The Phnom Penh Post Search

Search form




Logo of Phnom Penh Post newspaper Phnom Penh Post - ចិន​អនុញ្ញាត​ឲ្យ​នាំចូល​សាច់​ពី​ប្រទេស​ កាណាដា​ សាជាថ្មី

ចិន​អនុញ្ញាត​ឲ្យ​នាំចូល​សាច់​ពី​ប្រទេស​ កាណាដា​ សាជាថ្មី

Content image - Phnom Penh Post
លោក Justin Trudeau នាយក​រដ្ឋមន្ដ្រី​កាណាដា ថ្លែងនាពេលកន្លងមក។​ រូបថត AFP

ចិន​អនុញ្ញាត​ឲ្យ​នាំចូល​សាច់​ពី​ប្រទេស​ កាណាដា​ សាជាថ្មី

ក្រុងប៉េកាំងៈ ប្រទេស​ ចិន ​បានបញ្ជាក់​កាលពី​ថ្ងៃ​ពុធ​ថា ខ្លួន​នឹង​បន្ត​ជាថ្មី​ក្នុង​ការនាំចូល​សាច់​ពី​កាណាដា ប៉ុន្តែ​បាន​អំពាវនាវ​ឲ្យ​ទីក្រុង​អូតាវ៉ា ដោះលែង​មន្ដ្រី​ប្រតិបត្តិ​របស់​ក្រុមហ៊ុន Huawei ដែល​ធ្វើឲ្យ​ទំនាក់ទំនង​មិនល្អ​រវាង​ប្រទេស​ទាំង​ ២​។

ទីក្រុង​ប៉េកាំង​បាន​រារាំង​ការនាំចូល​សាច់គោ និង​សាច់ជ្រូក​ពី​កាណាដា​កាលពី​ខែ​មិថុនា ដោយ​ចោទប្រកាន់​ពី​ការ​ចម្លងរោគ​ក្នុង​សាច់ជ្រូក​នាំចូល និង​ឯកសារ​ក្លែងក្លាយ​ដែល​ការអះអាង​នេះ​ត្រូវ​បាន​ជំទាស់​ដោយ​ប្រទេស​ កាណាដា​។

វិធានការ​នេះ​ត្រូវបាន​មើលឃើញ​ថា ជា​ការកើនឡើង​កាន់តែ​ខ្លាំង​ក្នុង​ការឆ្លើយតប​នឹង​ការចាប់ខ្លួន​លោកស្រី Meng Wanzhou ប្រធាន​ផ្នែក​ហិរញ្ញវត្ថុ​របស់​ក្រុមហ៊ុន Huawei ដោយ​ប្រទេស​កាណាដា​តាម​សំណើ​ធ្វើ​បត្យាប័ន​របស់​អាមេរិក ជាប់ទាក់ទង​នឹង​ការចោទប្រកាន់​រំលោភ​លើ​ការដាក់​ទណ្ឌកម្ម​ប្រទេស ​អ៊ីរ៉ង់​។

ប៉ុន្តែ​ទីក្រុង​ប៉េកាំង​បាន​ឲ្យ​ដឹង​កាលពី​ថ្ងៃ​ពុធ​ថា ទីក្រុង​អូតាវ៉ា​បាន​បង្ហាញ​ផែនការ​សកម្មភាព​មួយ​ដែល «​ឆ្លើយតប​ជា​មូលដ្ឋាន​ទៅ​នឹង​លក្ខខណ្ឌ​តម្រូវ​សម្រាប់​ការធានា​សុវត្ថិភាព​» និង​បាន​ឲ្យ​ដឹងថា ប្រទេស​ចិន​នឹង​ចាប់ផ្ដើម​ទទួល​យក​វិញ្ញាបនបត្រ​សុខភាព​សម្រាប់​សាច់​ដែល​នាំចូល​ពី​ប្រទេស​ កាណាដា​។

លោកនាយក​រដ្ឋមន្ដ្រី​កាណាដា Justin Trudeau បាន​សរសេរ​លើ Twitter ថា កាលពី​ថ្ងៃ​អង្គារ​ថា ប្រទេស​ ចិន​ នឹង​ចាប់ផ្ដើម​ជាថ្មី​ការនាំ​ចូល​នេះ​។

លោក Geng ដែល​បាន​អំពាវនាវ​ឲ្យ​ទីក្រុង​អូតាវ៉ា​ដោះលែង​លោកស្រី Meng និង​អនុញ្ញាត​ឲ្យ​លោកស្រី​ត្រឡប់​ទៅ​ចិន​ថ្លែងថា​៖ «​ភាគី​ចិន​មិន​ទទួល​ខុសត្រូវ​សម្រាប់​ផលវិបាក​ដែល​បាន​ជួប​ដោយសារ​ទំនាក់ទំនង​រវាង​ប្រទេស​ទាំង​ ២ ​ទេ​»៕ LA

