារ​បំណុល​វន្តករ​តម្លាភាព​ការ​កំណត់​តម្លៃ​ការ​អនុវត្តន៍​ប្រកប​ដោយ​យុត្តិធម៌​ និង​ការគោរព​ចំពោះ​អតិថិជន​ការ​រក្សា​ព័ត៌មាន​សម្ងាត់​អតិថិជន និង​ការ​ដោះស្រាយ​បណ្តឹង។

លោក Yannick MILEV ប្រធាន​នាយក​ប្រតិបត្តិ​របស់​ចម្រើន​មាន​ប្រសាសន៍​ថា៖ «ក្នុង​នាម​ជា​គ្រឹះស្ថាន​មីក្រូហិរញ្ញវត្ថុ​សង្គម​ចម្រើន​មាន​ការ​ប្តេជ្ញា​ចិត្ត​ក្នុង​ការ​ផ្តល់​នូវ​សេវាកម្ម​ប្រកប​ដោយ​ភាព​ទទួល​ខុស​ត្រូវ និង​ភាព​ស្មោះត្រង់​ដល់​អតិថិជន​របស់​ខ្លួន។ វិញ្ញាបនប័ត្រ​នេះ គឺ​ស​បញ្ជាក់​ពី​ការ​ប្រកាន់​ខ្ជាប់​នូវ​សកម្មភាព​និង​គុណ​តម្លៃ​ក៏​ដូច​ជា​ការ​ប្តេជ្ញា​ចិត្ត​របស់​បុគ្គលិក​ដៃគូ​ហិរញ្ញវត្ថុ និង​បច្ចេកទេស​ម្ចាស់​ភាគហ៊ុន​ និង​សមាជិក​ក្រុម​ប្រឹក្សាភិបាល»។

គួរ​រំលឹក​ផង​ដែរ​ថា ចម្រើន​ត្រូវ​បាន​បង្កើត​ឡើង​ក្នុង​ឆ្នាំ​ ២០០៦ ដោយ​អង្គការ​អន្តរជាតិ​បារាំង​ហើយ​ថ្មីៗ​នេះ ត្រូវ​បាន​ទិញ​ភាគហ៊ុន​ទាំង​ស្រុង​ដោយ​ក្រុមហ៊ុន​រីណិត​ជប៉ុន​គ្រុប ដែល​ជា​ក្រុមហ៊ុន​ប្រកបអា​ជីវកម្ម​ប្រកប​ដោយ​ការ​ទទួល​ខុស​ត្រូវ​ និង​មាន​ការ​ប្តេជ្ញា​ចិត្ត ដើម្បី​បន្ត​គាំទ្រ​និង​ពង្រឹង​គោលការណ៍​គ្រឹះ​របស់​ចម្រើន។

Content image - Phnom Penh Post

ចម្រើន​ ផ្តោត​សំខាន់​ទៅ​លើ​ការ​គាំទ្រ​ដល់​ការ​លូតលាស់​ និង​ការ​ពង្រឹង​សហគ្រាស​ខ្នាត​តូច និង​តូច​បំផុត​ក៏​ដូច​ជា​ធានា​ថា​គ្រួសារ​កម្ពុជា​អាច​ទទួល​បាន​ផលិតផល​ឥណទាន​ដែល​ជួយ​ឱ្យ​ប្រសើរ​ឡើង​នូវ​ជីវភាព​រស់នៅ​របស់​ពួក​គេ​តាមរយៈ​ការ​ពង្រឹង​ផ្នែក​អនាម័យ​ការ​កែលម្អ​គេហដ្ឋាន​មាន​អគ្គីសនី​ប្រើប្រាស់​ដែល​មាន​ប្រសិទ្ធភាព។ល។

ចម្រើន​មាន​ការ​ប្តេជ្ញា​ចិត្ត​ក្នុង​ការ​បង្កើត​ផលិតផល​ និង​សេវាកម្ម​ដែល​គាំទ្រ​ប្រជាជន​ក្រីក្រ​នឹង​បន្ត​អភិវឌ្ឍន៍​និង​ធ្វើ​ពិពិធកម្ម​នៅ​ក្នុង​ឆ្នាំ​ខាង​មុខ​ទៀត៕

អត្ថបទគួរចាប់អារម្មណ៍

  • ជនជាតិ​ភាគតិច និង​សង្គម​ស៊ីវិល​ប្ដឹង​ជំទប់​ឃុំ និង​អភិបាលរង​ខេត្ត ​រឿង​ចេញ​បណ្ណ​សម្គាល់​ដី​ជាន់​លើ​ដី​ព្រៃ

