.jpg)
ក្រុងវ៉ាស៊ីនតោនៈ នាយកប្រតិបត្តិក្រុមហ៊ុនប្រេងរបស់បារាំង Total ឲ្យដឹងកាលពីថ្ងៃចុងសប្តាហ៍មុនថា ក្រុមហ៊ុនមិនភ្ញាក់ផ្អើលទេដែលឃើញថា តម្លៃប្រេងមួយបារ៉ែលនឹងកើនដល់ ១០០ ដុល្លារនៅចុងឆ្នាំនេះនោះ។
លោក Patrick Pouyanne បានឲ្យដឹងក្នុងព្រឹត្តិការណ៍មួយដែលរៀបចំឡើងដោយអ្នកជំនាញនៅទីក្រុងវ៉ាស៊ីនតោនថា៖ «យើងស្ថិតក្នុងពិភពថ្មីមួយ។ យើងស្ថិតក្នុងពិភពមួយដែលភូមិសាស្ត្រនយោបាយកំពុងគ្រប់គ្រងទីផ្សារម្តងទៀត»។
តម្លៃប្រេងបានកើនជាបន្តបន្ទាប់ចាប់ពីរដូវក្តៅ ដោយសារប្រទេសផលិតប្រេង មានបំណងទប់ស្កាត់ការផ្គត់ផ្គង់ និងក្នុងពេលមានក្តីបារម្ភពីអស្ថិរភាពភូមិសាស្ត្រនយោបាយ។ គិតត្រឹមល្ងាចថ្ងៃព្រហស្បតិ៍សប្តាហ៍មុន ប្រេងប្រភេទ North Sea Brent បានកើនឡើងខ្ពស់ជាង ៨០ ដុល្លារជាលើកដំបូងគិតចាប់ឆ្នាំ ២០១៤ មក៕ BP
