.jpg)
ក្លោងទ្វាចូលក្នុងតំបន់ពាណិជ្ជកម្មសេរីនាទីក្រុងស៊ាងហៃ។ រូបថត AFP
ក្រុងប៉េកាំងៈ ប្រទេសចិន បានប្រកាសផែនការបន្តធ្វើកំណែទម្រង់ស៊ីជម្រៅ និងការបើកចំហរតំបន់ពាណិជ្ជកម្មសេរីសាកល្បង (FTZ) នៃតំបន់ឆ្នេរចំនួន ៣ កន្លែង ដើម្បីលើកកម្ពស់បរិយាកាសពាណិជ្ជកម្ម និងជំរុញការបើកចំហរកាន់តែខ្លាំងចំពោះពិភពលោក។
កំណែទម្រង់ក្នុងតំបន់ពាណិជ្ជកម្មសេរីក្នុងខេត្ត ក្វាងទុង ខេត្តទៀនជីន និងខេត្តហ៊ូវជៀននេះ នឹងផ្តោតលើការអភិវឌ្ឍដែលមានគុណភាពខ្ពស់ កំណែទម្រង់រចនាសម្ព័ន្ធផ្នែកផ្គង់ផ្គង់ កាបង្កើតថ្មីរបស់ស្ថាប័ន និងការការពារហានិភ័យ។ នេះបើយោងតាមឯកសារមួយរបស់ក្រុមប្រឹក្សារដ្ឋដែលជាគណៈរដ្ឋមន្ត្រីរបស់ប្រទេសចិន។
បរិយាកាសពាណិជ្ជកម្មកាន់តែប្រសើរ ដែលផ្អែកលើច្បាប់ មានលក្ខណៈអន្តរជាតិ និងអំណោយផលនេះ នឹងកើតមានឡើងនៅក្នុងតំបន់ពាណិជ្ជកម្មសេរី។
តំបន់ពាណិជ្ជកម្មសេរីនេះ នឹងទទួលបានអំណាចក្នុងការសម្រេចចិត្តកាន់តែច្រើនក្នុងការធ្វើកំណែទម្រង់ ដើម្បីជួយបង្កើតមូលដ្ឋានថ្មីក្នុងការបន្តបើកចំហរ លើកកម្ពស់ការគ្រប់គ្រងរបស់រដ្ឋាភិបាល និងជំរុញកត្តាជំរុញកំណើនថ្មីៗ និងលទ្ធភាពប្រកួតប្រជែង។
ប្រទេសចិន បានដាក់ដំណើរការតំបន់ពាណិជ្ជកម្មសេរីដំបូងរបស់ខ្លួននៅទីក្រុងស៊ាងហៃកាលពីឆ្នាំ២០១៣។ កាលពីចុងឆ្នាំ ២០១៤ នៅខេត្តក្វាងទុង ខេត្តទៀនជីន និងខេត្តហ៊្វូជៀន ត្រូវបានអនុញ្ញាតឲ្យបង្កើតតំបន់ពាណិជ្ជកម្មសេរីទីពីរ។ តំបន់ពាណិជ្ជកម្មសេរីចំនួន ៧ កន្លែងផ្សេងទៀត ត្រូវបានបង្កើតបន្ថែមនៅទូទាំងប្រទេសចិនកាលពីខែសីហា ឆ្នាំ២០១៦៕ The People’s Daily/BP
