The Phnom Penh Post Search

Search form




Logo of Phnom Penh Post newspaper Phnom Penh Post - ជប៉ុន ចាកចេញពី​សេវា​ផ្ញើសារជាអក្សរ Pager

ជប៉ុន ចាកចេញពី​សេវា​ផ្ញើសារជាអក្សរ Pager

Content image - Phnom Penh Post
ឧបករណ៍​ផ្ញើសារជាអក្សរ (Pager) ត្រូវបាន​លើក​បង្ហាញ។ រូបថត AFP

ជប៉ុន ចាកចេញពី​សេវា​ផ្ញើសារជាអក្សរ Pager

ក្រុង​តូក្យូៈ ប្រទេសជប៉ុន​ក្នុង​ពេល​ឆាប់ៗ​ នឹង​លែ​ង​មាន​សេវា​ឧបករណ៍​ផ្ញើសារ​ជាអក្សរ (Pager) ទៀត​ហើយ​ បន្ទាប់ពី​​ក្រុម​ហ៊ុន​ Tokyo Telemessage ដែល​ជា​ក្រុមហ៊ុនតែ​មួយ​​គត់​​ផ្គត់ផ្គង់​សេវា​​​នេះ បាន​ឲ្យដឹង​​កាល​ពីថ្ងៃចន្ទថា​នឹង​បញ្ចប់​សេវា​​របស់​ខ្លួន​នៅខែ​កញ្ញា​ឆ្នាំ​ក្រោយ។ នេះ​បើ​យោង​តាម​ទីភ្នាក់ងារ​ព័ត៌មាន Kyodo។

​ឧ​បករណ៍​នេះ​ ដែល​ត្រូវ​បាន​ដាក់​ឲ្យ​ប្រើ​ប្រាស់ជា​លើក​ដំបូងនៅ​ក្នុង​ប្រ​ទេសជប៉ុនកាល​ពី​កន្លះ​ ​សតវត្សរ៍មុន​ បានបាត់​បង់​សន្សឹមៗ​ដោយសារ​ភាពសម្បូរ​បែប​នៃ​​​ទូរស័ព្ទ​ចល័ត។

Kyodo បានរាយការណ៍ថា បច្ចុប្បន្ន ក្រុមហ៊ុន ​ Tokyo Telemessage មាន​អតិថិជន​ប្រហែល ១ ៥០០នាក់ រួមទាំង​​អ្នកដែល​ធ្វើ​ការងារ​នៅ​មន្ទីរពេទ្យ​​ដែល​គាំទ្រ​ឧបករណ៍​នេះ ដោយ​សារតែ​វា​​មិនបញ្ចេញ​រលកអេ​ឡិចត្រូ​ម៉ាញេទិក​។ ​ក្រុម​ហ៊ុន​នេះ​ប្រតិ​បត្តិការ​តែ​នៅ​ក្នុង​មន្ទីរ​ពេទ្យ និង​ខេត្ត​នៅជុំវិញ​តែ​ប៉ុណ្ណោះ។

ក្រុម​ហ៊ុន​ Tokyo Telemessage គ្រោង​នឹង​ចាប់ផ្ដើម​សេវាវិទ្យុថ្មី​មួយ ដោយ​ប្រើ​ប្រាស់​ហ្វេ្រកង់​ ​របស់​​ឧបករណ៍​ផ្ញើសារជា​អក្សរ​នេះ។

លោក​ប្រធាន​ Hidetoshi Seino បាន​ឲ្យដឹងថា ​​ក្រុម​ហ៊ុន​នឹង​ផ្ដល់​ជូន​រដ្ឋា​ភិបាល​មូល​ដ្ឋាន​នូវ​​ព័ត៌​មាន​ ដើ​ម្បីជួយ​ឲ្យ​ពួកគេ​គ្រប់គ្រង​ការ​កាត់​បន្ថយ​គ្រោះមហន្តរាយ​ធម្មជាតិ​ប្រកបដោយ​ប្រសិទ្ធ​ភាព។

សេវា​ជាអក្សរ​នៅក្នុង​ប្រទេសជប៉ុន បានចាប់ផ្ដើម​តាំង​ពី​ឆ្នាំ ១៩៦៨ ជា​មួយ​នឹងទូរស័ព្ទ​សាធារ​ណៈ (Telephone Public) ដែលជា​ជំនាន់​មុនរបស់​ក្រុម​ហ៊ុន​ Nippon Telegraph and Telephone។​ សេវាទាំង​នេះ​បានធ្វើ​ឲ្យ​​មាន​​កំណើនតម្រូវការ​ដ៏រឹង​មាំ​ពី​មន្ទីរ​ពេទ្យ ​ក្រុម​ហ៊ុន និង​ការិយាល័យ​រដ្ឋា​ភិបាល​ ដោយ​ចំនួន​អ្នកជាវ​បាន​កើនឡើងដល់ ១០ ​លាន​នាក់​កាល​ពីឆ្នាំ​ ១៩៩៦។

