The Phnom Penh Post Search

Search form




Logo of Phnom Penh Post newspaper Phnom Penh Post - ចំណូល​ពន្ធ​១១​ខែ​បាន​កើនឡើង​ដល់​ជាង​១៧​ភាគរយ

ចំណូល​ពន្ធ​១១​ខែ​បាន​កើនឡើង​ដល់​ជាង​១៧​ភាគរយ

ចំណូល​ពន្ធ​១១​ខែ​បាន​កើនឡើង​ដល់​ជាង​១៧​ភាគរយ

ភ្នំពេញៈ ចំណូល​ពន្ធដារ​របស់​កម្ពុជា​កើន​ជាង​១៧,៣​ភាគរយ​ក្នុង​រយៈពេល​១១ ខែ បើ​ធៀប​រយៈពេល​ដូច​គ្នា​ពី​ឆ្នាំ​ទៅ​។

សេចក្តី​ប្រកាស ព័ត៌មាន​របស់​អគ្គនាយកដ្ឋាន​ពន្ធដារ​ចេញ​ផ្សាយ​កាលពី​ថ្ងៃ​ពុធ​ឲ្យ​ដឹង ថា ចំណូល​ពន្ធ​សរុប​មាន ៨០០,២ លាន​ដុល្លារ កើន​ពី ៦៨២​លាន​ដុល្លារ​បើ​ធៀប​ពេល​ដូច​គ្នា​នេះ​។

លោក អូន ព័ន្ធមុនីរ័ត្ន រដ្ឋមន្ដ្រី​សេដ្ឋកិច្ច និង​ហិរញ្ញវត្ថុ​ទើប​នឹង​តែងតាំង​ថ្មី បាន​ឲ្យ​ដឹង​នៅក្នុង​សេចក្ដី​ប្រកាស​នេះ​ថា ការ​កើនឡើង​នេះ​បណ្ដាល​មកពី​ការ​ខិតខំ​ប្រឹងប្រែង​របស់​មន្ដ្រី ពន្ធដារ​ក្នុង​ការ​ផ្ដល់​សេវាកម្ម ឬ​ទីកន្លែង​ល្អ​សម្រាប់​អ្នក​បង់​ពន្ធ​។ លោក​បាន​ណែនាំ​ដល់​មន្ដ្រី​ឲ្យ​អនុវត្ត​តួនាទី និង​វិន័យ ដើម្បី​លើក​កម្ពស់​ការ​ប្រមូល​ប្រាក់​ចំណូល​ពន្ធ​។

ពន្ធ​លើ​ប្រាក់ខែ​កើន ២៦,៤​ភាគរយ ពន្ធ​លើ​ចំណូល​របស់​ក្រុមហ៊ុន កើនឡើង​១៨,៣​ភាគរយ និង​ពន្ធ​អាករ​លើ​តម្លៃ​បន្ថែម​កើនឡើង​១៩​,៧​ភាគរយ​។

ទិន្នន័យ ប្រាក់ចំណូល​ពន្ធ​តាម​វិស័យ​បង្ហាញ​ថា ចំណូល​បាន​ពី​វិស័យ​ហិរញ្ញវត្ថុ​កើនឡើង​២៧,៣​ភាគរយ វិស័យ​ទូរគមនាគមន៍​បាន​កើនឡើង ២៥,២៦​ភាគរយ ផលិតផល​ភេសជ្ជៈ កើន ២០,៤​ភាគរយ វិស័យ​នាំចូល នាំចេញ​កើន ១៩,៨​ភាគរយ វិស័យ​កាត់ដេរ​កើនឡើង ៤៧,៣​ភាគរយ របស់​ប្រើប្រាស់​កើន ៣១,៦​ភាគរយ វិស័យ​សំណង់ និង​វិស្វកម្ម​កើនឡើង​២៨,១​ភាគរយ វិស័យ​ដឹកជញ្ជូន និង​ទេសចរណ៍ កើនឡើង ៣៤,៥​ភាគរយ ព្រលាន​យន្តហោះ និង​កំពង់ផែ​កើន ៨០,៩​ភាគរយ សណ្ឋាគារ និង​ផ្ទះសំណាក់​បាន​កើន​១៩,៥​ភាគរយ ឧស្សាហកម្ម​រថយន្ត​កើន ២៤២,៩​ភាគរយ ផលិតផល​អេឡិចត្រូនិក​កើន ៤០,៣​ភាគរយ និង​ផលិតកម្ម​ស្បៀង​កើន​៤៨,​៩៦​ភាគរយ៕PB

អត្ថបទគួរចាប់អារម្មណ៍