The Phnom Penh Post Search

Search form




Logo of Phnom Penh Post newspaper Phnom Penh Post - តម្លៃ​ភាគ​ហ៊ុន​របស់​រដ្ឋាករ​ទឹក​ធ្លាក់​ចុះ​៦​ថ្ងៃ​ជាប់ៗ​គ្នា

តម្លៃ​ភាគ​ហ៊ុន​របស់​រដ្ឋាករ​ទឹក​ធ្លាក់​ចុះ​៦​ថ្ងៃ​ជាប់ៗ​គ្នា

តម្លៃ​ភាគ​ហ៊ុន​របស់​រដ្ឋាករ​ទឹក​ធ្លាក់​ចុះ​៦​ថ្ងៃ​ជាប់ៗ​គ្នា

ភ្នំពេញៈ តម្លៃ​ភាគ​ហ៊ុន​របស់​រដ្ឋាករ​ទឹក​ស្វយ័ត​ក្រុង​ភ្នំពេញ​(PPWSA)​ដែល​ មាន​តែ​មួយ​គត់​លើ​ផ្សារ​ហ៊ុន​បាន​ធ្លាក់​ចុះ​ទាប​បំផុត​រយៈ​ពេល​៦​ ថ្ងៃ​ជាប់​ៗ​គ្នា​នៅ​ពេល​​បិទ​ការ​ជួញ​ដូរ​កាល​ពី​ម្សិលមិញ។

ទិន្នន័យ​បាន​ពី​ផ្សារ​ហ៊ុន​កម្ពុជា (​CSX​)បាន​បង្ហាញ​ថា តម្លៃ​ហ៊ុន​របស់​ PPWSA បាន​បិទ​ការ​ជួញ​ដូរ​​ក្នុង​តម្លៃ​ ៥ ៣៦០​រៀល​ក្នុង​មួយ​ហ៊ុន​កាល​ពី​​ម្សិលមិញ​ធៀប​នឹង​ការ​បិទ​ជួញ​ដូរ​លើក​ ​ដំបូង​ក្នុង​តម្លៃ​​៩ ៣០០​រៀល​កាល​ពី​ថ្ងៃ​ទី​១៨​ ខែ​មេសា​ ឆ្នាំ​២០១២​។ ​ការ​ធ្លាក់​ចុះ​នេះ​ចាប់​ផ្ដើម​ពី​តាំង​ថ្ងៃ​សុក្រ​សប្ដាហ៍​មុន ក្នុង​តម្លៃ​៥ ៩៨០​រៀល​ក្នុង​មួយ​ភាគ​ហ៊ុន។

អ្នក​រក​ស៊ី និង​អ្នក​អង្កេត​ក្នុង​ទីផ្សារ​នេះ​និយាយ​ថា ការ​ធ្លាក់​ចុះ ​កំពុង​ឆ្លុះ​បញ្ចាំង​​ពីដំណើរ​ការ​ឆ្ពោះ​ទៅ​រក​ការ​ជាប់​គាំង​នយោបាយ បច្ចុប្បន្ន​ដោយ​សារ​តែ​មាន​ការ​យឺតយ៉ាវ​ក្នុង​ការ​ចូលរួម​របស់ វិនិយោគិន​នៅ​ក្នុង​ទីផ្សារ​នេះ ហើយ​ថា វា​នឹង​បន្ត​ការ​ធ្លាក់​ចុះ​រហូត​ដល់​រដ្ឋាភិបាល​ថ្មី​ត្រូវ​បាន បង្កើត​ឡើង​។​