អត្ថបទគួរចាប់អារម្មណ៍

  • ភ្នំពេញៈ អង្គការ​មូលនិធិ​សកល​សម្រាប់​ធម្មជាតិ​ (WWF) និង​រដ្ឋបាល​ជលផល​ដែល​បាន​រកឃើញថា ត្រី​គល់រាំង ត្រី​ត្រសក់​ក្រហម ត្រី​ខ្លា ត្រី​ក្របី ត្រី​ត្រចៀកដំរី និង​បបែល​យក្ស​ទឹកសាប កំពុង​ត្រូវ​បាន​គេ​ដាក់លក់​នៅ​តាម​ទីផ្សារ​ត្រី​នានា ហើយ​ខ្លះ​បាន​នាំ​ចេញ​ទៅ​ក្រៅ​ប្រទេស​បាន​ទាមទារ​ឲ្យ​មាន​ការរឹតបន្តឹង​ច្បាប់​ឱ្យ​បាន​ម៉ឺងម៉ាត់​ជាង​ពេលណាៗ​ទាំងអស់ ដើម្បី​ការពារ​ត្រី​ជិត​ផុត​ពូជ​ទាំងនោះ​។

  • ភ្នំពេញៈ កំពង់ផែ​ស្វយ័ត​ក្រុងភ្នំពេញ (PPAP) ដែល​ចុះបញ្ជី​នៅ​ផ្សារ​មូលបត្រ​កម្ពុជា (CSX) បាន​រាយការណ៍​អំពី​ភាពប្រសើរ​ឡើង​នៃ​ប្រតិបត្តិការ​អាជីវកម្ម​របស់ខ្លួន​ក្នុង​ឆមាស​ទី​ ១ ឆ្នាំ​នេះ ទោះបី​ជំងឺ​កូវីដ​ ១៩ បាន​ធ្វើឲ្យ​ប៉ះពាល់​យ៉ាងខ្លាំង​ដល់​សេដ្ឋកិច្ច​នៅក្នុង​តំបន់ និង​ពិភពលោក​ក៏ដោយ​។

  • ភ្នំពេញៈ តុលាការ​កំពូល​កាលពី​ម្សិលមិញ​បាន​បើក​សវនាការ​ជម្រះក្ដី​កំបាំងមុខ​លើ​សំណុំរឿង​សុំ​នៅក្រៅ​ឃុំ​របស់​ជន​ត្រូវ​ចោទ​​ ១០ ​នាក់ ​ដែលជា​សមាជិក​អតីត​គណបក្ស​សង្គ្រោះជាតិ​ដែល​បាន​ជាប់ចោទ​ពី​បទ​រួមគំនិត​ក្បត់ និង​ញុះញង់​ឲ្យ​​ប្រព្រឹត្ត​បទឧក្រិដ្ឋ​ជាអាទិ៍​កាលពី​ចុង​ឆ្នាំ​ ២០១៩ ខណៈ​ដែល​ពួកគេ​កំពុង​នៅ​ក្រៅ​ឃុំ​។

  • ភ្នំពេញ: ក្រសួង​វប្បធម៌ និង​វិចិត្រសិល្បៈ​ពី​ម្សិលមិញ​បាន​កោះហៅ​ម្ចាស់​ផលិតកម្ម​មរតក​មេឌៀ​ (Morodok Media) ​ឲ្យ​ចូល​បំភ្លឺ​ជុំវិញ​ការផលិត​វីដេអូ​ចម្រៀង​មាន​ខ្លឹមសារ​ប្រមាថ​ពលរដ្ឋ​ខេត្តព្រៃវែង​តាម​ការស្នើសុំ​របស់​លោក ជា សុមេធី អភិបាលខេត្ត​ព្រៃវែង ប៉ុន្ដែ​អ្នកគ្រប់គ្រង​ផលិតកម្ម​នេះ​ថា វីដេអូ​នោះ​គ្រាន់តែ​ចង់​អប់រំ​កុំឲ្យ​រើសអើង​អ្នក​ព្រៃវែង​ប៉ុណ្ណោះ​។

  • ព្រះសីហនុៈ អភិបាល​ខេត្ត​ព្រះសីហនុ លោក គួច ចំរើន បាន​ព្រមាន​ចាត់វិធានការ​តឹងរ៉ឹង​ទៅ​តាម​ផ្លូវច្បាប់​ដោយ​គ្មាន​ការលើកលែង​ទៅលើ​ជន​ប្រព្រឹត្ត​បទល្មើស​កាប់បំផ្លាញ​ព្រៃ​កោងកាង​ដើម្បី​ទន្ទ្រាន​យក​ដី​រដ្ឋ​ធ្វើ​ជា​កម្មសិទ្ធិ​ឯកជន​ខុសច្បាប់​។

  • ត្បូងឃ្មុំ: អ្នកកាប់ជ្រូក​លក់​ចំនួន​ ៧៤ ​គ្រួសារ​នៅ​ផ្សារសួង ខេត្ត​ត្បូងឃ្មុំ​បាន​កំពុង​ទាមទារ​ដល់​អាជ្ញាធរខេត្ត​បញ្ឈប់​ការយក​ពន្ធ​លើ​អាជីវកម្ម​របស់​ពួកគេ​ច្រើន​ហួសហេតុ និង​ផ្ទុយ​ពី​​សេចក្ដី​ណែនាំ​របស់​ក្រសួង​សេដ្ឋកិច្ច និង​ហិរញ្ញវត្ថុ ប៉ុន្តែ​អាជ្ញាធរ​បាន​អះអាង​លើ​ហេតុផល​ផ្សេង​ក្នុង​ការប្រមូល​ពន្ធ​នេះ​។