ទីក្រុងប៉េកាំងៈ អាជ្ញាធរចិនកាលពីថ្ងៃព្រហស្បតិ៍បានឲ្យដឹងថា ខ្លួននឹងអនុញ្ញាតឲ្យអាកាសចរណ៍បរទេសដែលបច្ចុប្បន្នត្រូវជាប់បម្រាមប្រតិបត្តិការក្នុងប្រទេសចិនជុំវិញក្តីព្រួយបារម្ភនៃការរីករាលដាលវីរុសកូរ៉ូណាឲ្យហោះហើរតាមចំនួនមានកំណត់ ដោយដាក់បម្រាមជាក់ស្តែងតែលើក្រុមហ៊ុន អាកាសចរណ៍អាមេរិក។
ការសម្រេចចិត្តដោយអាជ្ញាធរអាកាសចរណ៍ចិនកើតមានឡើង បន្ទាប់ពីទីក្រុងវ៉ាស៊ីនតោនបានបញ្ជាឲ្យផ្អាកការហោះហើរទាំងអស់របស់អាកាសចរណ៍ចិនសម្រាប់ការចូលទៅកាន់ ឬចេញក្រៅសហរដ្ឋអាមេរិកពីថ្ងៃទី ១៦ ខែមិថុនាក្នុងសកម្មភាពសងសឹកប្រឆាំងការរិតបន្តឹងរបស់ក្រុងប៉េកាំងមកលើក្រុមហ៊ុនអាកាសចរណ៍អាមេរិក។
ជម្លោះនោះបន្ថែមភាពតានតឹងកំពុងកើតមានរវាងប្រទេសដែលមានសេដ្ឋកិច្ចធំបំផុតទាំង ២ ក្នុងពិភពលោក ចំពេលវិបត្តិវីរុសកូរ៉ូណា និងក្នុងបុព្វហេតុនៃសង្គ្រាមពាណិជ្ជកម្មរយៈពេល ២ ឆ្នាំដែលមិនត្រូវបានដោះស្រាយរួចរាល់នៅឡើយ។
ជម្លោះចុងក្រោយបំផុតមួយផ្នែកកើតឡើងពីអាជ្ញាធរអាកាសចរណ៍ស៊ីវិលចិន (CAAC) ដែលបានសម្រេចអនុវត្តការកំណត់ចំនួនអាកាសចរណ៍បរទេសផ្អែកតាមសកម្មភាពរបស់ពួកគេត្រឹមថ្ងៃទី ១២ ខែមីនា។
ប៉ុន្តែអាកាសចរណ៍អាមេរិកបានផ្អាកការហោះហើរទាំងអស់ត្រឹមថ្ងៃនោះ ពីព្រោះតែការរីករាលដាល ខណៈការហោះហើររបស់អាកាសចរណ៍ចិនទៅអាមេរិកនៅតែបន្ត។
CAAC នៅថ្ងៃព្រហស្បតិ៍បានឲ្យដឹងថា រាល់អាកាសចរណ៍បរទេសទាំងអស់មិនមានក្នុងបញ្ជីតារាងថ្ងៃទី ១២ ខែមីនាពេលនេះនឹងអាចដំណើរការហោះហើរ ១ ម្តងទៅកាន់ប្រទេសចិនក្នុង ១ សប្តាហ៍។
អ្នកដំណើរទាំងអស់នឹងត្រូវគេធ្វើតេស្តរោគសញ្ញាកូវីដ១៩ ពេលមកដល់អាកាសយានដ្ឋានប្រទេសចិន៕ RR