.jpg)
ភ្ញៀវទេសចរចូលទស្សនាប្រាសាទ អង្គរវត្ត កាលពីឆ្នាំមុន។
ភ្នំពេញៈ ចំនួនភ្ញៀវទេសចរមកទស្សនាតំបន់អង្គររយៈពេល ៦ ខែដំបូងឆ្នាំ ២០១៨ បានបង្ហាញពីកំណើន ខណៈចំណូលពីការលក់សំបុត្រកើនជិត ១៨ ភាគរយរហូតដល់ជាង ៦១ លានដុល្លារ។ នេះបើតាមរបាយការណ៍ពីគ្រឹះស្ថានអង្គរ។
របាយការណ៍បង្ហាញថាចំនួនភ្ញៀវទេសចរចូលប្រាសាទអង្គរបានកើនឡើងដល់ជិត ១,៤ លាននាក់ កើនឡើង ១០ ភាគរយធៀបនឹងរយៈពេលដូចគ្នានៃរយៈពេល ៦ ខែដំបូងកាលពីឆ្នាំមុន។
ប្រាក់ចំណូលសរុបបានពីការលក់សំបុត្រចូលទស្សនាប្រាសាទអង្គរបានកើនឡើងដល់ ៦១,៤៧ លានដុល្លារក្នុងរយៈពេល ៦ ខែដំបូង កើនឡើង ១៧,៨៤ ភាគរយធៀបនឹងរយៈពេលដូចគ្នាកាលពីឆ្នាំមុន។
តម្លៃសំបុត្រចូលទស្សនាសម្រាប់ភ្ញៀវទេសចរបរទេសទៅប្រាសាទអង្គរ នៅពេលនេះមានចំនួន ៣៧ ដុល្លារសម្រាប់រយៈពេល ១ ថ្ងៃតម្លៃ ៦២ ដុល្លារសម្រាប់រយៈពេល ៣ ថ្ងៃ និងតម្លៃ ៧២ ដុល្លារសម្រាប់សំបុត្ររយៈពេល ១ សប្ដាហ៍៕LA
