The Phnom Penh Post Search

Search form




Logo of Phnom Penh Post newspaper Phnom Penh Post - ទេសចរ​កម្ពុជា​ទៅ​ក្រៅ​ប្រទេស​កើន​ឡើង​

ទេសចរ​កម្ពុជា​ទៅ​ក្រៅ​ប្រទេស​កើន​ឡើង​

ទេសចរ​កម្ពុជា​ទៅ​ក្រៅ​ប្រទេស​កើន​ឡើង​

20140221_11
ភ្ញៀវក្នុងស្រុកនិងអន្តរជាតិឆ្លងកាត់ប៉ុស្តិ៍ត្រួតពិនិត្យអន្តរជាតិបាវិតនាពេលកន្លងមក ហេង ជីវ័ន

ភ្នំពេញៈ តួលេខ​ពី​ក្រសួង ទេសចរណ៍ បាន​បង្ហាញ​ថា ចំនួន​ប្រជាជន កម្ពុជា ធ្វើ​ដំណើរ​កម្សាន្ត​ទៅ​ក្រៅ​ប្រទេស​កាល​ពី​ឆ្នាំ ២០១៣ បាន​កើន​ដល់​ជាង ៨៧១ ០០០ នាក់ គឺ​កើន​ឡើង ១០ ភាគរយ​ធៀប ២០១២។

ទិន្នន័យ​បង្ហាញ​ថា កាល​ពី​ឆ្នាំ ២០១២ ការ​ធ្វើ​ដំណើរ​កម្សាន្ត​នៅ​ក្រៅ​ប្រទេស​របស់​ប្រជា​ពលរដ្ឋ​ខ្មែរ​មាន​ចំនួន​សរុប ៧៩២ ០០០ នាក់។

លោក គង់ សុភារក្ស ប្រធាន​នាយកដ្ឋាន​ស្ថិតិ​នៅ​ក្រសួង ទេសចរណ៍​និយាយ​ថា ចំនួន​នេះ​គឺ​ជា​ការ​កើន​ឡើង​ជា​មធ្យម​ប្រចាំ​ឆ្នាំ។

លោក​បាន​ប្រាប់ ភ្នំពេញ ប៉ុស្ដិ៍ កាលពី​ថ្ងៃ​ពុធ​ថា ចំនួន​នេះ​ឆ្លុះ​បញ្ចាំង​ពី​ការ​កែលម្អ​នៃ​កម្រិត​ជីវភាព​រស់​នៅ​របស់​ប្រជាជន កម្ពុជា ហើយ​ថា មធ្យោបាយ​ធ្វើ​ដំណើរ​កាន់​តែ​ប្រសើរ និង​មាន​តម្លៃ​កាន់​តែ​ទាប​បាន​ជំរុញ​ឲ្យ​ប្រជាជន​ធ្វើ​ដំណើរ​ផង​ដែរ។

ប្រទេស វៀតណាម និង​ប្រទេស ថៃ គឺជា​ទិស​ដៅ​ដ៏​សំខាន់​មួយ​សម្រាប់​ភ្ញៀវ​ទេសចរ កម្ពុជា។ លោក​លើក​ឡើង​ថា៖ «ពួកគេ​ធ្វើ​ដំណើរ​ទៅ​ក្រៅ​ប្រទេស​ដើម្បី​សម្រាក​លំហែ​កាយ គោល​បំណង​ធ្វើ​ពាណិជ្ជកម្ម និង​ដើម្បី​ពិនិត្យ​សុខភាព។ បើ​គ្មាន​ប្រាក់​គ្រប់​គ្រាន់ ពួក​គេ​នឹង​មិន​អាច​ធ្វើ​ដំណើរ​បាន​ទេ»។

លោក ហូ វណ្ឌី សហ​ប្រធាន​ក្រុម​ការងារ​វិស័យ​ទេសចរណ៍​ឯកជន-រដ្ឋាភិបាល​បាន​ថ្លែង​ថា ការ​ធ្វើ​សាកល​ភាវូបនីយកម្ម​សហគម​អាស៊ាន គឺជា​កត្តា​រួម​ចំណែក​ដល់​ការ​កើន​ឡើង​ចំនួន​អ្នក​ធ្វើ​ដំណើរ​ទៅ​ក្រៅ​ប្រទេស​របស់ កម្ពុជា។

លោក​បាន​បញ្ជាក់​បន្ថែម​ថា៖ «បច្ចុប្បន្ន​ប្រជាជន​កាន់​តែ​ច្រើន​ធ្វើ​ដំណើរ​ដើម្បី​យក​បទ​ពិសោធ​ថ្មី ឬ​គោល​បំណង​ដើម្បី​ធ្វើ​អាជីវកម្ម។ ឯកសារ​ធ្វើ​ដំណើរ​ទៅ​កាន់​ប្រទេស​ផ្សេង​ទៀត​មិន​សូវ​ស្មុគ​ស្មាញ​បាន​ជំរុញ​ឲ្យ​ចំនួន​នេះ​កើន​ឡើង»។

លោក ហូ វណ្ឌី រំពឹង​ថា ចំនួន​នេះ​នឹង​រក្សា​កើន​ឡើង​ពី​មួយ​ឆ្នាំ​ទៅ​មួយ​ឆ្នាំ។ លោក​បាន​លើក​ឡើង​ថា៖ «ប្រជាជន​នឹង​ទំនង​ជា​ធ្វើ​ដំណើរ​ហួស​ពី​ព្រំដែន​កាន់​តែ​ច្រើន​នៅ​ពេល​ការ​ធ្វើ​សមាហរណកម្ម​សមាគម​អាស៊ាន​នៅ​ក្នុង​ឆ្នាំ ២០១៥ ចូល​មក​ដល់»៕ PB

អត្ថបទគួរចាប់អារម្មណ៍