ភាព​ពេញ​និយម​របស់​ឧបករណ៍​ផ្ញើ​សារជា​អក្សរ​​កាល​ពីទសវត្សរ៍​ឆ្នាំ ១​៩៩០ ដោយ​​សិស្ស​​វិទ្យា​ល័យ​ជាស្ដ្រី​គឺ​ជា​អ្នក​ប្រើ​ប្រាស់​ញឹក​ញាប់​​។ ឧបករណ៍​ផ្ញើសារ​ឥត​ខ្សែ​មួយនេះ​ក៏មានការ​យក​មក​ប្រើ​ប្រាស់​ផងដែរ​នៅក្នុង​​​រឿង​ភាគដែល​​ចាក់ផ្សាយ​តាម​ទូរទស្សន៍ និង​ចម្រៀង​នៅ​ពេល​នោះ​ ដែល​ធ្វើ​ឲ្យ​វា​ក្លាយជា​និមិត្ត​សញ្ញា​នៃ​យុគសម័​យ​នោះ។

ក្រុមហ៊ុន NTT Docomo ដែលជា​​ផ្នែក​ចល័តរបស់​​ក្រុម​ហ៊ុន​ NTT បាន​បញ្ចប់សេវា​ឧបករណ៍​ផ្ញើសារ​ជាអក្សរ​របស់​ខ្លួន​​កាល​ពីឆ្នាំ ២​០០៧ ដោយ​បន្សល់ទុកឲ្យ​​​​ក្រុមហ៊ុន​ Tokyo Telemessage ក្លាយជា​ប្រតិបត្តិ​ករ​សេវាចុងក្រោយ​គេ ដែល​ផ្គង់​ផ្គង់សេវា​នេះ៕ LA

អត្ថបទគួរចាប់អារម្មណ៍

  • អាមេរិក​ផ្តល់​ជំនួយ ​៤២ ​ម៉ឺន​ដុល្លារ​ទៀត ​ដើម្បី​ស្រាវជ្រាវ​សំណល់​គ្រាប់​បែក​ចង្កោម

    ភ្នំពេញៈ រដ្ឋាភិបាល​អាមេរិក​បាន​សម្រេច​ផ្ដល់​ជំនួយ​ជាង​ ៤២​ ម៉ឺន​ដុល្លារ​បន្ថែម​ទៀត ដល់​មជ្ឈមណ្ឌល​កំចាត់​មីន​កម្ពុជា ហៅ​កាត់​ថា CMAC ដើម្បី​ស្រាវជ្រាវ​​សំណល់​គ្រាប់​បែក​ចង្កោម​ដែល​

  • ប្រាក់ចំណេញ​សុទ្ធ Qantas ធ្លាក់ ៦,៥ ​ភាគរយ

    ក្រុងស៊ីដនីៈ ក្រុមហ៊ុន​អាកាសចរណ៍ Qantas Airways កាលពី​ថ្ងៃ​ព្រហស្បតិ៍​បាន​ចេញ​ផ្សាយ​ការធ្លាក់ចុះ​ប្រាក់​ចំណេញ​សុទ្ធ​ប្រចាំ​ឆ្នាំ ៦,៥ ភាគរយ ដោយសារ​ការធ្លាក់ចុះ​ប្រាក់​ចំណេញ​ក្នុង​គ្រា​ដែល​ប្រេង​ឆៅ​មាន​តម្លៃ​កាន់តែ​ខ្ពស់ និង​ការធ្លាក់​ថ្លៃ​ប្រាក់​ដុល្លារ​អូស្ត្រាលី​កាន់តែ​ខ្លាំង​។

  • តោខៀវ​ឲ្យ Roma ខ្ចី​ជើង​ខ្សែការពារ Zappacosta

    ក្រុងមីឡានៈ ក្លិប Roma បានប្រកាស​កាលពី​ថ្ងៃ​ពុធ​ថា ខ្សែការពារ Davide Zappacosta នៅ​ក្លិប Chelsea បាន​ចូលរួម​ក្លិប Roma ក្នុង​លក្ខខណ្ឌ​ខ្ចី​ជើង ៦ ​ខែ ប៉ុន្តែ​អាច​បន្ត​រហូតដល់​ចុងរដូវកាល​នេះ​ក៏បាន​ដែរ​។ ​

  • កូរ៉េ​ខាងជើង​មិន​ចរចា​ពី​បញ្ហា​នុយក្លេអ៊ែរ​ទេ បើសិន​ US ​នៅតែ​បន្ត​វិធានការ​យោធា​បង្ក​អារិភាព​នោះ

    ក្រុងសេអ៊ូលៈ កូរ៉េ​ខាងជើង​បាន​ថ្លែង​កាលពី​ថ្ងៃ​ព្រហស្បតិ៍​ថា​ខ្លួន​ «​មិន​ចាប់អារម្មណ៍​» ​នៅក្នុង​ការចរចា​នោះទេ លុះណា​តែ​ក្រុង​វ៉ាស៊ីនតោន​ឈប់​ «​វិធានការ​យោធា​បង្ក​អរិភាព​កាន់តែ​ខ្លាំង​ឡើង​ជាមួយ​ខ្លួន​នោះ​» ខណៈ​ប្រេសិត​ពិសេស​ជាន់ខ្ពស់​អាមេរិក​ម្នាក់​បាន​ទស្សនកិច្ច​ទៅកាន់​ក្រុង​សេអ៊ូល​ដោយ​ផ្តោត​ទៅ​លើ​ការធ្វើឲ្យ​កិច្ចចរចា​ពី​បញ្ហា​នុយក្លេអ៊ែរ​ជាមួយ​ក្រុង​ព្យុងយ៉ាង ដំណើរការ​ឡើងវិញ​។