លោក Soleil Lamun នាយក​រង​ផ្នែក​ប្រតិបត្តិការ​នៅ CSX ទទួល​ស្គាល់​ពី​ការ​ធ្លាក់​ចុះ​ជា​លំដាប់​នេះ​បាន​បណ្ដាល​មក​ពី​ការ​បោះ​ ​ឆ្នោត​។ លោក​បន្ថែម​ថា​៖ «តាម​គំនិត​របស់​ខ្ញុំ​ផ្ទាល់​ការ​ ធ្លាក់​ចុះ​នេះ​មិន​អាច​ទាក់ទង​ដល់​ការ​ធ្វើ​អាជីវកម្ម PPWSA នោះ​ទេ។ ប៉ុន្តែ​អារម្មណ៍​របស់​វិនិយោគិន​ក្នុង​ទីផ្សារ​នេះ​មិន​ខុស​គ្នា​ពី​ ទីផ្សារ​ផ្សេង​ទៀត​ដែល​សកម្មភាព​ពាណិជ្ជកម្ម​មាន​ភាព​ស្ងប់​ស្ងាត់​ចាប់​តាំង​ពី​ការ​បោះឆ្នោត»។​

លោក ​ស្វាយ ហៃ ប្រធាន​ និង​នាយក​ប្រតិបត្តិ​ក្រុមហ៊ុន​ឈ្មួញ​ជើង​សា​មូលបត្រ​របស់​ធនាគារ​អេស៊ីលីដា​និយាយ​ថា​ ដោយ​សារ​តែ​មាន​ភាគ​ហ៊ុន​តែ​មួយ​ដូច្នេះ​វា​អាច​ត្រូវ​ការ​ពេល​បន្ថែម​ ទៀត​។ លោក​បន្ត​ថា​៖ «​ប៉ុន្តែ​វិនិយោគិន​ថ្មី​ៗ​មួយ​ចំនួន​អាច​មើល​ឃើញ​ពី​ឱកាស​នេះ​ក្នុង ការ​ចាក់​សាច់​ប្រាក់​បញ្ចូល​ទីផ្សារ​លើ​ការ​វិនិយោគ​ក្នុង​ផ្សារ ហ៊ុន​នេះ»។​

គណបក្ស​ប្រឆាំង​បាន​ប្រកាស​ថា​នឹង​ធ្វើ​បាតុកម្ម​ រយៈពេល​៣ថ្ងៃ​នៅ​ទីលាន​ប្រជាធិបតេយ្យ​ជា​ថ្មី​ទៀត​​ចន្លោះ​ពី​ថ្ងៃ​ទី​ ១៥​ដល់​ថ្ងៃ​ទី​១៧​ប្រឆាំង​នឹង​ការ​ប្រកាស​លទ្ធផល​បោះឆ្នោត​ជា​ផ្លូវ​ ការ​ប្រកាស​ដោយ​ គ ជ ប ពី​ថ្ងៃ​ទី​៨ កញ្ញា។​​

លោក Soleil Lamun លើក​ឡើង​ថា ទីផ្សារ​នេះ​នឹង​រក្សា​ការ​ធ្លាក់​ចុះ។ លោក​បាន​ថ្លែង​ថា៖ « ​វា​នឹង​ល្អ​ប្រសើរ​ពេល​ណា​រដ្ឋាភិបាល​ថ្មី​ត្រូវ​បាន​បង្កើត​ឡើង​។ ​យើង​មិន​មាន​ការ​ធ្វើ​អន្តរាគមន៍​ណា​មួយ​នោះ​ទេ​។ យើង​រក្សា​ទីផ្សារ​នេះ​ជា​ទីផ្សារ​សេរី​តាម​ដែល​អាច​ធ្វើ ​ទៅ​បាន​។ ​ការ​ធ្វើ​អន្តរាគមន៍​អាច​ធ្វើ​ឲ្យ​ខូច​យន្ត​ការ​ទីផ្សារ​នេះ​ ហើយ​ទីផ្សារ​នេះ​អាច​នឹង​កែ​តម្រូវ​​ដោយ​ខ្លួន​ឯង​នៅ​ថ្ងៃ​ណា​មួយ​»៕PB

អត្ថបទគួរចាប់អារម្មណ៍