    មណ្ឌលគិរី: ពលរដ្ឋ​សហគមន៍​ជនជាតិ​ដើម​ភាគតិច និង​សង្គម​ស៊ីវិល​ចំនួន ៦ ​នាក់​ បាន​ដាក់​ពាក្យបណ្ដឹង​ចំនួន ២ ​ដាច់​ ដោយឡែក​ពី​គ្នា​ប្ដឹង​មនុស្ស ៤ ​នាក់ ​ទៅ​តុលាការខេត្ត​ក្នុង​នោះ​មាន​ជំទប់​ទី​ ១ ​ឃុំ​ប៊ូស្រា​ម្នាក់ និង​អភិបាលរង​ខេត្តមណ្ឌលគិរី​ម្នាក់​ដោយ​ចោទ​ពាក់ព័ន្ធ​ការចេញ​បណ្ណ​សម្គាល់​ម្ចាស់​ដីធ្លី​ជាន់​លើដី​គម្រប​ព្រៃឈើ និង​បទ​ចោទ​ពាក់ព័ន្ធ​លួច​គាស់​យក​ថ្ម​ធម្មជាតិ​

  • កាណាដា​ពិន័យ VW ១៥០ ​លាន​ដុល្លារ

    ក្រុងតូរ៉ុនតូៈ តុលាការ​ក្នុង​ទីក្រុង​តូរ៉ុនតូ​កាលពី​ថ្ងៃ​ពុធ​បាន​បញ្ជា​ឲ្យ​ក្រុមហ៊ុន Volkswagen (VW) បង់ប្រាក់​ពិន័យ ១៩៦,៥ លាន​ដុល្លារ​កាណាដា (១៥០ ​លាន​ដុល្លារ​អាមេរិក​) បន្ទាប់ពី​ក្រុមហ៊ុន​ផលិត​រថយន្ត​មួយ​នេះ​បាន​សារភាព​កំហុស​ចំពោះ​ការរំលោភច្បាប់​បរិស្ថាន​ក្នុង​រឿងអាស្រូវ​បោក​បន្លំ​ការបញ្ចេញ​កាបូន​។

  • សហជីព​បារាំង​​ព្យាយាម​បន្ត​ការ​តវ៉ា​ប្រឆាំង​ការ​កែ​ទម្រង់​ប្រាក់​សោធននិវត្តន៍​​ ដើម្បី​ដាក់​សម្ពាធ​លើ​រដ្ឋាភិបាល​​

    ក្រុង​ប៉ារីស៖ ក្រុម​សហជីព​បារាំង​កាល​ពី​ថ្ងៃ​ពុធ​ បាន​បន្ត​ធ្វើ​​កូដកម្ម​ជា​ច្រើន​ ដោយ​​មាន​​បំណង​បង្កើន​សម្ពាធ​​​​ទៅ​លើ​រដ្ឋាភិបាល​មុន​នឹង​រដ្ឋាភិបាល​នេះ​ ធ្វើ​ការ​បង្ហាញ​ការ​កែ​ទម្រង់​ប្រាក់​សោធននិវត្តន៍​ចុង​ក្រោយ ​ដែល​បាន​​​ជំរុញ​ឲ្យ​មាន​ការ​តវ៉ា​ពី​បញ្ហា​ការងារ​ធំ​បំផុត​នៅ​បារាំង​ជា​ច្រើន​ទសវត្សរ៍​នោះ​​។ ​

  • លាភ ​រដ្ឋា ​និង ​ផាន់ ​គ្រាន់ ​ប៉ះ​ថៃ​ចំណូល​ថ្មី​

    ភ្នំពេញ៖ ​អ្នក​លេង​កណ្តាប់​ដៃ​របស់​កម្ពុជា​ចំនួន ​២ ​នាក់ គឺ ​លាភ ​រដ្ឋា និង​ ផាន់ ​គ្រាន់​ ​នឹង​​ត្រូវ​បង្ហាញ​ខ្លួន​រួមគ្នា នៅ​​លើ​សង្វៀន​ SEATV នា​រសៀល​ថ្ងៃ​សៅរ៍​ស្អែក​នេះ ​ដោយ​ពួក​គេ​ត្រូវ​ជួប​ជាមួយ​​កីឡាករ​ថៃ​​ចំណូល​ថ្មី​ មិន​ធ្លាប់​មក​ប្រកួត​ក្នុង​សង្វៀន​នៅ​​ប្រទេស ​កម្ពុជា ​នោះ​ទេ​​។