.jpg)
ស្ថិតក្នុងពិភពអាជីពគ្រប់គ្រងដោយបុរសការងារឌីជេមិនងាយស្រួលទេសម្រាប់នារី។ AFP
ក្រុងបាងកកៈ ក្រសួងពាណិជ្ជកម្មថៃ បានបង្ហាញការពេញចិត្តលើការសម្រេចចិត្តរបស់អាមេរិកក្នុងការដាក់ឋានៈរបស់ប្រទេសថៃនៅក្នុង «បញ្ជីឃ្លាំមើល (WL)» ស្តីពីការរំលោភកម្មសិទ្ធិបញ្ញា បន្ទាប់ពីចំណាត់ថ្នាក់ប្រទេសបានកើនឡើងពីកម្រិតទាបកាលពីចុងឆ្នាំ ២០១៧។
លោក Sontirat Sontijirawong រដ្ឋមន្ដ្រីក្រសួងពាណិជ្ជកម្មថៃ បានថ្លែងថា៖ «លទ្ធផល ចំណាត់ថ្នាក់នៅឆ្នាំនេះគឺពេញចិត្ត»។
លោកបន្តថា៖ «ខ្ញុំចង់ថ្លែងអំណរគុណដល់ទីភ្នាក់ងារទាំងអស់ ដែលរួមមានអាជ្ញាធរកណ្ដាល និងតំបន់ ដែលបានខិតខំធ្វើការងាររួមគ្នាលើបញ្ហានេះ»។
ថៃ ស្ថិតក្នុងចំណោមប្រទេស ២៤ ដែលត្រូវបានប្រកាសថា ទទួលបានឋានៈក្នុងបញ្ជីឃ្លាំមើល ដោយមានមូលដ្ឋានលើរបាយការណ៍ពិសេសលេខ ៣០១ ឆ្នាំ ២០១៨ ដែលបានចេញផ្សាយដោយការិយាល័យតំណាងពាណិជ្ជកម្មអាមេរិក (USTR) កាលពីយប់ថ្ងៃសុក្រសប្តាហ៍មុន៕LA
