.jpg)
អត្ថបទដោយលោក George Black / ប្រធានប្រឹក្សាយោបល់ហិរញ្ញវត្ថុនៃក្រុមហ៊ុន ហ្គោលដេន អេហ្វអិកស៍ លីង ឃែភីថល។
បន្ទាប់ពីការកើនឡើងជាប្រវត្តិសាស្ត្រនៃតម្លៃមាសរហូតដល់ជាង ២ ០០០ ដុល្លារ ក្នុង ១ អោនស៍នាពេលថ្មីៗនេះ តើតម្លៃរបស់វានឹងចាប់ផ្តើមធ្លាក់ថ្លៃវិញឬយ៉ាងណា? មួយរយៈពេលកន្លងមកនេះ ខ្លួនខ្ញុំផ្ទាល់ដែលជាប្រធានប្រឹក្សាយោបល់ហិរញ្ញវត្ថុនៃក្រុមហ៊ុន ហ្គោលដេន អេហ្វអិកស៍ លីង ឃែភីថល (Golden FX Link Capital) បានទទួលការសាកសួរព័ត៌មានជាច្រើនពីសំណាក់អ្នកលក់មាសបោះដុំពាក់ព័ន្ធនឹងតម្លៃរបស់មាសក៏ដូចជាវិធីសាស្ដ្រក្នុងការប្រើប្រាស់ការជួញដូរលើឧបករណ៍និស្សន្ទដើម្បីបង្ការហានិភ័យពីការទិញមាសរបស់ពួកគេ។ ការជួញដូរលើឧបករណ៍និស្សន្ទនេះគឺជាយុទ្ធសាស្ដ្រដ៏ល្អមួយសម្រាប់ការការពារអាជីវកម្មក្នុងអំឡុងពេលដែលសេដ្ឋកិច្ចកំពុងរងវិបត្ដិ ហើយស្ថិតក្នុងស្ថានភាពមួយមិនច្បាស់លាស់ បើមិនដូច្នោះទេ ឈ្មួញទិញ-លក់មាសអាចត្រឹមតែទិញមាសនៅតម្លៃខ្ពស់ ហើយមើលតម្លៃធ្លាក់ចុះវិញនៅថ្ងៃបន្ទាប់ប៉ុណ្ណោះ។
ចំពោះតម្លៃមាសដែលមានការប្រែប្រួលខ្លាំងដូចពេលនេះសម្រាប់ឈ្មួញទិញដុំ ពួកគាត់អាចនឹងត្រូវរង់ចាំរយៈពេលច្រើនថ្ងៃ ច្រើនសប្ដាហ៍ ឬច្រើនខែ ដើម្បីទទួលបានផលចំណេញពីការទិញមាសរបស់ពួកគាត់ ប៉ុន្តែតាមរយៈការជួញដូរឧបករណ៍និស្សន្ទវិញអ្នកអាចប្រើប្រាស់មុខងារកំណត់ប្រាក់ចំណេញនៅត្រឹមចំនួនណាមួយ និងកំណត់ហានិភ័យក្នុងការជួញដូរដោយស្វ័យប្រវត្តិ។
នៅក្នុងប្រទេសកម្ពុជានាពេលបច្ចុប្បន្ន ឈ្មួញទិញ-លក់មាសជាច្រើននៅតាមបណ្ដាខេត្ដកំពុងតែប្រឈមនឹងហានិភ័យខ្ពស់ពីការទិញមាសពីអតិថិជន ដោយសារឈ្មួញទាំងនោះអាចចំណាយពេលច្រើនទៅលើការលក់មាសចេញវិញទៅឈ្មួញធំៗនៅទីក្រុងភ្នំពេញ ស្របពេលដែលតម្លៃមាសអាចប្រែប្រួលច្រើនក្នុងចន្លោះពេលនោះ។
ការជួញដូរតាមរបៀបនេះគឺមិនមានភាពងាយស្រួលនោះទេ ហើយវាបង្កឱ្យមានក្ដីបារម្ភអំពីសុវត្ថិភាពទៀតផង។
ផ្ទុយទៅវិញ ជាមួយនឹងវត្តមាននៃទីផ្សារឧបករណ៍និស្សន្ទ អាជីវករ ឬអ្នកជួញដូរមាសអាចទិញ-លក់មាសបានយ៉ាងងាយស្រួលពីគ្រប់ទីកន្លែង និងគ្រប់ពេលវេលា ប្រកបដោយសុវត្ថិភាពបំផុត។ សូមទាក់ទងមកកាន់ក្រុមហ៊ុន ហ្គោលដេន អេហ្វអិកស៍ លីង ឃែភីថល ដើម្បីសិក្សាបន្ថែមអំពីវិធីការពារអាជីវកម្មតាមរយៈការប្រើប្រាស់ទីផ្សារឧបករណ៍និស្សន្ទ ក៏ដូចជាសិក្សាពីរបៀបចាប់យកឱកាសមាសនៃការទាញយកផលចំណេញពីទីផ្សារមួយនេះ៕
