ភ្នំពេញៈ គ្រឹះស្ថានអង្គរ ដែលគ្រប់គ្រងការលក់សំបុត្រចូលទស្សនាប្រាសាទក្នុងតំបន់អង្គរ បានដាក់ដំណើរការគេហទំព័រថ្មី ដែលនឹងបង្ហាញព័ត៌មានចំនួនសំបុត្រដែលលក់បានជាក់ស្តែង (Real time) រួមទាំងព័ត៌មានទេសចរណ៍សំខាន់ៗ។
គ្រឹះស្ថានអង្គរ បានធ្វើទំនើបកម្មប្រព័ន្ធលក់សំបុត្ររបស់ខ្លួនឲ្យកាន់តែទំនើបស្របតាមស្តង់ដារអន្តរជាតិ ដោយគ្រឹះស្ថាននេះនឹងបង្ហាញតួលេខសំបុត្រចូលទស្សនាភ្លាមៗបន្ទាប់ពីបានលក់ចេញភ្លាមនៅលើគេហទំព័រថ្មីដែលបានដំណើរការជាមួយនឹង ៥ ភាសានេះ ជាអ្វីដែលស្ថាប័ននេះលើកឡើងថាធ្វើឡើងក្នុងគោលបំណងធានាតម្លាភាព និងគណនេយ្យភាព។
នៅឆ្នាំ ២០១៨ ឧទ្យានអង្គរបានស្វាគមន៍ភ្ញៀវទេសចរអន្តរជាតិជិត ២,៦ លាននាក់ រកប្រាក់ចំណូលបាន ១១៦,៤ លានដុល្លារ៕ LA