The Phnom Penh Post Search

Search form




Logo of Phnom Penh Post newspaper Phnom Penh Post - តុលាការ​នឹង​អនុវត្ត​ដីកា​បង្កក​ទ្រព្យ​របស់​អឹមហ្វូន​

តុលាការ​នឹង​អនុវត្ត​ដីកា​បង្កក​ទ្រព្យ​របស់​អឹមហ្វូន​

តុលាការ​នឹង​អនុវត្ត​ដីកា​បង្កក​ទ្រព្យ​របស់​អឹមហ្វូន​

ភ្នំពេញៈ សាលា​ដំបូង​រាជធានី​ភ្នំពេញ​នឹង​អនុវត្ត​ដីកា​សម្រេច​រក្សា​ការ​ពារ​ក្នុង​ការ​បង្កក​ទ្រព្យ របស់​ក្រុមហ៊ុន​អឹម​ហ្វូន​នៅ​ថ្ងៃ​នេះ​។

ការ​អនុវត្ត​នេះ​ធ្វើ​ឡើង​បន្ទាប់​ពី​លោក ស៊ិន វិសាល ចៅ​ក្រម​សាលា​ដំបូង​រាជធានី​ភ្នំពេញ បាន​ចេញ​ដីកា​សម្រេច​រក្សា​ការ​ពារ​ដោយ​ហាម​មិន​ឲ្យ​ក្រុមហ៊ុន​អឹម​ហ្វូន​លក់​ទ្រព្យ​សម្បត្តិ​របស់​ខ្លួន​ដែល​មាន​តម្លៃ​ស្មើ​បំណុល​ដែល​ខ្លួន​បាន​ជំពាក់​ក្រុមហ៊ុន​បច្ចេកវិទ្យា Huawei របស់​ចិន​ជាង​៦៥​លាន​ដុល្លារ​។

លោក គួយ ធុនណា មេធាវី​តំណាង​ក្រុមហ៊ុន Huawei បាន​ឲ្យ​ដឹង​ថា​ដីកា​នេះ​នឹង​ត្រូវ​អនុវត្ត​នៅ​ម៉ោង​២ថ្ងៃ​នេះ​ដោយ​រក្សា​រាល់​អចលន​ទ្រព្យ និង​ទ្រព្យ​សម្បត្តិ បច្ចុប្បន្ន​របស់​ក្រុមហ៊ុន​នេះ​មិន​ឲ្យ​លក់​។

លោក​បាន​បន្ត​ទៀត​ថា​៖​«​ពួក​គេ​[អឹម​ហ្វូន​] មិន​អាច​លក់​ឬ​ក៏​ផ្ទេរ​រាល់​ទ្រព្យ​សម្បត្តិ​ណា​មួយ​សូម្បី​តែ​ការ​ធ្វើ​ទាន​ក៏​ដោយ​ពីព្រោះ​យើង​មិន​អនុញ្ញាត​ឲ្យ​គេច​ផុត​ពី​បំណុល​នោះ​ទេ​»​។

លោក​ស៊ីម សារេន អ្នក​គ្រប់​គ្រង​អភិវឌ្ឍន៍​ពាណិជ្ជកម្ម​របស់​អឹម​ហ្វូន​បាន​ប្រាប់​ភ្នំពេញ ប៉ុស្តិ៍ កាល​ពី​ចុង​ខែ​មករា​ថា​ក្រុមហ៊ុន​មិន​មាន​ប្រាក់​គ្រប់​គ្រាន់​ដើម្បី​សង​នោះ​ទេ​។

អឹម​ហ្វូន​បាន​ក្ស័យ​ធន និង​បាន​ផ្ទេរ​អតិថិជន​ខ្លួន​ទាំង​អស់​ទៅ​ឲ្យ​ក្រុមហ៊ុន​ទូរស័ព្ទ​ចល័ត​ម៉ូប៊ីតែល​៕ ​PB​

អត្ថបទគួរចាប់អារម្មណ៍